1 Mangri saga ba ri Yahudiya ka Antonkiya si ka kla mawooni, si kre nama ku ni ma sa kyegbu nawu nga ka ti ni Musa kre, bu sa riya fe kukar sabo naga. 2 Na nghu bu bi Bulus na Barnaba uma fe bii miki na khi ye kre nama ni ngbo Barnabas na mba saga ni kame ma, ima tu ma, maya thrushelima na fe ingri ti hu uko na mba ti gba ni kre kumiye. 3 Uma tu na ri na kirii kpare zu na ari phoencia na samariyswa uma kre ku bwa ughu ribii ari mba kanyu. A bi ingri kumur ba ni mawoni. 4 Rikpu ti ni ma ba Urushelima, mba koze kpare uma bii na risii na mba ti gba na uma ka kre ungho ti ni kpare lu na ma. 5 A syu ku mangri saga bee, ni su indi ni kame mba farashira, a yende si kre '' Usu u-ugho ti ma si ma kyegbu nama si ma la nama du kizi khi pla mebe ti musa. 6 Ni ngha mba ti gba na mba riku ba risi lu ti kre u-ngho ni risi ungbo ti ni ri krii. 7 Ni khizi ugbu kre Bitru yende si kre nama mawoni na yi hu na rikpu wundje ti ni chuta kpare kla ni kame yi na, ku ni kanyii mi mba kanyu ma hu ikre ti ti a-nghu si ma bee. 8 Kpare ti ni hu miki i kre nama shi nama uhui risii ka ti ni lu nayi sa kla kandu gabra ri yi nama nga a zeze ta miki ni ihi risi na khi bimiki. 10 Bebe nghu nisu yimu aki ni lo gi ri ma kpare, ku yi ya u-ngho ni rito mawu ndu ti nigiyiu re mati yi re yi kaya ti ma hu. 11 Usu ku yi bebe yi riya ti fe kire ni khi grey kpare ti Daob yesu ka ti ni na su. 12 Tshwashwa ugbo magri ma lpi nze si ka kpa ti na Barnabas na Bulus uma kre ikre ti ihi kla kandu na u-ngho kla ti gba kpare ti na lu ni kame mba kanyu ta nama. 13 Rikpu ni ma bwa ikre sabo Yakubu bn bee si kre, ''Mawoni na lu u-ngho ti mi riya kre na. 14 Simon la na ma ukru ni kpare zeze gry mba gentrie si na glu ri kame ma mangri ni kre nde nghu. 15 Ikre mba ti huko be na yimii ka ti ni mawa. 16 Na u-nghu mba mi chuta mi riya ti re ba, ni ngba mi bi riya ti meh kirii kpare ti Dauda ti ni dji lu bwa mi riya meh so si bi meh lu ari u-gbho ti ni na bhi. 17 Si na rigri mangri si ma re ne Dada je na mba kayu ti ni mari bi ma na inde mi. 18 Na nghu mu su u-nghu ti ni kpare kre andi ni lu ari u-ngho mbani ti ni ma hu ri rikpu ti kasas saga ari ringri kakanme ti haleniyawa shi kp ti ni masii na kaye wundi ni kre Na nghu mu ni su ni kpare ti ni mohu tsioatshwa u-ngho ni lu ri kpu ti kasasa. 19 Ni su yiomu mi lu khi ga ku yi sa riya ti na mba kanyu ringra nga mba ti ni na bu lkre kpare. 20 Yi riya wa kakambe na nama ku na bi si du masa riya na khi ne ma ngha na ibe ti ni ma wu nghu na khish na mayi. 21 Musa ri klrii kre kpare ni uko tigba nghu ri kasa sa nyi ari ta klrii ni shakpa ni ari uno sati. 22 A si ni mba ti huko na mba rukuki na kirii kpare tshwatshua ti ma chu Yahuda tima ribi nghu Barnabas. Na sila ni ma su mba ruku ti mawuni si ti ma ka atakiya Bulusu uma Barnabas. 23 Uma wa na ubo ma ri na ari mba almajiri na mba rukuku na mawuni ka na mawuni mba kanyu ni ma kpi ni atakiya syria cilicia na kutchunde. 24 Ni kre ni yi hu ari mangri saga ma rhuye ni kame yi, si sa bu kanyu ri nayi nga, uma ri bii yi miki na, na ikre ti ni mla yi miki. 25 Usu ka riya si nayi ni ma ba nayi na miki wundindi si yi wa'a mangri si yi tuma ya nama na Barnabas na Bulus ti ni yi be nama. 26 Magri ti ni ma di miki ma nikre nde Dada Yesu christo. 27 Ni su yimu yi tu Yahuza una sila na ma riyo ba si la nayi na ari u-ghu ukro ni kri na kanyu ma. 28 Usu ka isi ni uhu risi na yiyi pye si yi ta ni risi yi ka ta ingri rika kre ti na ti ni sasu u-nghu risi-ngho nga. 29 Ku si bwa ari u-ngho ti ni mari la ni ari u-ngho ribii mayi, u-ngho ni ma wu na ku tshurru na khi la na mangha, ni yi ru ghiyi bi na mba mi na ari u-ngho riya si nayi na ya risisi na. 30 Ni ngho rikpu ni la ku ya nguma a ba atakiya ni kizi ni ma ba Ugbu mangri lu uma kla na kakambe. 31 Da nima kla ugho ti ni ma wa uma tremiki na ku tanyu risi nama. 32 Yahuza na sila pye mba ti huko di kubii miki ni mawoni na ugbu kre ti ni nama kusthweru. 33 Na ku kpi ma wugya ni katchu nghu, uma la nama ma ku ma bwa katchu-nghu sabo ni khi yimiki ri na mawoni ti mba ti ni ma tuma. 34 Kakambe mba ti si ma ti kasasa ma sa sii na nga, Asu ka isi ni silas na teh ni katchu nghu. 35 As Bulus ima Barnabas ma kpi ni atakiya ka kla na khi kre ikre ti Dada. 36 Na ikpri saga ma chuta Bulus bu kre ni Barnabas yi rhe ya bebe nghu si yi ya na mawuni ni ugbu ari uko ni yi kre ikre ti Dada si yi hu ukru ni ma su. 37 Barnabas ka ne ti bi Yohanana duma ti ni maka bi nghu markus. 38 Usu Bulusu gah ku sa si ma bi markus nama nga ni na bwa ma sabo iri pamphylia si sa ka nawu ni kame ndu. 39 Ni ngho a ba u-ma fe u-ngho ku bii miki nio sa si nga, Uma zu ihi ma gbra gbra, ni ngho Barnabas bu hi Markus na nghu si du manyi ka cyprus. 40 Ni Bulus bu bi silas si bwa katchu nghu sabo, Ni ngho ari mawoni uma na-nghu kandu ti ni khi greh ti Dada. 41 Ni ngha a ka zu sijria na cilicia na ku sheru ni ri na ari kazee kpare.