¹ Ni kre ku lundu ni mangre si ti Kpare ti ni mi riya waa nayi na nga. ² Mi bu ngho ti ni yi somiki na, ni mi kpo ni khre nghu ni mangri ti Macedonia, mi la nama ku Achaa usuna ku gbe rhi iyhe ti ni tchuta ku so miki na i ta ugbuma ju ti ne ku lundu ³ Bebe nghu mi tu ari mawuni si na ku kpo yi ni risi yina sa riya su rhinho nga, si yi kpi na na ku gbe na. ka ukru ni kre riya su. ⁴ Ni su nye nga ni ungru ri Macedonia duma si ba hu yina yi sa kpi ni ku-gbe nanga, rhiwhi riya ruyi mi sa kre kandu ni risi yi nanga ni yi kpi na ku gbe miki na. ⁵ Unghu mu mi gha ku isi mi kre na mawuni ma ba nayi na simba kpi gbe unho ni kre bu riya nama. su yimu si na ngho na kpi si su dubo tisii ⁶ Ugho ti ni su mu mi: ungri ti ni tchru sheungho na ku sabo riya fe na ku sabo, ungre ti ni tchru ku na si na fe kubo ti si riya fe kubo ti si. ⁷ ko andi na di ukru ni na so ni miki, sa su na ka su na ku bii miki yi re na mgbimgbi, Kpare suna kubii ubo wir miki. ⁸ Kpare riya lu khi grey nghu na ubu na mlo lubwa na wu ko na shiya ungho tshwathwa si fe unghu ti ni bu ri ne ngami riya su yimu si fe ku mlo ari ungho risi nghu ni yi lu. ⁹ Usu ka ti ni ma waa i di ungho bo nghu si na mba ti ni masa su na kandu nga kulu ma nghu ti gbogbo ¹⁰ Ingre ni na mba do itehe unghu ti tschu, a tschu ma si fe ungho ti ni rii riya dii piye si fe ku mlo iteche ungho ti tschu. ¹¹ Riya fe irii mbri ti ku lu risi. Bu riya ti fe ungho ni vgbu ihi si su ingri ti ka grey saga. Na nghu riya bi ki wir ni Kpare rhi na yi ¹² Na ku lu undu ngami sa su ku ife mba mangri ti si ti Kpare umlo si ri lu bwa rika ugbu kaldu ti khi wir ni Kpare. ¹³ Ni kre ni ma, mawa hu a kla na undu gami, bu riya ti na Kpare ti gba na ku lu unho ti yi kre na, ti kre kristi yi riya ti na Kpare ti gba na, ku dhi unho ti ni bu riya nama na ugbu gbo. ¹⁴ Ma gbe fumbra, uma ri feh nawu. Ma ri lu nyye ni kre kugba ti khi grey ti Kpare ni risi wu. ¹⁵ Kuwir na ya na Kpare ni khre ungho ti mbri ma ni ri nayi.