1 Karuna usǝrǝ əwǝ nəri ǝnyimi ǝdəshəri: Uwai wa tǝsu nan oŋmwe, konzen nan ubǝrmǝ a maro tuva ta atau a hame, konzen alere a ewewero rikurin repo wara ame a rete. 2 Mawa ze nan ǝpuru, konzen mawa ra riwa baka ikpai, ǝnyimi umutazana o yoo. 3 Konzen uyu runa se a ni ǝnyimi ǝdəshəri: Nǝrǝ! Be buwa bu ura bi sǝssǝru bǝ rǝnu se baa ze nan ate sunare nan ǝwuri bituru, konzen nan te lere te tegomo sunare a me a rete. 4 Urumu ohome wa sarke bewewero bu taro beme ǝdǝshəri enze ma duti ŋi a nyaŋa. Enze buwa bu ura ma tore a bakana nan uwai ogome se mana ra voto da ma yoo, bakase nga ma yoo, ma ra katu vana me. 5 Uwai me wa yoo vana, o rome, ogome se u ra mǝntǝ masano kweren nan uware biru. A wuna me rikira aza vana me a kai awaŋa Ədẹshǝri konzen a waŋa ridirəŋ a reme, 6 enze uwai me some ma pete u uja, a aregeme se Ədəshəri wa mamare me me, ǝnin mǝnti mi ti tiyə 1,260. 7 Wagiya a wuza u kara ǝnyimi ǝdǝshǝri. Michael nan umaleka o home ma tiya ukara nan buwa bu ura nan ti maleka teme ŋa tore ŋa pa ukara me. 8 Konzen buwa bu ura be me wata ze nan agata u wushu mǝji mi. Baka nane mme nan ti maleka teme ŋa ta ze nan ara u cikǝ ǝdǝshǝri konzen ne. 9 Buwa bu ura bi sǝssǝru—buwa be ŋono be geme se a gusanno imi buru ne shetan, ono ogeme se ma gǝlli masano kweren—a tipi mi a masano, konzen ti maleka ateme a tipi mi nan ŋe. 10 Enze In kone remelo ri sǝkǝnǝ ǝdǝshǝri: "Wagiya ri kase rina ra, agata me, tegomo tə Ədəshəri a hado, nan u nyaka agata u Ukase ohome. Baka mme ono u nara betoi ba ayeno a hado a tipi ŋi a nyaŋa, ono ogeme se ma nare ŋe nan betoi a bida bə Ədəshəri a hado, ateŋmwe nan ǝtitiyǝ. 11 Ŋa wushi mi baka mǝnyi ma bitan konzen baka belen bi u buku o hoŋe, baka ŋa ta barsa ruma a reŋe ne a zene uwaŋa u wǝnǝ. 12 Baka nane, iruwa i hiŋi pau, ŋŋo ǝdǝshǝri, nan ano u cikǝ nyimmi kusun. Konzen imi ijai ze a masano nan u dandale bakase ono u buru na tunu iŋi. Mana binja nan u caro birwa, baka ma ru maze nan uca bate ze. 13 Uca ogeme se buwa bu ura wa ru se ana tipi mi a masano, ma tete binyaŋa bi uwai ogome se ma yoo vana o rome me. 14 Bata a nya uwai me ti gǝllun te repo ti bi garande, daa ma nya ara ageme se a mamare me me ǝnyimi uja. A rigiya ze awa ze ara ageme se anin mǝnti mi, uca u bate, ma vonke, konzen uyu uca me—da ma cate nan ara buwa be ŋono (serpent). 15 Buwa be ŋono be me bi kuŋki manyi ǝsuru ame ǝnu uga udanira, ago mara wuna manyi ma zaki mi. 16 Enze a nyaŋa male uwai me. Anyaŋa pǝni ǝnu a hame enze a kutu rii regeme se buwa bu ura bi kuŋki manyi ǝ ǝnu ǝ suru ame ǝnu. 17 Enze buwa be me bi kuna ucǝrǝ puru nan uwai me, enze ma dura da ma ka gura ukara nan adaŋara bi ruza bi uwai be me, ano ageme se ŋa na gara nan makiri mǝ Ədəshəri Konzen ŋa mǝnti tejo aza Yeso. 18 Enze buwa bǝ suri be tore a binu bi u dandale.