Pala 22

1 An molli kha anda' ma khiro ni minji lemma ɓomo". 2 woh khawan khiro Bulus ta yi paro kha pok Ibraniyawa mikkhe kha merani sip khire 3 Ne Bayahude ti bine Tarwasa kheni Kilisiya ɓirang ɗighi yai Gamaloyal khalang kha suppeno. mikkhe suppeno kha ɓung ti khu bi wonɓang ma jikkimun. Ni ɗighi kha sopsik ti ya bi Yamba khighi wo ma ɗighin kha tai. 4 Khire mungho bone ti khokko khei kpai woh wari" ni kheron kpatti kha serep na gha wirezun ta ya mina kpatti. 5 Khikke mun gɓuɗe Ankyagha kha pehb mun gɓuɗe mikkhe ta mun no miripok ta mikkhe munkei pok ti pizun elenkhu anmolli woh ɗiti Dimascku, plenghu ni wori ninjei woh nayi minan tei ni khere lenya anbi khokko khei, ni wattu kha sun Urushalima ma khopi khuzun. 6 Milang khire ni ɗita yi mere ni ɗighi tokkhozok kha Dimaskhu ti ya pikke monni na wei peh woh gɓuɗe ti gak peh weh kha khommene. 7 Ni sukko ti khu yel na gha khiri ɗita tebeno Shawulu, Shawulu elenkhu ni kha ɗita monno bone? 8 Ni menou, annong khei anminano? kha tebeno "Ni ne lani Yamba Banazarat woh kha ɗita munno bone. 9 Woh mikkhe ɗighi kha ne wau pehyi, ɓirang mikkhe a penou woh yo paro khanem. 10 Ni tebpo 'Ni rayi ni anminano?" Anminano tebpeno illo kha war talla Dimaskhus, ti nunhui ta tebpo woh ɓong kharayi 11 Na wawoh weh ya piɗi elenkhu maljok woh yoh, galang na gha wori talla Dimaskhus ti piɗi khebban tommo woh mun ɗighi ɗoh kha ne. 12 Ti nunjui na gha weh manni ansommo Hananiya, ankyokri Yamba ti khu khong kha sommo gɓang ta ɗo Yahudawa woh ɗighin ti nunjui. 13 Wanna pino ta, Anmolli Shawulu, khebi weh ya piɗi ti ɗoma-man khe ni waweni. 14 Pannan khire ta Yambani ma ghilli mun khakhegho kha peni woh ɗighi ta ɓongho, ɓani ankyungya rosso khe, kha khiri ele woh ta pettu ta poni. 15 Kha ɗina miya anmiri ya peni ti peb lenya ti khui weh kha wau kha ti khui weh kha khiro. 16 Ti bomi kha kyonnighi weni? illo ma pine gho am ma podɗegho ɗing sigho, kha ɗingha ye sommoni. 17 Kha yapi woh khire mena Urushalima, woh ni ɗighi ta yi ɗimma ti ya mina piɗi wab Yamba, pannan na gha kebe sunna. 18 Ni waweni khire tebno ta, lundogho kha wasi Urushalima ɓomi, elenkhu meni kha miripok woh kha tebpo ti khuno. 19 Ni tebpo, Anmina sunn kha khuzun mikkhe peno woh suppezun ti mina kpattin, ni paɗolou lenya woh mikkhe menon kulli kha khei ti mina piɗi wab Yamba. 20 ma woh panti tom anmiripok Istifanus, ni kherghi ni ɗita maribapi, ni ti ɓani soɓa woh mikkhe tukkureni. 21 Biran khire kha tebeno, khobo elenkhu na suregho ti nunjui ti piɗi lenya. 22 Lenya kha waseni kha yi paro kpai woh wori man-maran ma khikhe mikkhe kha kyori elle mikkhe ta ma walu lamiya khe ti khupebe. ma khire kha ɗiya kha khighani. 23 woh mikkhe ta kyori elezun, mikkhe wirou woh saɗau wa'adi. 24 khoba kha mikkhe kha pudɗo khuɗo khugho kha sun, kha saɗi tipiɗimmani kha tarikhui. ti khikke khowone miya ta peni woh tekkhi ti khuni kyaɓa, mikkhe ta penni khei kha anmina khong. 25 Kha lenya woh mikkhe menou kha khulli mun ballezun alagara. mun munwopok ma mikkhe wali khuzun ti weh woh munwo ti khuɗul, kha tom kha weh pekkyo khui kha jiro. 26 Birang Bulus kha saɗi anpenan, kha kpalang ya piɗi khire pudɗikhui kha sun, mikkhe kha ri piɗi wan Yamba, elenkhu khire tebzun pikki pudɗan khuzun, pikki munni woh pidɗi khui elenkhu khonongzun. 27 Kha sou khe payarou nimmi kha yuwani, manni lennya Yahudawa ti Asiya mikkhe Bulus ta ya mina piɗi wab Yamba, mikkhe kha ɗokhi khawan lenya, mikkhe kha tagheni. 28 Mikkhe ti wakkhina "lenya Israila ma sauwenimun, khei minan miya ansuppi peb lenya khontong kha weh ɓangyasoh kha lenya weh khong kha piɗi khei. A kheɗen khem wanna kha Helenawa ti yai piɗi wab Yamba kha ɗokkholang piɗi khe woh wala. 29 Elenkhe khema mikkhe wau Tarofimas miya Afisa ɗoi kha Bulus ti ya beni mikkhe kha saɗeni wannan kha si piɗi wab Yamba. 30 Birang pehp bone lingnani, lenya kha illani kha tagru Bulus. mikkhe kyoleni ti ya piɗi wab Yamba khikkhei mikkhe kha nunmuro pominai.