¹ Inze in ko in nǝri kai karuna asurǝ adaishari, oreze unǝrǝ: Nze in ni tumalika sunare, nan imiwi i caron sunare, se eze iwu massa me, baka aza eme ze makpai mu massa ucara birwa bǝ Adǝshǝri bize. ² Inwa kon nǝrǝ emegeme se i yinkǝnǝ nan riyi ri tukulba se ana gura nan ura. Anageme se ŋara tore a lake nan riyi rimi ŋanze anageme se ŋa wa nyamene ugurwǝnǝ aji binama bu uja beme nan tiyinkǝnǝ teme, konzen aza ecebete egeme se eze nan rija reme. Ŋa ti mǝnti imu gusa irina se Adǝshǝri wa nya ŋe. ³ Ŋa ra gusa irina Moses, utuma uwǝ Adǝshǝri, vana u kutan kome: "riwuza re rereze suŋ, Aco Adǝshǝri, una agata a suŋ. turuna te teze kima nan magangaŋ, ogomo kuyya inyaŋa. ⁴ Aco, avizi tin kuna iwi ehe ne, konzen ma tin yisiza rija rene? Baka Nŋo ze base unu sansaŋ. Inyaŋa cebete nin gurwǝnǝi, bakase magangaŋa mai mana yonko." ⁵ Amaro tegogoro tigiya in ti gǝkǝnǝ, aru pate rete adaishari ǝ ti pǝni anka rikuri si ŋazen imu biyǝmi. ⁶ A suru anyimi ara magangaŋ a sansan tumalika sunare tegeme se ti ti mǝnti imiwi i caron me zenno. Ŋa ti soke tommo ti sasan, ti run suŋ konzen ŋa ti zen imiruru i golden sasha se ina yonko egesen e heŋe. ⁷ Evento anyimi inama i naze se awa ruza nya timalika sunare teme indaka sunare se ezen ubinja nan ucara birwa bǝ Adǝshǝri, unu cikǝ suŋ. ⁸ Aru pate aji mi ti binja nan inshǝmu mu yisiza Adǝshǝri asura agata hame. Owe tin date opete anyimi ni she ana massa ukunku imiwi i caron se timalika sunare zenno.