¹ Onovento anyimi timalika tiwu mǝntǝ tikutǝru me rai i mi nze ma go, "Ra, In nin bizai udunkalu uwai Ono rijama se ma cinzanǝ aza udandale manyi. ² Nanme ze tegomo ti massano ti wuza ajama. Nan obere u rijama reme onze Ano massano wa shi ŋa bugu." ³ Umalika me yeton anyimi uvunu a ka yinmuja, nze in ni Uwai cikǝ aza bidǝn bi (scarlet) nan ubinja siji se macara ma resono. Bidǝn bimi be zen ate sunare Nan awuri rikuri. ⁴ Uwai me wa some tommo ti (purple nan scarlet) konzen Nan utǝsu u gold, azuwa a reze iriru, taken inkankaran. Uwaro me ma wa mǝntǝ cup u gold se ana binja nan imi caron taken madini ma rijama reme. ⁵ A bitina beme away darsa riji se re ze ugusa: "Babilon u sǝru, ayinu zale Anu rijama konzen Nan tegogoro ti massano." ⁶ In wa ni uwai me wa bugu nan maŋyi ma Anu yiya birwa konzen nan maŋyi ma Atuma a wuma a Yeso(martyrs). Se in wa ni mi, in wa ni imiwi. ⁷ Bata umalika me gon mi, "Iyaze na wuna se u na Kuna iwi? In ra bezo hoi emegeme se uwaiyu giya ze konzen nan bidǝ bi mi si bina zaki mi, bidǝn bi ate sunare nan awuri rikuri. ⁸ Bidǝn bigiya bi ra nu, bi dama nu waja ne, ama bi na ra voton u ra asuru a rewɔ ru diru maso. Inze bi nin wame bi ka dunkala. Ana geme se Sija seŋe si damen udarsa u takarda u ruma tunu ruza massano— ŋa nin kuna iwi sin ingase ŋa ni bidǝn be gemse bi ra nu, Dan Waja ne, ama bi na ra voton u ra. ⁹ U tisa ugiya baka iruwa rekese ze. Ate sunare me anze akayaza sunare se uwai me wa cikǝ a nu. ¹⁰ Anze konzen tegomo sunare. Agomo shibi na rizi, ovento da nu, konzen ovento me da wa ra ne; uca ogemse ma rai, ma nin cikǝ dan nan udakano ne. ¹¹ Bidǝn begeme se bi ra nu, bata bi da wa ra waja ne, imen reta reme tegomo uru zi; bata onovento anyimi agomo sunare agemme ze, konzen ŋa nin ka dunkala ara. ¹² Awuri rikuri si u na ni anze tegomo rikuri se ŋa wa Kai tegomo ne, bata ŋa nin Kai tegomo teme uca ovento nan bidǝn bi mi. ¹³ Igiya seen iruwa evento, konzen ŋa nin nyaka tegoma teŋe nan Agata haŋe a bidǝn bi mi. ¹⁴ Ŋa wuza yaki nan kutan. Bata Kutan ku nin wushi maji aza ha ŋe baka se Manze Aco a Teco konzen ogomo tegomo— konzen nan Me ze Anu tisa ze, Ana gemse awa zake, konzen Anu yiya birwa." ¹⁵ Umalika me gon mi, "Manyi magemse u wa ni, se Uwai rijama reme wa cikǝ aza me, manze Ano, Riyǝgǝ rano, inyaŋa, Nan Eboze. ¹⁶ Awuri rikuri se u wa ni— nŋe nan bidǝn bimi nin nyamene Uwai rijama reme. Ŋa nin we me me ma cikǝ kawai nan ripun a akai, ŋa nin dunkala ripuŋa reme, konzen ŋa nin dishi mi kusun nan ura. ¹⁷ Baka Ədǝshǝri na we anyimi iruwa e he ŋe da ŋa wuza nane nan ugara se ŋa nin nyaka agata haŋe aza bidǝn bi mi she nlen ma Ədǝshǝri ma na binja. ¹⁸ Uwai ogemse u wa ni manze ape a sǝru se azen tegomo aza tegomo ti massano."