¹ Bulus, na mimi kre nawu, na khi zuniiki na khi lu ngho mati Christi mi ri she na risi ni ti nayi na, mi ri fe khi gba miki nawu ni mi ka ² Mi fe na wu ku, ni mi ti na wu mi beriso ku mi bu kpafu nga na ngumi nga. Asu ki ko mi gba miki si mi ra na mba ti ma rihu yi kpi ni iga ³ Ko ti na yi kri ni iga na, yi sa riya ti ta riku ni ahi ti iya nga. ⁴ Isi ti ugro yi sa su ka ti mba tshrwa nga. Asu ma so na ku tshweru ni ri ge kinge ti tshweru ti Sata ti ni ba su ti kandu nga. ⁵ Yi be ge ri kinji ni ma ri kpi ni iyi yi kre Kpare. ⁶ Yi hi ku tschru risi miti na kre Christi. yi ri kpi ni ku gbe ti di ringra ni tshwatshwa ungho ti ni su ti ribii, ni ku dourisimitii yi na umlo. ⁷ Ne ungho ti ri kla ni ihi yi wu ni ngru bee ku ka ti ni su ti Christi yi piye. ⁸ Nimi ni kpo rhu mbri gyaa ni kae batshweru yi, ni Dada nayi si yi mhe yi lu na sa su ti dji yi na nga mi riya ti fe rhiwhi nga. ⁹ Mi sa ri ne nasu ka mi ri nayi tshitshi na, na kakandu ni wa mi. ¹⁰ Mangre sa ga kre, kakambe nghu na ku tsheru, ti gha ungh ikre ne nghu ni iga, i re ne ukru ndi, ikre nghu sa su ti bu nga ¹¹ Ukre mangre mba lo ma hu ku ughoti ni yi kre ni kakambe yi nu sa kpe nga. Usu ungho ti ni riya su ni kulu yi ni ka nama. ¹² Yisa ri kana nggu ti kpi si ha nghiyi lu re kla nghiyi na mba ni ma shoande ni risi ma. Ni su ni ma, ma ngunre, na nguma ma sa su na ungho ti lu nga. ¹³ Yi sa riya ti kpo kraa khi a shi yi riya lu unho ukru ti ni Kpare kla yi, tschu ti ni ba nayi na. ¹⁴ Yi sa gla ka kraakhi tshi ni yi te hu nayi na yi zeze tchu na yi na ikre Kristi ¹⁵ Yi sa kpo kraa khi tshi nga na ndu ti saga, yi so miki ku ni khi bhimiki ti ri gba,undu yi ni kame yi na riya gba kraa tshi. ¹⁶ Yi ri bee na nghu mu, si yi igri tchu yi ta na. yi sa riya kpo ni kre undu ni yi lu ni uko ndi nga. ¹⁷ Ti ni riya kpo na kpo na Dada ni Christi. ¹⁸ Basu ungre ti ni kpo nghu ni mangre ma ri bee na nga. Asu ungre ti Kpare bee na ri fe kubii.