¹ Ina gǝkǝnǝ in ni kutan a tore aza ɔwɔɔ Zion. Namme ano 144,000 si ŋazen sija seme nan siji siwa Aco ohome se ana darsa a bitina beŋe. ² In wa kuna remelo asura adǝshǝri uga ugara manyi nan ujarma bura. Emegemse inwa kuna eze uga ono ugǝsu a tere tigǝsu. ³ Ŋara gusa irina ra urǝko tegomo aji anka naze ageme anageme se awa ruza aguran nan tenoŋono. Owe tin massa irina mene she ano 144,000 anageme se ana kwa a suru a massano. ⁴ Anagiya ze ŋa dawa cara retǝ reŋe nan awai ne, baka ŋa na deke retǝ reŋe sansan dan ano rijama ne. Ŋanze anu tarse kutan kome zale aregeme se mara waŋ. Anagiya ze awa kwa ŋe anyimǝ ano da ŋa cikǝ isǝnǝ i dinka a Adǝshǝri nan kutan kome. ⁵ Anu a haŋe dami nan npore ne; ŋa damin nan udangalo ne. ⁶ Ina nǝri uyu malika a ngana azatǝ adaishari uga kutiti, onogeme se ma zen rituma ri saw da ma buku anageme se ŋara massano - a ka tepepe, nan ano eboze kekenkeken. ⁷ Ma tisa nan remelo ri sǝru, "kunani iwiya Adǝshǝri i yisiza me. Baka ucu biyǝnleŋa ma me na ra. Kurwǝnǝ mi ni, ono gemese mana ruza adaishri nan massano, riyi nan manyi mu susu ɔwö." ⁸ Uyu malika me - umalika o repo - tarse a gusa, "urizi, urizi, a Babilon nan agata hai, ana geme se ŋana wuna inyanga kweren a shiyǝ elenlen i ruwuza riŋe ri caron." ⁹ Uyu malika me - unu taro - tarse ŋe, a gusa nan remelo ri sǝru, "ingase owe gurwǝnǝ a binama buja nan tiyinkǝnǝ teme, nze ma kai beré a bitina beme né uwarome, ¹⁰ ma nin ko ma shi manyi ma makpai mǝ Adǝshǝri. Mageme se awa tǝ gura nan iyabo ne eze a gwǝrǝ imu nara iwu cara birwa bǝ Adǝshǝri. Onogeme se ma shi ma nin teze nan mapai mu ura u ruŋ aji ti malika tǝ Adǝshǝri nan kutan kome. ¹¹ Inshamu mu surǝ makpai mame ma nin nyana adaishari nan udira umasso suŋ, konzen ŋa tin vonke ne atitiyǝ nan oŋwe - anu gurwǝnǝ a binama buja beme, konzen anu kai beré bi rija reme. ¹² Igiya ze utisa anageme se ŋa ze sansaŋ, a ŋa mutǝnǝ shawö, anageme se ŋa gara nan mǝruku mǝ Adǝshǝri, nan uyiya birwa a Yeso." ¹³ In kuna remelo a surǝ adaishari go, "darsa igiya: Anu mura taye tenze anageme se ŋana wǝnǝ a tare tǝ Adǝshǝri." "Naneze," ubuku uvunu u sansan, "da ŋa ka mura ovonke aza ituma eheŋe, baka riwuza reŋe ri nin tarseŋe." ¹⁴ In wa gǝkǝnǝ, nze in nǝri tewero ti run. Onu cikǝ aza tewero teme uga vana ono. Ma zin riwǝnǝ ri gold a tara aza retǝ reme konzen nan ulauji uwushu a mu ware. ¹⁵ Nze uyu malika me suru anyimi aru pate rete ma tisa nan remelo ri sǝru a unu cikǝ aza tewero teme: "yete ulauji o hoi du mey tekoke. Baka uca tekoke ti na ra, tunsi imu bira a massano na yina." ¹⁶ Nze onogeme se ma ra cikǝ aza tewero teme viŋalu ulauji a massano, nze ma we tekoke ti massano kweren. ¹⁷ Uyu malika me suru aru pate rete adaishari; imme mǝ mazen ulauji u wushu. ¹⁸ Konzen uyu malika me kuru usuru anyimi ara inshǝmu mǝ araji awu pate rete, se mazen agata aza ura. Ma tisa nan remelo ri sǝru a ono geme se mazen ulauji u wushu, "yita ulauji o hoi u kanke emegeme se ina yina se ana koke a surǝ massano, baka abiya a haŋe na yina waja." ¹⁹ Umalika me viŋalu ulauji o home a massano nze ma kanke emegeme se ana koke asura massano. Ma kunki eme anyimi manyi mu ucara birwa bǝ Adǝshǝri. ²⁰ Unu wara abiya me wara cikǝ akai apeme, nze manyi ma kunku asuru a biya me a dunu aka beconto bi biranko, aza 1,600 stadia.