Ighri 2

1 Nisu ghumu, wudidi ni kame tshri-shri, mini fe, malu kufe na ku kluboniyi, malu kufe ni ari ugbu magri, na kudi ugho ku whirii nikre ugbu magri. 2 Mba Oriye mba tigba miti, yi so yilu kukpe pyi na Isimiki tisi nghu Iri ti Kpare na ku kpako. 3 Naghu I se na ughu kubu ni kachu Kpare tini krayi sabo. 4 Ruso magri maka fuyi, na-nghi, mafe ku'kpa risi rishe-she nghu. 5 Nyumu Kpare su wudidi, Igri tini ti ni lu yi Isu wudidi, Kpare na Igri, Igri di Kristi Yesu. 6 I di risi nghu, Iklrii risiyi, tshri-shri, sina su ughu klrii tisi nghu. 7 Ito Klrii naghu, I maso mi nari simi misu gru klrii Kpare na uwu ku tu ndu, Rishe-she nghu nimi ri klrii basu iri nga, muu.su igri ku kla ni ugbu magri rishe-she nghu na rishe nghu. 8 Na nghi mu so ari ughu magri tshri-tshri ko ni nyi ma kluboniyi sina ma haboma ti trenghu, ba kafu na rukro. 9 Nanghumu ma-ngha ma klu utro tini ma na ku mai luma, na ku ru risima, maka bru risi na majubi keke ti treyi nghu yi (zinariya na azurfa) na utro tu lu ugban yi. 10 I si ma klu utro tini ya si nama kati ngha ti ni maru rikri ti Kpare, ka ni ku kla khre. 11 I ngha na kla na igbi-ngbi na ku shi risi miti ni ugbu nghu. 12 Mi badi i hi, na-ngha na kla lrii na ni tigba ni kachu lulu-nga, se na wusu 13 Ma zeze lu Adamu ni Hawa'u. 14 Basu Adamu ni ma mbre nghu nga i su ngha ni ma bre nghu ni ku gbho. 15 Na nyhi, yati fe ku kra-sabo ni mawu tini shwii, ni ma kri ni kame rishe-she nghu, na mabi, na ka tre, na kulo miki.