1 Uca ogomese a yo Yeso a Bethelhem, an inyaŋa ma Juda, uca ogome Herudius ma ra ridirǝn re tegomo nze ano uru ewewero ǝ suru ulu u cunju ŋa rai a Jeruselem, nnye a gusa, 2 "Ogomo u ti Jews ogome se ana yo in yu? Bakase ina nǝrǝ bewewero be beme ulu u cunju, ina ra di gurwǝnǝ mi." 3 Eboze egeme wata lo ogomo Herudius ni, zale nan ano Jeruselem. 4 Inze ma tisa ti priest nan ano o bezezze nlen mǝ ədǝshǝri, nze masaŋare ŋe ara ageme se a wa go ara yo Yeso, 5 nze ŋa gomme "a Bethelhem ze, an nyaŋa ma Yahudiya, nane ze utuma uwǝ ǝdǝshǝri mā buki. 6 Nŋo ma Baitalami, nnyaŋa ma Yahuza dan ŋoze nnyaŋa ma bate ǝnyimi maYahuza ne, bakase ā nyimi a hai ze ara yo owe ono tegomo, ono ogeme se mara cikǝ ono unu mǝtǝ anā Han, ā no Israila". 7 Nze Hirudus tisa ano u bara e wewero tii, nze ma kone ā ŋe ā tinu, uca ogome se bewewero beme bā yonko. 8 Nze ma tuma ā nye a Baitalami, mago, " wǝnni dāŋi ka ginǝrǝvana me. Ngase ŋi mura me, i rai ibuki i i mi, in ka gurwǝn mi" 9 Nan ukunan nlen mo ogomo mame, nze ŋa dura ā tanā teŋe, bewewero begeme se ŋana ni bi giya ā ŋe ǝ tǝji, bi zene bi ka tore ara ageme se vana me rǝnu, 10 se ŋa ni bewewero beme, enze iruwa e heŋe iruwa e heŋe e we pau. 11 Se ŋa pete ǝ titau mi, enze ŋa ni kwana ko me, nan ǝyimi Maryamu, enze ŋa gurwǝnǝ ā ŋe ǝtǝji, ŋa gusan ŋe ko, enze ŋa buzi tomma teŋe enze ŋa nyaŋe tommo ti koo, zinariya, iburi-titi ti turare ti ura nan makō. 12 Nze ǝdǝshǝri buki a ŋe a tero, tago ŋa kuri a Hirudus ni, a ŋa tarse uyu runa ken ā kuru a ŋe āpe. 13 Nnan u yira oanhoŋe, enze uyu maleka uwa Aco wonke rete a reme a Yisipu a nyimi tero, mago,"yira zaka, vanaye nan ayimi suma u wama Masar, u ka cika a geme se na buku a ŋo. Baka se Hirudus mara ginara vana me da ma wo me". 14 Enze Yisipu yere nan atitiya, ma zaki vana me nan ayimi nze ŋa wame a masar. 15 Mǝ cikǝ ageme, Hirudus zini ma wi. Ija da a bija emegeme se Aco ma buki asuru anu utuma o home, mago, "ā suru a masar ze awa tisa vana o hoŋ". 16 Se Hirudus ma nii ano u bara ewewero na kurusi mi ulakere enze biruwa beme bi caro,nze ma tome ā ka waza abiya ā rome ā Baitalami nan ano ā voto, kweren,ano siwai se repo ā tunu, garere nan uca ogome se mā kuna ǝ̄nu awa no ubare wewero se ŋa wake. 17 Uca ogome ze awa binja nlen mageme se ā buki ā suru ǝnu Irimiya, se mago, 18 "Ā kuna remelo a re remelo a Rama, izama i kpai, Rahilla ze izama bakaa biya me. Mā gamene urusu baka u dira abiya a hame". 19 A maro u wǝnǝ Hirudus, nze u maleka uwa Co ma yonko ā Yisipu ǝ nyimi tero ā masar, magomme, baka ano u giŋərə rumā reme ŋǝnə wǝnǝ. 20 Yira ita kwana koi nan ǝyimi u kuru an nyaŋa ma Israila baka ano giŋǝrǝ ruma ri vana me ŋana wiju. 21 Nze ma yere ma zaki vana me nan ǝyimi, ma kuri an nyaŋa ma Israila. 22 Se mā kuna AKilos wara a tigomo ta cowome, ā judiah, ma kuna iwi iwu wame. A wǝnǝ wunki mi o toŋe a tero, nze ma dare an nyaŋa ma Galili. 23 Nze ma ka cikǝ a aya pe se a gusan no Nazarat. Ā binja emegeme se ǝ buki ǝnu awa tuma ǝdǝshǝri, da a gomme "ono u Nazarat". U Yisun len ma Yuhana ono Zoroso ano.