¹ Inze In wa ni Umalika a tu asuru a ǝdǝshǝri. Ma zen umakuli riba ru diru maso, konzen Ma zen ikacanca I sǝru a me uware. ² Ma wa mey buwa bu ura be me(dragon), buwa be ŋono, ze benze unu mǝri, ney Shetan, konzen a wa tǝsǝ mi suwai ugu ovento. ³ Ma vati mi anyimi rewo ru diru maso, Ma pate konzen ma pate beme anyimi. Igiya wa da tago ma wursi inyaŋa cebete konzen ne she suwai ugu mi na waka. Amaro egeme, a nin sope me uca bateke. ⁴ Inze in nari adirǝn. Anu cikǝ aza me ŋanze ana geme se a na nya ŋe Agata awu biyǝ nlen. In wa kun ni ewö iwa ana geme se a wa tusi ŋi aza ubiyǝ epe Yeso konzen nan nlen ma Ədǝshǝri. Ŋa da wa gurwǝ nǝ a wuza bidǝn bi mi bida ney tiyinkǝnǝ teme, konzen ŋa na nyamene u ka ere a bitina beŋe ney uware. Ŋa zima nan ruma, konzen ŋa nin cikǝ nan Yeso Ukase a ka deŋe suwai ugu. ⁵ Udaŋara anu wiju mi ti ta kurun ruma ne she suwai ugu mi wa maso. Igiya ze uyiza u dinka. ⁶ Ano taye a sansan ŋanze ana gemse ŋa wa mura uyiza u dinka me! Aza igiya uwǝnǝ o repo da men Agata ne. Ŋa nin cikǝ ti priest ta Ədǝshǝri nan ti Yeso konzen ŋa nin cikǝ nan me a ka suwai ugu. ⁷ Uca ogeme se suwai ugu mi rawa maso, a nin sope Shatan asuru anyimi inyaŋ. ⁸ Ma nin wame a wursi inyaŋa a tilu to naze ti massano— Gog nan Magog— ŋa ran ŋe arevento baka yaki. Ŋa nin ze cebete sakama ogemse ikiki riyi ze. ⁹ Ŋa wame ulu inyaŋa mi ikiki nze ŋa ka liŋaru tura tu cikǝ anu yiya birwa, ape a tubarsa. Bata ura to asuru a ǝdǝshǝri nze u wushi ŋe. ¹⁰ Shetan, on wursano, a wa vati mi anyimi riyi ru ura u kwaikwai me, aregeme se a wa vati Bidǝn bi mi nan Atuma mpore. Ŋa nin shiyǝ dondon makwai onŋwe nan atitiyyǝ se ma damen u maso ne. ¹¹ Inze In night re ridirǝn ri sǝru ri run konzen nan Onu cikǝ aza me. Massano nan ǝdǝshǝri suma are geme se Ma ra nu, bata Aya riya awu wan dama a nu ni. ¹² In wa ni Nkeze— ma Ana sǝsǝru nan Ana kawai— a tore aji ridirǝn rimi, konzen a wa upǝnu titakarda teŋe. Inze a wa kwa pǝni uyu takarda me— Utakarda u Ruma. A wa biyi nlen ma Anu wiju kando geme se a wa darsa u takarda me, sakama ogemse riwuza reŋe reze. ¹³ Riyi ri wa nyaka Ana geme se a wa vati ŋe anyimi. Uwǝnǝ nan Hades wa nyaka nkeze ma and gemse ŋa wa zen ŋe, konzen a wa biyi nlen ma Anu wiju mi sakama eme gemse ŋa wa wuza. ¹⁴ A wa vati Uwǝnǝ nan Hades anyimi riyi ru Ura. Igiya ze uwǝnǝ o repo— riyi ru Ura. ¹⁵ Ingase riji ro owe dama anyimi Utakarda u Ruma ne, a nin vati mi anyimi riyi ru Ura.