Udaraŋa u 4

1 Nze uvunu wannan me uja dā shitan koneze me. 2 Ma wuna ti-tiyyǝ a kuru naze ne, aza a maro me nze ma kone ekomo mē me. 3 ̄Ono ri-kunuŋa rai ma gomme, "ngase nŋo vana Ədǝshǝri zi, waŋara azuwā giya a cikǝ borode". 4 Nze Yeso tare, ma gonme, "ǝ̄ buki, ago, dan nan imu wushu base ze ono rā mura ruma ne, se nan nlen mā u suru Ədǝshǝri." 5 Nze shitan, wannan me āpe a sansan nze ma wuna me, ma tore ā bi- tinkiri bi ugura Ədǝshǝri. 6 Ma gomme, ngase nŋo vana Ədǝshǝri zi, canko ā nyaŋa, baka se ma buki; ā ti maleka, aza a hai, konzen ŋanin rukai, tago u pikǝru ā rizuwa ne". 7 Ze Yeso tare, ma gomme, "aza igiya, ā buki; tago u kunuza Aco, Ədǝshǝri ā hai ne," 8 Nze makuŋ wannan me, aza owo, oyō, ma beze me zale te- gomo ti masano. 9 Ma gomme, rā nyo zale ngase u gare u gurwǝnǝn", ̵ 10 Nze Yeso gomme, "Enze Yeso gomme, "yira a rigiya, shitan! ā buki: gurwǝnǝ Aco nan Ədǝshǝri a hai, manze base ura tarsome". 11 Nze shitan deke me, ti-maleka ti rai ti woze me ototome. 12 Se Yeso kuna Yuhana mari nyan nze ma kuri ā Galilee. 13 Nan deke Nazareth, nze ma kuri nan u cikǝ ā kafarnahum, ā lake nan u danira ūlu Zabalun nan Naftali, 14 Dā binja emegem se utuma Ishaya ma buki: ago, 15 " In nyaŋa ma Zabalun nan in nyaŋa ma Natpftali, ā laken Bahar ulu rī ri Urdun nan ǝ̄ pǝŋ a Galili, 16 Ano u cikǝ ā mǝri ŋana ni u sana ra: ano u cikǝ ū rurū wǝnǝ nan okerkene, ū sanā ra nā deŋe". 17 U suru uca ogomme, Yeso ma me u yisu nlen, agusa. " deke ni macara, te gomo ta Ədǝshǝri tina ra voto". 18 Yeso ā tano ā rekero ri u dandale ū Galilee, nze ma nī ono nan u wanome, Simon se a tisiza me Peter nan u wanome Andrew ā vari orenge bakase nŋe ano u meshe i ginu zi. 19 Nze ma goŋ ŋe, "tarson ni, na kursu u huŋi i cikǝ ano meshe ano". 20 Nan u kuna nane, nze ŋa kuŋki te renge a teŋe, ŋa tarse me. 21 Tu kape bate, nze ma nǝri an ka-repo, James vana u Zabadi nan u wanome, John, ǝnyimi o koŋgo nan Acowo ŋe ā mammara te renge ti ginu, nze Yeso tisa ŋe. 22 Nan u kuna nane, nze ŋa deke o koŋgo nan acowo hoŋe, ŋa tarse Yeso. 23 Yeso mā ŋana ǝnyimin nyaŋa ma Galilee kweren, a biyǝn nlen ma wuma ǝnyimi ti kura ta Ədǝshǝri, ano makwene-kwene wa wamozo, zale. 24 Ā saran nlen mame kweren an nyaŋa ma Suria, ā rasan ono makwene kekeŋ-kekeŋ nan ono u kuna kpai ripun, nan ano ū vunu u buru, nan ano opeppere, nan ǝguŋ ŋa wamo kweren. 25 Ano usuru ā Galilee, Dikafolis, Jeruselem, Jude, nan ano u suru ūlu Judea cebete ŋā tarse me.