1 Bulus kha ap ro ti ciɓɓa majalisa kyeri ta ammoli ni you ɗi wo wala kha Yamba kha yaɓon wo wulla har wo wattu polan kye. 2 Minbuɗe an tepparo Hananiya kyeri mungho mizi wo kyerani kha sii menan ma mikye bgughu khuponi. 3 Bulus kha tebbani ta "Yamba ta gbukhekho ke an ɗing rosso khe ɗiji ellenkhu khoni ne wo ni ɗiji kha khoni ɓiran khoro ma gbudno ma khobi khoni? 4 miji wo kyerani ti kujeleng mikye ta "makha kpagi mungbuɗe an paro ni Yambam" Bulus ta na penum an moli na penum kyeri mungbuɗe an tepparon. 5 ellenkhu ɓollani ta mari kpaghi mungbuɗe lennyam". 6 Bulus kha ɓannani kha teba ta, pollei pokhomoi lenya Sadukiyawa pollei lennya Parisawa kyeri yi paro, kha ɓang tiya khawan lennya ta mollo nenni baparise la parisawa "ellenkhu penan ellan muroh mari yino khoni". 7 Kha tebbani kikye pengro paro kha illani tiya talla parisawa kha sadukiya, penan ya khawan kha khappani pellou. 8 Ellenkhu lennya sadukiya ta angijem illanim ti mirom, angijiem linmi ni Yabam, pannan parisawa ta peb wukye kamni sun. 9 Khallaan penguri paro kha illani piɗi an ɓalla ti parisawa nikye kha illani kha paro ta "nubda we niyakye kha ɗakhilan parom menon ansuran kha limmi wo mikye kha yini paro?" 10 Pannan kyollo kyollo kha illani, mungbuɗe an ɓang kha yi kyo ta, kaɗama mikye kyaduro ya ni Bulus pannan kyeri kha mun poni ti miji an po tiu wuzi ma mikye woru lauwure ni kha ɓang ti khira miji an ɗikhauwan, ma mikye wore nin ya khara. 11 Kha peɗɗi mungbuɗe khe kerani nimmi kha sii ta "khaka yi kyom, kizi w khe teppou khulli ti khuno ti urshalima ɗiwou dole khiri tep khikye ti koma". 12 Kha pallan yepiɗi, piɗɗi yahudawa mikye kha yi menan ti khuzun mikye taddani ti kuzun libo ta sun ɗari khim sun ɗari tsem se nikye gbukhou Bulus. 13 Lennya khopou nyapeɗou wo mikye kerou ɗing rosso kyei. 14 Mikye wori pi munbduɗina an ɗapparo kha munbguɗina mikye ta "mun mungho ti khumon leɓɓa mun dari kyim mun tsem se mun gbukhou Bulus. 15 Kyara ma khauwe a ɗi ma mun pok ti mun gbuɗe an potiu wuzi ma watan kha sii ya ɗo kizi ta kuzon khoni, mun kam, mun ɗiyani ti khukigamun mun gbung ni panan kyeri potu nikye. 16 Pannan lah ni molni Bulus mikye tukkho khizun kha kyiri paroi mikye kha watu pi ni Bulus ta khara mikye kha teb ni. 17 Bulus kha yeru monni tiya tallai an ɓang kyeri ta "Toɗɗi lah yere kye ma worun pi mungbuɗe an po tiu wuzi, ellelnkhui kyeri kam wo kyeri teb ni". 18 An ɓanghi kha taɗɗi lah yere kha worun pini mungbuɗe an po tini wuzi kha tebani ta, "Bulus wo tebani ta manni wattun lka lah yere kye ya ɗogho kyeri kam kha wo ti tebgo". 19 Mungbuɗe an po tiu kha yeh lah yere kha worun jepe, kyeri kha masni ta "wonni wo khe menji tebno?". 20 Lah yere ta, "Yahudawa mikye meno ta sun ɗimme gho ɗoi ma wattu kha Bulus ta ɗo khauwan lennya mikye menji wakikhui maja-maja ti khui paroi. 21 Amma kha kha men kha sunnim lennya kopou nyapeɗou mikye ɗi ta ɗakkhuni mikye ti khuzun leba ta mikye aritsem ari kyim se mikye gbukke ni. ta kikye mikye ɗiyani ti khu kigasun ɗakji khe munzun pok. 22 Khaɗam mungbuɗe an potiu wuzi kha tebun ti lah yere ta ɓo kyeri khobeni kha yaɓɓi wo kpaɗo yi pari ni, ta "ma kyeri teb ti paro wo kyeri teppe nin". 23 Kyeri kha ye ɗuru an ɓang kuzun pellou kha tebzun ta mikye "yokkhi an potiu wuzi kyik pellou kha an tong nyaperou miji an yokkhi khas kyik pellou ma mikye wor khu yel Kesariya Janwa gbunum kyeri peɗi". 24 Kha mun pok ni sii ma zabi wokyuda wo Bulus ta turru khui wo ti pore ni pini mungbuɗe khu yel gwomna. 25 Kyeri kha ɓalli Alagara kizi kikye: 26 Domo ti Kuhidiyas Lisiyas wo wori pini mungbuɗe gwomna Filikus. 27 Yahudawa amikye kha keb miyai mikye menji gbugheni na pojezun an poktiu wuzi ellenkhu manponni kha yapi wo kyeri kyiro Barome. 28 Ni menji nin penni khui kpagho wo mikye yi je ni panan nin wore nin ya ɗoi khauwan. 29 Ni penou mikye kpaghijeni ellenkhu khonizun, amma angije kpangho wo porou po kheran ko wo murum. 30 Banbiɗi wo wanna teppeno piɗi ɗing rosso womikye menji yuwani nikha pozani ti pigo a kha nyaghe nim. ni teppon miji an an yi kpangho zun ta dohgo. Kyomo ɓang". 31 Pannan an poyiu wuzi mikye kha azun yapi ti khui munan pok wo munghe zun. Mikye tattu Bulus kha wattun kha peɗi ti pini Antibatris. 32 kha kpalan yapiɗi miji an tong mikye khobani kha sii issi an potiu wozu mikye me ya khara. 33 Kha yapi wo miji an tong mikye kha pori Kaisiririya Mikye muni ɓallan Alagara ti gisomna, mikye kha munun Bulus ta khira ni. 34 Gwomna kha ɓali we wo ɗijin tiya Alagara kyeri kha maszun ti khu yel manton wo Bulus ɗijinni daga wo kyeri kirou khu yel Kilikiya. 35 Kyeri ta, niri yari kummo khabung ma miji an kpanghekho ma mikye wanna kyeri kha munpok kha khaɗi poni tiya mina khoni ni Hiridus.