¹ Inze Umalika u shibi wuri rejo wa reme. In wa ni bewero asuru a ǝdǝshǝri be geme se bi tira rizi a massano. Awa nya bewero be me imu pǝni rewo ru diru masso. ² Mawa pǝni ǝnu rewo riwu diru masso me, nze inshamu ma suri a suru ura u sǝru. Onŋwe nan uvunu waŋara mǝri baka inshamu mu suru a rewo re me. ³ Asuru a inshamu ma mi inyun(biyame) suri a ka massano, konzen awa nya ŋe agata uga bilakara beze a massano. ⁴ Awa gonŋe tago ŋa cara seymo si massano né te tuva né titi ti naŋ, ama ano base ana geme se ŋa dawen ere iwa Ədǝshǝri a itine ŋe ne. ⁵ Awa ta nya ŋe uwari u wuna ana gemme ne, ama a ŋa nya ŋe makwai kawai a tubǝrmǝ shibi. Makwai ya ma ŋe ma nin ze uga ikwai bilakara uca ogeme se bi torme Ono. ⁶ Atimuru tegeme ano nin giŋǝrǝ uwǝnǝ, Bata I tin mura ne. Ŋa nin barsa uwǝnǝ ganka, Bata uwǝnǝ nin sumer ŋe. ⁷ Binyun bimi bi yinkǝnǝ nan imbarkon a goro baka magudah(Yaki). A rete I wa zen iyabo uga impole bi gold, konzen aja eme uga aji a Ono. ⁸ Ŋa zen Setǝ sehe uga sǝ awaiy, konzen tiina te ŋe uga ti bidǝn. ⁹ Ŋa zen imu Kara iwu Kate begesen, uga I biru, konzen ugara tigalluŋa te ŋe uga agara teson ti imbarkon nan birankome a magudah(yaki). ¹⁰ Ŋa zen turumu tu tunsa uga ilakara, a turuma teŋe ŋa zen agata awu tunsa ano a ka deŋe tubǝrmǝ shibi. ¹¹ Ŋa zen ogomo u timalika ta anyimi rewö riwu diru masso reme. Rija reme anyimi Hebrew wa ze Abaddon, konzen anyimi Greek ma wa zen riji Apollyon. ¹² Can u dinka was waka. Nǝrǝ! Azamaro igiya te tommo ti buru terpo to da ra. ¹³ Umalika u tase wuri rejowa reme, nze In Kuna remelo a rawa a suru a rejo ri ridirǝn ri gold se reze aja Ədǝshǝri. ¹⁴ Remelo reme re gon ti Malika tase teme avin na Kuna rejo reme, "sope timalika to naze te geme se awa tǝsi ŋe anyimi riyi repɔ ri Euphrates." ¹⁵ Ti Malika ti naze tegeme se awa mamara baka uco geme, atiyyǝ geme, ubǝrmǝ ogeme, konzen ruwai regeme, awa cope a ka wuna isǝnǝ ano awu taro me. ¹⁶ Icebete to suja azi iberkon was ze 200,000,000. In wa Kuna ecebete ŋe. ¹⁷ Nna ze iwa ni iberkon me anyimi terowa ton, konzen nan ana geme se ŋa wa ra aza me. Imu pǝ egesen e heŋe eze tejeke, ebeyje i rapurapu konzen a sakala nan manyi ma inkuran(raurau). Ate a iberkon me yinkǝnǝ nan ati idǝn, konzen asuru ǝnu a haŋe inshamu nan ura ukwai ganka. ¹⁸ Ripuru ranu taro me imi buru i taro igiya wa wuna ŋe: Ura, Inshamu, nan ihiwu egeme se iwa suru a ŋe ǝnu. ¹⁹ Baka agata a iberkon me i ra anyimi ǝnu a haŋe nan turuma teŋe—baka turuma teŋe teme te ze uga iwǝ ze, konzen ŋa zen ate ageme se ŋa nya ano makwai nan no. ²⁰ Udaŋara ano, ageme se ŋa wata wiju aza imi buri giya ne, ŋa ti ta ginǝrǝ ogwene u kunki macara ma riwuza reŋe ne, né ŋa deke u wuza bida a tuvunu te bɔ nan rebere ri gold, silver, bronze, Azuwa, nan Akutu—tegogoro tegeme se ti ta nǝrǝ, ti kuna, né ti ŋana ne. ²¹ Ŋa ti ta ginǝrǝ ogwene aza u wuna ano, aza ti dabu te teŋe, macara ma akwaro né riwuza ri rikari re reŋe.