¹ A nyan u bita o koo dan gose nanno uga ti kape. A buki i mi, "Yira tore da a ogose ugura Ədǝshǝri nan ridirən ŋa reme, nan ano ageme se ŋa gurwǝzənǝ ənyimi o me. ² Konzen tago o gose a gawa əkəi awu gura me ne, baka se a nya ano əpən. Ŋa ra cankozo aza ape a sansan a ti bərmə i turu naze nan te repo. ³ Ra nya an karpo ano u yisu ohoŋ a gata da ŋa ka nyaka rituma a timuru ugu nan sinu se repo nan akuru tase (1,260), u təsu nan ti jankalan." ⁴ Ano u yisu o hoŋ a giya anze titi ti olive te repo konzen ti ra tu tara ura te repo te geme se tina tore voto nan Aco u nyaŋa. ⁵ Ngase owe zake da ma care ŋi, ura suri a tinu a teŋe konzen u pusi ano u nyamene o hoŋe. Ono u cara o hoŋe ara wuna ome uga nane. ⁶ no u yisu mi a gemme ŋa ze nan agata u pate ədəshəri tago gura bi kuŋku u uca ogeme se ŋa na buku ni. Ŋa ze nan agata awu waŋara maŋi mǝ cikǝ məŋi konzen ŋa tere nnyaŋa ma me nan kuyya isana tommo ti buru te geme se ŋa barse. ⁷ Uca ogeme se ŋa na masa u biyǝ mi, nze binama bi buru bi-suri əsuru a ritinu ri owoo ma tee ukara nan ŋe. Ma ra wushu o hoŋe konzen ma wuza ŋe. ⁸ En keze a maŋe aa luta a ti runa ti ape ǝsǝru a geme (uga Sodom nan Egypt) ara ageme se a gape Aco. ⁹ A timuru ti taro nan udaŋara, a daŋara a asuru a ano, eboze nan nnyaŋa ŋara giŋarǝ e keze a maŋe. Ŋa dama gara ŋa nyaŋe ara ənyimi ara ri wase ne. ¹⁰ Ano ageme se ŋa ze nan u cikǝ an nyaŋa ma me ŋara wuza izalla aza a haŋe konzen ŋa wuza remeze. Ŋa ra ŋiza eme telo a pun a haŋe baka se a tuma a repo a giya ŋana nya ano a geme se ŋa ze nan u cikǝ an nyaŋa ma me kpai. ¹¹ Amaro ti muru ti taro nan udaŋara, evonkene i ruma ra pete o hoŋe enze ŋa nin tore a atau a haŋe. Ano ageme se ŋa nǝri ŋi ŋara kuna iwi. ¹² Enze ŋa ra kuna remelo ri jarame a asuru a ədəshəri re goŋ ŋe, "Nyana aza a giya!" Uca ogeme ze ŋa ra nyana ŋa wame ənyimi ədəshəri a tewero, ano u nyamene o hoŋe ə nǝrǝ mi. ¹³ Uca ogeme a nyaŋa ra zuku, enze udaŋara o vento ənyimi bituru u ape me ara rizi. Ano ti gu sunare a ra a wuza o hoŋe baka u zukun nyaŋa, ano ageme se ŋa na ruku ŋa ra kerkene enze ŋa ŋiza Ədəshəri awa ədəshəri mǝji a ma me. ¹⁴ Kanja o repo na waka. Nərə! Eme kanja iwu taro me ira ra sasa. ¹⁵ Enze umaleka u sunare u wuri rejo a reme, konzen amelo jarame ə bənu ənyimi ədəshəri nze ŋa go, "Te gomo ti masano tina cikǝ te gomo ta Aco odo nan u kasa o home. Mara cikǝ sun a wame a sun." ¹⁶ Enze te noŋono a kuru repo te geme se ŋa ra cikǝ ǝ dirǝn a haŋe a bida ba Ədəshəri ŋa kupi inmwinyu a maŋe ŋa gurwǝnǝ. Enze ŋa wuza Ədəshəri re rere. ¹⁷ Ŋa go, "Ira gusan ŋo kukwan, Aco, Ədəshəri, ono ri kira, u wərənu konzen u dənu, bakase ŋo wa zǝkə agata a hai konzen u wame nan no da u cikǝ sun. umanti u zale, udənu konzen u wərənu, ŋo ze ara pa u kuru o hoi, ¹⁸ Zale nnyaŋa ma ti pee pee ma a kuna u caro me, bata u caro oŋmwe na ra. Ano u wiju uca u biyǝn nlen ŋa maŋe una deŋe konzen da ŋo nya atuma, arere a hai ənəwə, ano u tarse o hoi, nan ano ageme se ŋa kuna iwi riji a re, ano udira iyabo nan ano ə mumuru. Uca me na ra da ŋi woze ano ageme se ŋa na cara masano." ¹⁹ Bata u gura Ədəshəri ənyimi ədəshəri u pənu enze ǝ nǝri okero re reden ŋa reme u gura me. Ara me a malama, ə sənə, a jarama, uzu nyaŋa, nan atantane a mummuru.