Pala 24

1 Kha yapi son far, panan Ananiyas gbuɗe an ɗoppok, kha piɗɗi mungbuɗina kha manni an pen khon an sommo Tartilus, mikye worou wemu, mikye kha run kha karani Bulus ta ɗoni gwomna. 2 Lokaci wo Bulus Kyerou ta ɗoni gwomna, Tartilus kyeri kha duggho kpangho ta annok gwomna, "ellenkhu kho mun wawu ɗi ɓang kyik, panan ɓaniya dohgo wanna kha baran ti khu yel. 3 Ellenkhu kikye pep we wo khe you mun kepou kha yaɓong monni ya mungbuɗe mun Filikus. 4 Ellenkhu manni kha mungho bonne ni ɗimmijegho kha nyung ya rosso ellenkhu ne yi paro yokkhol. 5 wawu miya ti piɗi ɗakulo we kiɗam kiɗam, kyeri ɗokiji lennya Yahudawa ti khu pepe pep ma mikye ban bure. 6 Har kyeri you po kini kyeri ɗakulou yamina piɗi ɗimmo ellenkhu kikye mun kha kaɓeni (Mun menou mun yi kon ellenkhu pammiwe mun). 7 Amma pannan Lisiyas Jami'i wanna lauwe ti khiramu 8 makhi makiyou Bulus ellenkhu pari-paro khemma kyeri tepizegho wo we mun banjin yasoni ti khu. 9 pep Yahudawa mikyeb ɓanjin Bulus ta wukyei khulli. 10 Lokaci gwomna mengon piɗi Bulus ma yi paro kyeri ta, pannan bomi ni menou piɗi khe nyagho ta yi ɗukte ti khu yel kye, ellenkhu kikye kha pe yaɓong niri tebgo paro. 11 kheri meni piɗi a pori son gbummo turo pellou wo ni worji khu yel Urshalima ellenkhu ni yi paro ni Yambam. 12 Panan mikye kha weno ta mina ɗimmo Yamba, na kyollan ko wattu ɗakulo talla lennyam. 13 don kikye mikye angijem kha paro wo khullim ti khunom wo mikye ɓanjin ya sono bomim. 14 Amma ni teppe gho, ti khu we wo mikye yeji kha ɗarikha, kikye nema ni ti piɗi nyalli poro Yambana ma jikkyimun ni menou kha pep wo diji tiya ballan Alagara kuzan paro kha wo ɗiji tiya Alagara an ɗopparo. 15 Ni liji yaɓong kha Yamba, khizi wo ta illa ni muro, an nyung rosso kha an ɗing rosso. 16 Ti khu kikye biran, ni ti piɗi wakyi khu nin ɗina miya wo angijen kha wo kpagho ti Yambam ko ti lennyamni yi kikye ta pep wo yuwanno. 17 Kha yapi manni kyenei ni wanna ni wattu kha wo ɗari pok kha mun we menan yaɓong. 18 Tiya porosso yuwani kikye panan piɗɗi Yahudawa wo ɗiji ti khu yel Asiya mikye kha weno tiya yiɗiyo paro puɗɗi ɗing ta mina ɗimmo, a kha khawanim akha burem. 19 Ta yi walla lennya ma mikye wattu ya ɗojgo bomi ma mikye kham kha wo teban ti khuna. 20 In ma kikye kyara ma lennya mikye tebu ma mikye nab weno kha manni wo ɗakilan ti pep lokaci wo ma worge no yah ɗoh khawan Yahudawa. 21 Mennon ko we monni wo ni teppou kha ele wo gbuɗe ti lokaci wo ni diji ta ɗozun ti khui pari illan ti muro wo mikye banjin yasono wo menji khuzeno khoni bomi. 22 Filikus kyeri kham kha gbuɗe penan khokkhon ellenkhu tai wo kyeri kyori khoni kha tebzun "pep kha Lisiyas wo mungho pok wanna ti Urshalima, niri khuji khoni". 23 Panan kyeri kha mun pok ti an ɓsng ma kyeri tin ɓani Bulus, panan kyeri kha yi ni nyungrosso, ma kyeri khai ma kyeɗire ni wattu ya ɗome nim ko kyawenim. 24 Kha yapi manni sonin, Filikus kha manna ni Druskila, Motto lah pomon Yahudiya kyeri kha surani ma yeru Bulus ma kyeri kyire ellenkhu gbuɗe menan yaɓong tiya kiriti Yeso. 25 amma panan Bulyus ti piɗi yi paro ellenkhu nyungyarosso kha khebkhui, kha kuzi paro wo tu wattu, Filikus kha kyerkyo kha tebba ta, "bomi khe kheppou amma manni wawu khokkoi ebe niri ɓanɗegho". 26 Tiya bananni ta menon Bulus ta munni kurbe kyeri ɗiwon ta ɓan Bulus tikhusam tikhusam ellenkhu kyeri yi paro kha sii. 27 kha yapi tsene pellou, Borkiyas Festas kyeri ɗiya gwomna kha yapini Filikus, ellenkhu ɓanni pe toom to bi Yahudawa kyeri khoɓong tom kha ɓani Bulus ti minna Kaddipok.