Ugrii 17

1 bebengho ma chuta ni kame Amfiboli na Aboloniya, ma ba uku Tasalonika kachu ti ni shakpa mba Yahuza ni natiwa. 2 Bulus na kru ungho. A ka nama ni Asabar atra sii gah nama rii lkrii kpari. 3 Sii ka klaa nga nga mbe kukpa risii kristi na wariingra ka klama ku usu myimu na kristi na wariingra sii na yende rii rufu. A krii, ''Yesu nanghu tini mi la nayuna ungbo mu ni su kristi. 4 riingrta mba Yahudawa bii re sii du Bulusu na sila, na ugbo mba Itelenawa ti ni ma diimikima, ba su na wuchichi igri manghanga. 5 Mba Yahudawa ti ni ma be na Yesu nga ma lu kafu sii glo mba riibinga saga rii ruchu-wa sii ha agbo mangre kalu sii kani kulu unvu ni kame uku sii ka lu lu unvu ni kiirii Yason ku na ruye na ma na Bulus na sila. 6 Ki ma sa ma nga sii gbii Jason na mawuni mba saga ka kachu mba tigba ti uku, sii ka kii ''mangri mbame ti ni ma re khizimiti krunaiye ma bame pia. 7 Mangri mba me ti ni Jason buma ma lu ungho tinu su gbva na lkrii kisar, ma krii ku na oriye ndeh-Yesu. 8 Ma zheyemiki mangri na mba tigba uko tini ma jih ungho mba me. 9 Nde ni ma hi mba tigbe rii kachu Yason na riingre ma, ma shi ma sabo. 10 Uchungaha mawuni bu too Bulusu sila ka Berea nde maka tru ngha, ma ka shakpa mba Yahudawa. 11 Bebengho mangri mbame bu su na kuhu kra na mba ti Tasalonika, ma bvo ikrii du ngho na miki ma, sii kla nga ngambe ni kpri kpri sii ma hu rii unghu ti ni ilama so nyuma. 12 Riingha ugboma bu be na mangha mba tigba rii areek na mba lulu. 13 Nde kia ka ni utu Yahudawa ti ni magba ni Tasolonika ku Bulus rii krii kpare ni biriya, ma ka ngha sii ka ni rukro sii Zhimangre ye. 14 Riingha mawuni bii ku Bulus na ya unghoo sii na sila na Timoti makpi nime. 15 Mba tini ma bii Bulus ka yawa ma biingho katru miti Anthens, Nde ma shingho ningha a nama kutundu na sila na Timoti ku maba nangho gblagbla. 16 Ndeh ni Bulus ti rii gbema ni Atina uhungho ni kame bu ka ni kafu. Nde ni hu uku dingho bu mloo na arii kpari tini mangri lu. 17 A ka gah ikpri kpri ni shakpa na ari mba Yahudawa na mba saga ti ni ma bii na kpari ni ka me ruchu na mba ti ni makpi ningho. 18 Mangri Abikuruyawa nan mba tigba ni ku kla mbe ma gbongho mba saga bu krii ''aki ni ikpre nangho rii su ti kra? ''Mbasaga bii kre usu ka indi nikame mba tini ma rii be mangre ku ma du kpare. 19 Rihiima'' ma hu Bulus sii biingho ka na Arasa sii miye ika hu ungho riihingho tini bii rii kre nangho? 20 Bu be ungho riihingho ba utuye na nyumu lrii su ti hu akiyu niungho bamesu. 21 (Bebengho mba Atinawa Shwrashwra na mba kanyu tini makpi ni ngha ba ba rukpu ni kandunga sii ni ku kre rii ku kpi ulu ni ungho riihema. 22 Bulus bii yende ti ni katete Arasa sii kre ''Bubo mangri Atinawa mu hu ku bu su mba ti du ni riisii lhii Shwrashwra. 23 A su ni mi katchuta sii ru hu arii ungho ti ni bii rii do riisii nama na me fe ma wa ni riisii bagadi ku'' ni kpari tini ba hunghonga'' ku duyena usii ni kame uhu melilaye manghoma. 24 Kpritini lu miti na arii ungho tini makpi ni ka mengho ungho mu ni su kpari ti karii na miti, ba rii su ni khize ti ni mame na uboonga. 25 Rii kugrengho niyu ti ba re ubo mangringa ka i shre kandu, usu unghomu ni na mangri riingha na kuke. 26 Rii kachu ingri indidi nilu mangri tini makpi ni khizi miti unghomu ni du rukpu na kachu ti ni mariya tikpi wa. 27 Na ma ne kpari rii mariya ti fe ighimaya nangho ungho ba naunyu nayenga. 28 Ni unghomu ni irii kpi rii kre na shashaye kruti ni shungba krina kuku yeye ma isu mawungho. 29 ''Na nyumu ni isu mawu kpari ba rii yati sii iga ku kapri suka kpanzi ti shaye rii kpanzi ti glo eye rii keko ti ni mangre kpa na kugahti isimiki mangre. 30 Ni rukpu uhwu kpari reiye tabwa ama ni rukpu nangho ikrii ku mangre kuninye ku ma rimikima. 31 Ni ungho so ku ungho su ikpri ti ni riya ti shruummo ti riisii ngho ni khizeh miti na ingre ti ni ungho chu ngho kpari kla ingre nangho ni kundi na hu sii yende nangho rii rufu. 32 Nde ikrii ku mba tini mafu riyati yende ka ni utu mba sagama bii kre ku ''Iriiya ti kpi utu nangho ni ikriinangho. 33 Nikhizingaha Bulus bu shima. Mangre mba saga bu benangho su dunghowa, masu Diyonisuyas ti Arasa nghadi ndehnghu Damarisa mbasaga mye.