1 A timuru te geme Yuhana ono zoroso ano mā rā ā Yisun nlen ǝ nyimu ja u Judiah. Ā gusa, 2 "dekeni mǝcǝrǝ manyi te goma ta dashari tina ravoto". 3 Manze uno uja se ā buki anu Ishaya ; " remelo ā tisiza ǝ nyimi uja, ǝ̄ gusa mamara ni uruna uwa cowo do, mamara ni uruna u cass". 4 U tǝsu o home, ri kaza ri bi rankome, imu wushu e heme. Iwaze; benyeme nan mato. 5 Anu suru a urushalima, nan zale ano Judiah nan ano awu suru uli Jordan ŋa wanze a me. 6 Ā biyǝ macara manye, nze ma zoro ŋe a rii ri Juda. 7 Se ma nii ti farisawa ti sadukiyawa cebete a rawa ara awo zoro, nze ma gonye "nŋi ti pǝrǝ! Avin na ka guŋŋi suma ni u eǝrǝ puru uwa Adashari se uru runa? 8 Wuza ni ituma egemese inin bakana nan o deke macara mǝŋi. 9 Tago ŋi yete i ŋi ruwa a go Ibrahe ze acowo huŋi? Na buki ŋi, Adashari zinin agata auwu waŋara azuwa a ja da ǝ cikǝ a biya Ibrahe. 10 Se ī jiya, etemo ra ritinu ru titi, kozen utiti ogemese uta yoo iburi iwuma ne, a ragware me ǝ vǝti ǝ nyimi ura. 11 Mina zoro ŋi nan manyi baka odeke macara. Aza maro a haŋ, owe ra rā se ma kiran, ono ogemese tiŋaforo ateme nta date in zaki ni. Mara zoro uhuŋi nan uvunu saŋsan, nan ura. Okwenkwere ohome urame u ware, konze mara sarka ŋ'pŋŋ ŋ' hǝme, mara wŋrŋ iyau maa wuna a ribiŋa, 12 neǝkǝrǝ mara ŋuna mu ura, u dira ubishu. 13 O zoro Yeso nze Yeso wǝ suru a Galili, ma rai a ri ri urdun da Yuhana zoro me 14 Nze Yuhana ǝ nǝrǝ utunu ohome, mago, "mmizi a nara nŋo ta zoron, nze ŋo kuru rai i mi?" 15 Nze Yeso gomme, "Deke i cikǝ nane wagiya; inin reze a wuza ija dā binja zale e'megeme eze kima". In ze Yuhana gare. 16 Nan o zoro Yeso, u suru o home ǝ mǝnyi, inze aza pǝnu, inze manī u vunu uwa Ədǝshǝri ǝ̄ tunu uga bi wurai, nze bi tu āme. 17 Inze remelo ri suri ǝdǝshǝri rego, "Vana o hoŋ onze ū ja, ogome se in barse; birwa bon bi runti nan me, ganka."