¹ In wa Kuna remelo ri sǝru a tisiza akura upate rete konzen a gusan ti Malika sunare, "wan ka gwǝrǝ a massano ti kutǝru tiwu cara birwa bǝ Ədəshəri." ² Umalika u bura wame konzen ma ka gwǝrǝ ukutǝru o home a massano; idara i caro kwai kwai suru a ana gemse ŋazen ere i bidǝn bi mi, Anu wuzo tiyinkǝnǝ teme bida. ³ Umalika o repo gwǝrǝ ukutǝru o home anyimi riyi. Ri waŋaro maŋyi, uga maŋyi ma nkeze, konzen zale imi ruma anyimi riyi ri mi wiju. ⁴ Umalika u taro me gwǝrǝ ukutǝru o home anyimi riyi konzen anyimi manyi mu sura rizuwa, nze ma waŋara maŋyi. ⁵ In Kuna umalika u manyi ma go, "ŋi Anu yiya birwa benze— Ono gemse Ma ze konzen Ma wa ze, onu sansan— bakase una biyǝn nlen aza tegogoro tigiya. ⁶ Bakase ŋa na gwǝrǝ maŋyi ma Anu yiya birwa Nan Atuma, ŋi na nya ŋe maŋyi da ŋa shi; egemme ze eheŋe." ⁷ In Kuna ridirǝn rimi ri gare, "Nane, Aco Ədǝshǝri a suŋ, ubiyǝ nleŋa mai gangan ze konzen maze kima." ⁸ Umalika u naze me gwǝrǝ ukutǝru o home aza onŋwe, konzen awa nya o me uwari u dishi ano nan ura u kwai. ⁹ Ŋa wa kun dishu nan makwai mame cebete, nze ŋa biyǝ resono aza riji ra Ədəshəri, Ono gemse ma zen agata aza tegogoro ti caron tigiya. Ŋa ti ta nara ogwene ne ney ŋa yisiza me ne. ¹⁰ Nze Umalika u shibi gwǝrǝ ukutǝru o home aza ridirǝn ri bidǝn bi mi, konzen mǝri ma pate tegoma teme. Ŋa runza tinia teŋe baka makwai. ¹¹ Ŋa biyi resono a Ədǝshəri awa ǝdǝshǝri baka makwaiya maŋe nan terkwene, konzen ŋa nya me u kunku macara ma ruwuza reŋe. ¹² Umalika u tase gwǝrǝ ukutǝru o home anyimi udandale manyi, Ano Euphrate. Manya maŋe ma wa wǝ da mura a mamara uruna u rawo ogomo se ma nin Ra asuru a inyaŋa mu ulu wǝru. ¹³ In wa ni tuvunu ti taro te bɔ se ti yinkǝnǝ nan ikunkumǝŋ asuru a nu a buwa bu ura a nu, nan a nu a bidǝn konzen a nu Atuma a mpore. ¹⁴ Baka nŋe tuvunu ti mǝri tenze a bizaza nruna mi iwi. Ŋa wanze a tegomo ti massano da ma gura ŋe arevento baka ukara yaki atinyǝ a Ədǝshǝri a suŋ. ¹⁵ ("Nǝrǝ! Inra ra uga ukari! Ono taye manze Ono gemse mana pǝpǝi, a yisa tomma teme kima da tago ma surun ripuŋa akai ni konzen da ŋa ni ememme eheme ne.") ¹⁶ Ŋa ran ŋe arevento are gense a gusanno Armageddon eboze Hebrew. ¹⁷ Umalika u sunare me gwǝrǝ ukutǝru o home anyimi uvunu. Nze remelo ri sǝru to suru aru pate rete konzen nan a ridirǝn, agusa, "Ina wu na!" ¹⁸ Awa ni umalmu ura, ogogomozo, ugara bura, konzen ozokomon inyaŋa— ozokomo ogemse u Kira zale te zokomo te gemse a na taba unǝrə mi tuni u ruza ono a massano, isǝsǝru ozokomo ugiya. ¹⁹ Isǝru ape me wa jankalo tipuri ti taro konzen tepepe tin inyaŋa dunkalu. Nze Ədǝshǝri tisa Babilon ape a sǝru a birwa be Me konzen Ma nya ape me ka kutǝru Nan ubinjan obere asura ucaro be birwa be Me. ²⁰ Kuyya inyaŋa ma azate manyi ma wuri, konzen tewö wa teme a tin kwa mura ne. Azuwa a sǝsǝru a manyi, edenden me a ka deŋe utalente, ri tu asuru a ǝdǝshǝri aza Ano. ²¹ Ŋa tinziza Ədəshəri aza azuwa gemme bakase azuwa me wa ze imi iwi so soi.