¹ Yi ri ne si hu na mawonina ikre khi grey ti Kpare ni mana ari kaze Kpare ti Macedonia. ² Rikpu ingreh kuma tinringra, ugbu kumur ma na rita ti ungho lu ma rhu na ti ungre kufe na kungrey. ³ Mi lu khibee nama ti ma di mbri mbri ka ukru ni ma hu ti lu, kra na u-ngho ni ma hu ti lu; na khi bii miki ma. ⁴ Ma ta yi kabobo na ku baa khi grey na ku fe ihi ti ka dii ni ndu ni mangri ti Kpare. ⁵ Nga mi sa ba ka ukru ni yi ka so miki nga uma zeze na risi ngu-ma ni Dada ki nayi na khi grey Kpare. ⁶ Ni ngha yi fe na Titus, ni zeze kadji ni kulu ndu, na mhe ni kame yina ti lu ti khi grey. ⁷ Asu ku yi glati ni ko ki ni miki, ikre, ni ku kpariisi, ni tshwatshwa ko khi na ni kibii na yi, ni ngho lu si kraa ni aya. ⁸ Mi kre ngaami sa su ku khi dekre nga, nga usu ku mi kre si mi ma khibi miki yi si mi hu kibi si ma nghu na ku lu ti ringri mangri. ⁹ Yi hu na ku khi grey Kpare ti Dada Yesu christo. Asu i na suna u-nghobo, ni risi yina a ba su na kandu nga, ni ihi na-nghu ti rika yi riya fe u-ngho bo. ¹⁰ Ni u-nghu ngami mi riya na wu kre ti si ti ni riya greh ye na, iye ndidi ti ni tihuta yi zeze kalu kandu, yi kpe rhine ti lu nghu na. ¹¹ Bebe- nghu mhe-nghu na ka ti ni yi su na khineti lu na miki ti lu nghu rikpu ngabu, bi-nghu ba na ku mhe-nghu lu na. Kati ni yi hu ti lu na. ¹² Ni yi su na miki ti lu u-ngho ngami. Usu u-ngho tisi-nghu na ngho kubuu. Nasu.u-ngho ti ni ingri su na-nghu, na ka su unghob ti ni sa su na nghu nga. ¹³ Ngami sa su ungho ti ma ni saga si su ringra na wu. Na su ti singhu tshwatshwa. ¹⁴ Ku fe glati ni rikpu ngami dii ungho ni ma rhi nhe. Ngami su nyi mu si kufe ma ti ni glati riya nayi ungho ni yi rhi ne na si na si tshwatshwa. ¹⁵ Usu ka ukru ni ma waa, ti ni su na na nghu mbrimbri sa bi su na kandu nga. Ti ni su na wundjeh sa bi rhi ne kandu nga. ¹⁶ Usu ungho ti ku wir ni Kpare, ni na miki Titus ukre khi gaa ti si nghu ti ni mi su na wu. ¹⁷ Sa su ku bu fe yi rha nga, I risheshe nghu ni kre nghu. Uba na yi na, na kibii miki nghu. ¹⁸ Yi tu nghu una wani ti ni ma ri sho nglu nde ni kame ari kaze Kpare ni kre undu nghu ti kre ikre Kpare. ¹⁹ Sa su nyi rah nga, kaze Kpare, uma tchu nghu na su ingri ti ti krii na yi, na kri grey Kpare ti ni ma ri lu undu na yi ni khi grey Kpare na risi nghu ngu nghu na ni khi si yi ²⁰ Yi mhe ri ne si yi ka lu nghu ti ni mangri sa riya kre kandu ni kre ngho risi ni yi ri lu. ²¹ Yi hi ngho si yi lu ugho risi, sa su na Dada mongba nga na mangri piye ²² Yi ri ya ti tu wani ndi nama yi ma nghu ni ugbu nghu si fe i si ni ugbu ngho ti lu. Bebe nghu i su na ku gba miki ni khri ku fe a ku gba ku bu ni su na nghu nayi na. ²³ Ni khre Titus usu wani rikri mi ma ike ndu nayi na. Ni su ti ari mawoniye, masu mba ku tundu rhi kaze Kpare, ma su gba ti kristi. ²⁴ Si kla ma kibii wuna, si kla ma ari kaze Kpare ungbo ti rii su niyi ri kpo na yina.