¹ Amaro tegogoro tigiya In wa Kuna eme gemse e ezen remelo ri riyǝgǝ rano cebete anyimi ǝdǝshǝri agusa, "Hallelujah. Rikassa, Uyisiza, konzen Agata awa Ədǝshǝri zi. ² Ubiyǝ nleŋa ma me gangan ze konzen nan udira mpore, baka Ma na biyǝ nlen ma uwai rijama Ono geme se ma na Cara massano nan rijama reme. Ma na kon dope baka epe maŋyi ma arera ha me, se uwai men reta reme wa kunki." ³ Ŋa ti ku ŋa bukanu o repo: "Hallelujah! Inshamu ma ma me a yirsa ma ta massano ne suŋ." ⁴ Tenoŋono akuru arepon naze konzen nan imi ruma se awa ruza gurwǝnǝ nan ate a ha ŋe ŋa wuza Ədǝshǝri bidǝ ogemse ma ra cikǝ a ridirǝn. Ŋa wa ra gusa, "Nan Taya te. Hallelujah!" ⁵ Inze re remelo ri suru a ridirǝn, agusa, "Yisiza Ədǝshǝri a hado, zale ŋi arera ha me, ŋi anu kuni iwiye he me, kusun Anu dira iyabo nan Ana agata." ⁶ Inze In wa Kuna iyabo uga remelo rano cebete, sakama ogemse ugara manyi ze, konzen uga ugurmu bura, agusa, "Hallelujah! Baka Aco zen tegomo, Ədǝshǝri ageme see anze ogomo u zale kuyyiya. ⁷ Deke do I wuza izalla nan uruntu birwa konzen I nyamene uyiza bakase buki uwa Anya Kutan na ra, konzen uwaiyo me ngeme a payo me. ⁸ A wa deke uwai me goro nan tommo ti wuma sansan ŋaleŋale" (baka tommo ti wuma tenze riwuza ra Ano a sansan). ⁹ Umalika me gon mi, "darsa igiya: An taye ŋanze ana geme se a wa tisa ŋe ara Anya a Kutan kome." Ma ko ma gun mi, "Igiya ze Magangan ma nlen ma Ədǝshǝri." ¹⁰ In gurwǝnǝ atawa han dan wuza me bida, bata Ma ko Ma gon mi, "Tago u wuzan nane ne! Immi nan ŋo nan zale anuwanoma hai ezen uyiya birwa a Yeso. Gurwǝnǝ u wuza bida a Ədǝshǝri base, baka uyiya birwa a Yeso enze uvunu u rituma ra Ədǝshǝri." ¹¹ Inze In wa ni ǝdǝshǝri pǝnu, konzen In ni birankome bi run anyimi. Ono geme se Ma ra aza me Manze agusan me Magangan nan uyiya birwa. Nan udira barsa birwa ze Ma biyǝ nlen konzen ma wuza yaki. ¹² Aji a hame ze uga nlen mu Ura, konzen a reta reme epole e tegomo cebete. Ma zen riji se a na darsa a me se owe ta ru ni se me nan reta reme. ¹³ Ma soye rimin si rizin maŋyi, konzen rija reme atisiza me nlen ma Ədǝshǝri. ¹⁴ Tisuja ta anyimi ǝdǝshǝri to wara tarse ho me nan irankome I run, nan tomorrow to wuma, ti sansan ti run konzen. ¹⁵ Asuru a ma ǝnu uyu vira u wushu ogeme se a nin darsaza inyaŋa, konzen Ma nin wuza tegomo aza nan ubita biru. Ma nin kaya Anu nyamene me ma dunkala ŋe nane se ubiyǝ nlen ma Ədǝshǝri aza haŋe ze uga kando geme se Ono nin Kaya iyabo nan imu wari ida aza ucara birwa bǝ Ədǝshǝri. ¹⁶ Ma zen riji se a na darsa a rimiŋa reme nan ubuno ho me: " ¹⁷ In wa ni Umalika a tore anyimi onŋwe. Ma tisa nan remelo ri sǝru a zale itidi a kayaza, "Ra ni, i gurna arevento baka buki u sǝru uwa Ədǝshǝri. ¹⁸ Ra ni I wushi ripun riwa agomo, ripun ri Ana sǝru tisuja, ripun riwa Ana gata, ripun ri irankome nan Ana aza me, konzen ripun ri zale Ano, kusun ano sopo nan Anu tǝsǝ, Anu dira agata nan Ana agata." ¹⁹ In wa ni bidǝn nan tegomo ti massano taken tisuja te ŋe. Ŋa ti ra gurna da ŋa ka wuza yaki nan Ono tommo to run ogeme se ma ra aza irankome nan tisuja te me. ²⁰ A wa mey bidǝn bi mi nan me Atuman mpore se ŋa wa wuza karuna aja ha me. Nan karuna ka giya ma ti wursi ana geme se ŋa ti Kai ere I bidǝn bi mi konzen nan Ana geme se ŋa wa wuza bidaa a tiyinkǝnǝ te me. An ka repo me a wa vati ŋe nan ruma anyimi riyi ru Ura u kwaikwai. ²¹ Adaŋara me a wa wuuza ŋe nan uvira ogeme se u wa suru ǝnu ono geme se ma ra aza irankome me. Zale itidi wushi ripuŋa re ŋe.