¹ Inze In night out Malika u sǝru, a tunu asura ǝdǝshǝri. Tewero ta pate me, konzen bijalon bi wara aza retǝ reme. Aja hame wa ze uga onŋwe konzen tuva ta atauwa hame wa ze uga ipuri ru ura. ² Ma wa mǝnti ku kaza uwaro me se rezen upǝni, Nze ma wu na ubuna u bilai aza udanira, konzen ubuna u biguli aza obene. ³ Inze Ma wuri bekokko uga u sakǝnǝ bidǝn. Amaro u wuri bekokko. Se Ma wa wuri bekokko beme, ugara bura jarma ka sunare. ⁴ Uca ogeme se ugara bura wa masso ujarma, In wa repe u darsa, Bata In kon Kuna re remelo asura ǝdǝshǝri agusa, "deke aza bira emegeme se ujarama bura ka sunare me wa buki. Tago u darsa eme ne." ⁵ Inze umalika ogeme se In wa ni a tore aza udanira konzen aza obene me, vika uware bilaiŋa beme a ǝdǝshǝri. ⁶ Ma wa ton aza Ono geme se mazen ucikǝ suŋ a ka suŋ, Onu ruza ǝdǝshǝri nan zale emegeme se ira anyimi, massano nan zale emegeme se ira aza me, konzen tidanira nan zale emegeme se ira anyimi, Nze Umalika me go, "Adam ku dakano ne. ⁷ Ama atiyyǝ ageme se umalika u sunare nin wuri rejowa reme, inze upate aburu uwa Ədǝshǝri nin binja, kando geme se Ma wa yisu are hame Atuma." ⁸ Remelo regeme se in wa Kuna asuru ǝdǝshǝri ri wa bukǝnun mi konzen: "Waŋ, ka yita rikaza regeme se ri zin upǝni se rira uware umalika ogeme a tore udanira nan obene" ⁹ Inze In wame a umalika me in buka me a ma nyan ku kaza kome. Ma gunmi, "Yita rikaza reme do wushi. Ri nin we apuru a hai kwankwan, Bata ǝnu a hai ri nin zi lellen uga mato." ¹⁰ In wa yita rikaza reme asuru ware umalika me Nze in wushi. I text lellen uga mato anyima ǝnu a han, bata se in wa massao uwushi mi, apuru a han wa cikǝ kwankwan. ¹¹ Inze owe gunmi, "U nin yisu an cebete, Inyaŋa cebete, Eboze cebete, nan Agomo cebete."