¹ Amaro tegogoro tigiya in wa ni uyu Malika a tu asuru a ǝdǝshǝri. Mazen Agata sosoi, konzen massano ma wa cikǝ ŋaleŋale nan uyisiza o me. ² Ma sǝkǝnǝ nan remelo ri sǝru, agusa, "Urizi, urizi onze Babilon u sǝru! Ma na cikǝ akura Anu mǝri, aru gorkono a tuvunu tebɔ, konzen aru gorkono a itidi i madini nan iwu ta reze u nǝrǝ ni. ³ Baka zale inyaŋa ma na bugu nan obere u barsa rijama reme. Tegomo ti massano ti na wuza rijama nan me. Anu ijamane i massano na mura umura aza agata a ucikǝ riwuza reme." ⁴ Inze In Kuna re remelo reme asuru a ədəshǝri re go, "Suru ni ara hame, An a han, da tago I dunkalu anyimi madini ma macara ma me ne, konzen da tago imiwi egeme se I nin mura me mura ŋi ni. ⁵ Macara mame ma na piyǝ adizi a ka deŋe ǝdǝshǝri, konzen Ədǝshǝri na duza nan riwuza ri caroŋa reme. ⁶ Nyame makwai kando geme se ma na nya aye, konzen during u nyo me eme geme se ma na wu na; anyimi Cup ogeme se ma na bulku, duru u bulku ecebete me me ka repo. ⁷ Uga sakama ogeme see ma na yisiza reta reme konzen ma na cikǝ nan olo birwa beme, nyame makwai nan ucara birwa sakama ogemme. Baka ma go a birwa beme, 'In ra cikǝ uga Uwaiyo ogomo; In da me Ushi ni, konzen In da ma taba u damo ne.' ⁸ Bakan nane atiyǝ avento imiwi e he me nin ra: Uwǝnǝ, Udamo, konzen nan ekomo. Ura nin wushi mi, baka Ədǝshǝri Aco Mazen agata, konzen Manze Unu biyǝ nleŋa ma me." ⁹ Tegomo tegeme see ti wa wuza rijama nan me konzen nan udira udeke me nin riiwa sosoi aza hame uca ogeme se ŋa ni inshamu mu disho me. ¹⁰ Ŋa nin tore a yayau, iwi makwaiya ma me, agusa, "Kanja, Kanja a ape a sǝru mi, Babilon, ape a sǝru! Baka anyimi uca ovento Makwaiya mai ma na ra." ¹¹ Ani ijamane a massano nin riwa konzen ŋa damo aza ha me, tunsi owe tin kun kwa iyabo a me ne konzen— ¹² Ani ijamane I gold, silver, Azuwa a wuma, eworworo, tu yade ti wuma, Purple, Silk, Scarlet, zalen isǝnǝ titi ti turare, kuyya ruba u Ivory, kuyya ruba ogeme se a wa we nan utiti u wuma, bronze, biru, marble, ¹³ cinnamon, spice, incense, myrrh, frankincense, manyi mu titi, Garrett borode, wheat, ivare nan itan, ibarkon nan birankome, konzen are nan Ano. ¹⁴ Isǝnǝ eme geme se u repe me zale na masso. Zale imu barso hoi nan imo reze na masso, a tin ka mura ne. ¹⁵ Ani jamane tomorrow tigiya se ŋa na mura umura aza hame nin tore a yayau nan me baka iwi makwaiya ma me, a riwa nan udamo cebete. ¹⁶ Ŋa nin go, "Ashaa, ashaa a ape a sǝru se a wa mamara nan to yade to wuma, ti purple, nan Scarlet, konzen a wa goro nan gold, ti Jewel to wuma, konzen Nan eworworo! ¹⁷ Anyimi uca ovento zale tegogoro to wuma the geme ti na cikǝ ti kawai. "Kuyyu unu ŋanan okongo manyi, kuyyu unu ŋana a siyi, Anu pari riyi, konzen zale anageme se uciko ŋe ze a riyi, tore ken ayayau. ¹⁸ Ŋa riwa se ŋa wa ni inshamu mu disho me. Ŋa go, "Iya ape ze se ape a sǝru agiya?" ¹⁹ Ŋa kunki uturu ate a haŋe, konzen Ŋa sǝkǝnǝ nan izama konzen nan udamo, "Ashaa, ashaa a ape a sǝru aregemse zale ana geme se ŋa wa zen tekonda teŋe anyimi riyi wa mura umura asuru umura o home. Baka anyimi uca ovento a na wuuna me." ²⁰ "Cankozo no aza ha me, ǝdǝshǝri, ŋi anu yiya birwa, Atuma, konzen Atuma a Ədǝshǝri, baka Ədǝshǝri na wuza ituma nan izama i hi ŋi aza hame!" ²¹ Umalika u sǝru tore ma yete rizuwa uga ru wari Ida nze ma vati anyimi riyi, agusa, "Nane ze, Babilon, ape a sǝru, a nin viŋi ma ka gara anyaŋa nan agata sosoi konzen a tin ko a ni konzen ne. ²² Owe tin ko u Kuna Anu gari irina, Ano rejo, Anu tigasu, nan isharuwa ne konzen. Uyu unu zumu kuyyi isǝnǝ azumu tin kun ra anyima ha ŋi ni. A tin ko a Kuna ugara re rizuwa ney Inji u wari ida anyima ha ŋi ni. ²³ Ura pitila tin kun wushu night anyima ha ŋi ni konzen. Remelo ri Onorome nan Uwai sau a tin kun Kuna anyima ha ŋi ni, baka one jamane I hiŋi manze ma wa ze Uwaiyo ogomo massano, konzen Anon inyaŋa wa wuri nan rebera riŋi. ²⁴ Anyima me a wa mura maŋyi ma Atuma Ədǝshǝri nan ma Anu yiya birwa, konzen nan maŋyi ma zale ana gemse a wa wuza ŋe a massano."