¹ Mba kibii mina yihu yi su ari ungho ni yi bee yi na nghiyi ri ari ungho ti bii nghu ti iga na uhu yi du unghu ni tshitshi Kpare. ² Me katchu sabo nayi na, yi sa bii ni ungru miki nga, yi sa kla ungru ungho ti bii nghu nga re ti ni sa si ni ungru nga ³ Sa su ti bii yi na ni mi kre ngami, ni zeze kre na wu na ku yi kpi ni miki yi na, na yi, yi riya pye fu nghuyi si yi kpi na nghiyi. ⁴ Mi su na kugba miki na yi, na, ti gba ni mi ri mur ni risi yi na, mi su na mloh ni kih ni kih bii, kumur mi kra khi tschi ni ugbu ringra yi ⁵ Rikpu ni yi ba Macedonia, iga yi sa feh khiyi nga. Asu yi feh rika ni ugbo na rikro ni kaye na tshitshi ni kame. ⁶ Kpare ti ni nayi khiyi mba rika, a nayi khiyi na kuba Titus. ⁷ Sa su na ku ba nghu mu ni Kpare ta khiyi nayi nga. Usu na khiyi ti ni Titus na bu ti na yi. Ikre na yi na yi ti gba ni bi fe, ringra wu, na miki ku lu wu na mi. Mi ri wir glati ⁸ Kakambe ti ni mi tundu na yi na i bii yi miki na, sa mla mi miki nga, i ba mi miki ni mi hu ku kambe mi bii nayi miki na. Asu ti rikpu wundeh ⁹ Bebe nghu mi wir, sa su ku yi lu ka ni rika na, asu ku khi bii miki yina bi yi ba ihi Kpare na yi hu ungho ribii ti Kpare na yi sa wa ringra rhono na nga ni khre yi ¹⁰ Ringra Kpare ribii ku hu ungho risi nghu ti ni ri bii khi kra sabo ni sa su na ku bii miki nga ni miti gboo rika, rii bi tifu ¹¹ Hu ungho ti gbaa miki ni rika Kpare rhu nawu ku gba miki ngaha ns su ku khi nawu, ti kla ku bu su ti singhu ku gba wu su ti kre mangre je na tshitshi, ku gbe wu, ku soo miki na ku nhe ti hu ku ma lu retshetshe nghu ni ko ukru ungho ki ti ni bu lu tisi nghu na tehuwu ni kare ikre ngami. ¹² Mi hu mi wa nawu, mi sa wa nikhe mba ti lu ungho ribii, rhe ni khre maba ti ni ma wa rika ungho ribii, sina unghon tisi nghu yina nayi na kla nayi na ni yi Kpare. ¹³ Ni kre ngami mu ni yi ri mheyi kizi na je na khi kpi kisi yi, yi ri wir piye kru ni khere kumui Titus, ni kre ugbda miki nghu bu wayi ni khre yi na. ¹⁴ Ni mi kpo na nghu, sa bi mi ta ni nga. saa su nyi mu nga, ka ko ki yi kre nayi na su risheshe unghu ku kpe yi ni risi yina na Titus kla i su risheshe nghu. ¹⁵ khi binghu nayi naa ni ghaabu khi bii yina ka rikpu ninbinghunubonahaaha na tshitshi na ku gugruh ga. ¹⁶ Mi wir nikre mi suna khi bee tshwatswa ni risi yina.