1 I khre naghu usu na rishe-she nghu, Ni lgri rine tusu tigba kaze Kpare nasu na ndu risi nghu. 2 Na nyumu ise llgri ti nuru risi nghu bi, nisu na rere, tini hu kubu mba kanyu, tini hu ku kla. 3 Na kasu lgri tini ruwa mateyi, na kune rukro, na naghu nasu lgri ti ru risi nghu, na kuyi nga basu lgri tini risoyi ni ugba nga. 4 I si na hu kubi kiri nghu risisi. Mawu nghu masu ba ti dourisi mitti na ku di tigba. 5 Ni lgri bahu ku ma keri nghubi nga. Yalu ke ki su me kaze Kpare bi? 6 Basi nasu lgri tini bwa ughu ribi sabo bebe-be nghu nga, ya lu nghu ku kpo, na ku gba risi, na ka ba ruku ni kame rika ka ti ni malu ni lgri ribii. 7 I si, nasu ngho kirii tisi nghu ni ka nyii mba ti nima basu mba ti du wu Kpare nga, si na kaku kame ribwii yi na i sha lgri rikpri. 8 Na nghi mari dikinoni masu namiki ti si nghu ma ka su mba klrii ungyu aha yi, basi masu mba kuwa mate re mba ku soyi ni gri ugho nga. 9 Masu mba ti ni ma ribi khre miki na rishe nghu na ku tre kpafu. 10 I si ma zeze huma na nimi su maya ku lu ndu Kpare ma basu ughu ku tu nga. 11 Nyumu ma ngha masa mba ti ma ke ru-ru yi, ma su mba mabi risima na rishe-she ma, na koki. 12 Mari Dekinoni masu ba ma-ngh ma didi, ma su ba tini mahu kubi mawu ma na keri ma wangi. 13 Ari ba tini ma lu ndu ri sisi ma fe kuti risi na miki ma wudidi ni kame rishe-she ma ti niti ni kame Kristi Yeso. 14 Ari ughu tini miwa mnami, mu so mikimi ti ba kachu be-be nghu. 15 Nimi be rukpu, mu ruwa naw su hu ughu ti ni be yalu ni kaze Kpare, ughu kaze Kpare ti ni su na ri-ngha. i nzra tini bi nghu. 16 Yi be tshri-tshri yi ku doyi na rishe-she yi ugba, i kla nisi nghu ni kame nga uhu nghu ta ruba, mawu ndu nghu ma hu nghu, ma kr wrii nghu ni kezi miti ni ghu magri, magri uma ba ni kezi miti, uma hi nghu ka kare