1 Woh mikkhe khabpo kha sun, mikkhe kha riya gholong khu am mikkhe kha khebpo khokko wori bine kos, kha taran yapiɗi Rodusa, ti ninje ɓirang woh wori bine Batara. 2 woh mu waqu gholong ta perani woh wori fonisiya mugha ruwani. 3 Woh mu ninyina khuɗon khubrus mugha wosani ta khira kizai mugha wori suriya, mugha ɗurani ti bine taya elenkhu ti ninjen gholong am ta ɗuri saɗini. 4 Kha yapi woh mu wau ansuran mugha ɗiya ti munjui son palereu. Anyaɗoni lani Yamba mikkhe tebpo ti Bulus, ti piɗi kirim, kharma khire wori Urushalama. 5 Kha yapi zun mugha yi ta meremun, pebzun kha loganglizun kha siɓɓa mikkhe kha lipimun kpai yabi bine. pannan mukha khummani ti po jikko-jikko mugha yi ɗimmo mugha lopi sap. 6 Mugha riya gholong am, sun ɓiran mikkhe kha pengriri mina. 7 Ti mugha kpadɗo meremun ti taya mugha potu talamayas. Ti nenje mugha ɗommi an molli, mugha ɗiya kha sun woh monni kha sun. 8 kha kpalang yapiri mugha illani mugha khobi kaisariya mugha riya minani Filibus an miriyapo paro Yamba, monni ti yai payarou tak, mugha ɗiyani kha si. 9 manni miya ɗiji kha sibɓa peɗou serep siɓɓa khungyo anyi andobparo. 10 Woh mun ɗiyo ti ninju la son minna andopparo wanna ti Yahudiya sommoni Agabus. 11 Manni wanna pimun kha saɗi khukghirani Bulus kha khengharo sou kha khire kha ta, " Khirim taberah ta, khikke Yahudawa mikkhe ta khire an saɗi khukhiran mikkhe ta munni ti lennya woh apini Yamba. 12 Woh mun khiro suran khe pepmun anɗipi mugha ɗimmi Bulus ma kheri woran Urushalima. 13 Bulus kha mennani ta " Matipiɗi yini? ma ti yi khui ma teleno yaɓongno? ɗighi elenkhu kheran mane kpai kha muro ti Urushalima, elenkhu kha sommoni Anminamun. lani Yamba. 14 Ma kikkhe Bulus wam kha yaɓong meru, mukha wasi yi khui mikkhe ta "woso mayuwani anminamun ma ɗiya khikke" 15 Kghayapi sonkhe, mukha yokhi ɓanmun mukha turi Urushalima. 16 Piɗi anyaɗoni lani Yamba ti kaisiriya mikkhe kha ɗappi mun. mikkhe wanna kha manni ansommo Manason miya khuburus anɗimmi ɗoh woh pari, woh muna ɗina kha si. 17 woh mun pana Urushalima, anmolli kha khayi pomun kha yaɓong. 18 kha kpalang yapiɗi, Bulus khopo kha mun woh wori pini Bitrus, pehp mun gɓuna mikkhe kham. 19 kha yapi woh khire ɗomezun, khire kha tebzun monni kha monni woh Yamba you ta talla lenya ti piɗi yi poroni. 20 Woh mikkhe khiro kikkhe, mikkhe kha wab Anminamun mikkhe kha tebeni "kha wau Anmolli, Yahudawa gboh mikkhe peno khulli mikkhe saɗo tabanzun mikkhe ta bi khong. 21 Birang mikkhe tebpo ti khugho ta, khatti yi suber woh ɗighi ta talla lenya mikkhe kha saɗi paro Musa khulli, khire subpezun ma mikkhe ma khari kpalle siɓɓazun kha biyu weh minan mu woh pikke. 22 Munna yini? khulli mikkhe ta khuirina kha wattu. 23 elenkhu khikke yi woh mun tebpo gho bomi mun ɗighi kha kpatti peɗou woh saɗo pemmiwe. 24 khobi mikhi kha poɗikhugho kha sun saɗi bonezun kha tarikhui. ti khikke khowane miya ta peni woh tebghi ti khuni kyaɓa ma. mikkhe ta peni ta khei anbi khong. 25 Ti khu lenya woh mikkhe menou kha khulli mu yuwizun ɓalla, mun mugho pok ma mikkhe khuɗo woh khab pani ti khudul, kha tom, kha weh woh pekkyo kha jiro. 26 Panan Bulus kha saɗi kpatti mikkhe kha kpallang yapiɗi kha piɗi khuni kha sun, mikkhe khari mina wab Yamba, elenkhu ma khire tebo malang puɗikhu zun ti malang khab peni ti khonong. 27 Woh sun paleleu nimma tokkhozok kha khemmani, minna Yahudawa ti Asiya mikkhe kha weh Bulus ti mina wab Yamba, mikkhe patti nyakhirip, mikkhe kha khebeni. 28 mikkhe ti rubirisizun 'lenya Israila ma ɓalliemun khei minan miya an suppi lenya peb ti khotong ta ɗoh lenya kha khon kha piɗikhei. Akhakhei khire wanna kha Helenawa ti ya mina wab Yamba ɗakhi piɗi wala kha ɗing." 29 Elenkhu khei ma mikkhe wau Tarofimas miya Afisa kha Bulus ti ya bone mikkhe kha saɗina ta ɓangzun wannenin ya mina wab Yamba. 30 Pehp bine mikkhe kha ɗammani, lennya kha sukkani mikkhe ummi Bulus. mikkhe kyolteni ti pehbe ti ya mina wab Yamba, bomi mikkhe kha assiripo minai. 31 Mikkhe ta ɓani tukni khikkhe, paro kha pori pi mun gɓuɗe anpotiu wizun ta urushalima pehp ɗakholou kha ɓure. 32 Ninje bomi kha saɗi anɗen kha anɓang, mikkhe kha perani kha tana piɗi khaukhui. woh lennya wau mun gɓuɗe anpotiu wizi kha lennyani mikkhe kha wasi tukhi Bulus. 33 Mun gɓuɗe anpotiu wizi kha wori ummi Bulus suppo kha khereni kha ghebe pelou khire kha yi mazeni kho khire nang kha ɗokhiwini. 34 Lennya ti piɗi khaukhu ɗita rubirisizun manni lennya mikkhe ta khikkeyi manni lenya ta wukyu. Mun gɓuɗe anpotiu wizi apeni woh mikkhe ta tepbani ma elenkhu yallozun, khero kha tebani ma rikha Bulus ya khara anpotiu wizi. 35 Woh mikkhe poro zellu, anpotiu mikkhe kha saɗi Bulus elenkhu bone ɗing lenya. 36 Elenkhu khawan khu mikkhe kha ɗarupi mikkhe ti yi yallo mikkhe ta "ma tukni". 37 Woh yoi nimmi run kha si ya khara khei ɓirang Bulus kha tepbani ti mun gɓuɗe anpotiu wipi "Kho kha meneno ni yi paro kha khei?" mun gɓuɗe anpotiu wizi ta "kha penou Helenanci.? 38 Kharai anni kheib Bamasaran khei woh kha ya pi kyung ankhauɓure khik so peɗouKha woron nizun ya sozon.? 39 Bulus teppo ta ni Ba'ibrane ti bine tarsus kha kikkiya ne la khuyel mun gɓuɗe bine meneno niyi poro kha lennya" 40 Mun gɓuɗe anpotiu wizi meneni piɗi Bulus kherou ti khu zellu kha kyori khirani ti gak kha kyubani ma mikkhe mero piɗi kha kherani sip, Bulus kha yizun paro kha Ibraniyanci khire.