¹ Uca ogeme se Kutan kome ku wa pǝni imu pate i sunare me, iwa ze were anyima ǝdǝshǝri a ka deŋe uca ovento azate. ² Inze In wa nǝrǝ timalika sunare the geme se to wa tore aja Ədǝshǝri, konzen ajo sunare ze awa nya ŋe. ³ Uyu umalika wa ra, nan umǝntǝ eso inshamu ma gold, a tore ara ridirǝn rinshamu. Awa nya me inshamu cebete da ma nyaka taye a ka zale Anu yiya birwa aza aru yiya inshamu ma ridirǝn ri gold aji ridirǝn razate. ⁴ Inshamu malo, taken taye to Anu yiya birwa, here a ka Ədǝshǝri asuru ware timalika teme. ⁵ Umalika me yete eso inshamu Mami nze ma binja nan ura aza ridirǝn rimi. Inze Ma gwǝrǝ anyimi massano, konzen awa Kuna ugara bura, bigara, umale umale ura, konzen ozokomon inyaŋa. ⁶ Timalika sunare the geme se the zen rejo mamara u wuri mi. ⁷ Umalika u bura wuri rejo reme, nze rewo ru ura agura nan maŋyi. Awa gwǝrǝ a nyaŋa a massano da itaro e me massa udishu, itaro i titi the geme se to wa dishu, konzen zale tuva naŋ to wa dishu. ⁸ Umalika o repo me wuri rejowa reme, nze iyabo isǝru uga ɔwö usǝru a wushu ura awa vati anyimi udanira. Udanira me u taro u cikǝ maŋyi, ⁹ imi ruma i taro see awa ruza anyimi udanira wǝnǝ, konzen i taro iwo okongo manyi awa pose. ¹⁰ Nze umalika u taro me wuri rejowa reme, konzen bewewero bi rizi asuru a ǝdǝshǝri, a malmazo uga ura tǝno aza u taro siri si manyi si cikǝ uruza manyi. ¹¹ Riji ri bewero beme benze manyi ma kwankwan. Manyi ma taro mame ma cikǝ ma kwankwan, konzen ano cebete wiju ingase ŋa na shi manyi ma kwankwan mame. ¹² Umalika u naze me wuri rejo wa reme, konzen onŋwe u taro awa waŋara ome, sakama ogemme awa waŋara ubǝrmǝ u taro nan bewero but taro. Da itaro e heŋe cikǝ mǝri, atiyyǝ awu taro nan atitiyyǝ awu taro take dawen ura ne. ¹³ In wa nǝrǝ, konzen in wa Kuna ugarande see wara suma azate ǝdǝshǝri, a tisiza Nan remelo ri sǝru, "Ca, ca, ca, a ana geme se ŋara cikǝ a massano, bakase udaŋara ajo agemese a dawa wuri ni ti Malika ti taro ta amaro ti na ra voto a wuri mi."