Ighri 4

1 Tou, uhu risi la nayi kayeye, rikpu ti klugbu ruba, magri na ngho-ngho ma ya kri ni rishe-she nghu, ma ya di risima ni ari uhu tini ma ribre magri, na ku kla ti ari mba uhu ribii. 2 Ni ku sari, na ku bwa miki, na ku ghama, ri ya nobo kpatata. 3 Ma riya zu na kulu rubla na ari lrii tini kpare luma, si yi bo na ku tremiki na mba tini ma di miki su hu rishe-she nghu. 4 Ugbu ngho tini Kpare luma isi, ba ugho tini yi bo na kutremiki tini yi yarana-nghu nga. 5 Ma zaza nghu ni kame klrii Kpare na kuklu-boniyi. 6 Ni bi riga mawani na ari ugho mbame, ba ya su uwu risi ti Yeso Kristi. Nyumu ma mewu ari klrii rishe-she nghu na ku kla ti si nghu ti ni be dowa. 7 Na nghi ra na ari ito khre ribi tini ari mangri ma-ngha ma ni naii na nghi be gbeutuwu na khre Kpare. 8 Ku gbetu ti iga, ndu nghu su wu gya, ku gbe-utu ni kachu Kpare, ndu nghu bre-bre, ni kachu nghu i lu nayi tangbu ti bbebe nghu, na tanghu tini ruba ni i hiyi. 9 I kirii na nghu i su kirii ti si ngho, asi yi bo khre di. 10 Ughu tini sa yi lulu ndu di na nghu-ghu, yi ni so mikiyi ni Kpare tini ba rufu nga, lgri tini kra-magri ri sabo, tut mba tini madi rishe-shema. 11 Lu uvyu si kla ari ughu mbami. 12 Kabi na-ugru na bra rukpu wusa wu yi, na nyumu bu su ughu ku ka niba ku du khizi wa, ni khre miki, kubo igri, rishe-she nghu, na pye-pye. 13 Nimi yaba, ti gbe-gbe ni ku kla nga-nga be kla klrii Kpare, na ku di khre. 14 Kalu i blrii na ku Kpare tni ba su na-nghu yi, tini ma nawo iri ughu tini ya su ni lhiyi ari mba ti gba uma klowu na boma. 15 Hu ari ughu mbami, ti-gbe ni kame ma, sina ku kri ndu di na si ni iyi ughu magri. 16 Me risi wu bi, na ku klawu, lu ari ugho mbami, na ni bolulu ma, be ya kra-nguwu sabo je na mba tini ma kep utu ma nawu.