Udaraŋa u 25

1 Tegomo tǝ Adǝshǝri ti nin zi uga agalla bituru agemese ŋawa yera awaŋa a mura una anya, ŋawa here ŋa yete ti fitila teŋe a ka pawome. 2 Shibi anyimaŋe alakere ze, Shibi konzen akese wa ze. 3 Alakere me wa hira waŋ ŋa yita ti fitila teŋe ŋatǝ manti mai maneŋe ne. 4 Akese wa ita ti-fitila tare nan maneŋe a ti-kutǝru. 5 Una anya me ma watǝ ruku ra ne, nŋe ŋawa zene ŋa me ugosen nró, har nro mame mawa me ŋe zale. 6 Nan azate ǝtitinyǝ, nze a kuna utisa, una anya me na deŋe suru ni, da ŋi kai me! 7 Nze agalla me zale ŋa yere ŋa mamare ti-fitila teŋe. 8 Nze alakere goŋ ano rekese reme, 'shedo ni maneŋa maŋi ti-fitila tedo tira bishizu.' 9 Ano rekese me gare ŋago, 'maneŋa mame matin bare do nan ŋi ni. Wanni anu rǝssǝ maneŋe i ka kwa mǝmǝŋi.' 10 Nŋe ŋa me uruna a kwa maneŋe, uca gonme una anya wuzo deŋe. Agalla rekese ano ogoro ŋa pete ara remeze, nze a pate ǝkǝi. 11 Aza maro me nze adaŋara a haŋe, deŋe. ŋago, 'Acakura, pani do ǝkǝi'; 12 Nze ma tare, 'na buki ŋi, gaŋgaŋ, nta ru ŋi ni.' 13 Baka nane, goro ni, bakase ŋi tǝru onŋwe né uca ne. 14 Konzen ira ze uga ono ogemese mara wuza tǝno, nze ma tisa arera hame vevento ma waraŋe u mǝntǝ umuro home. 15 Ono u bura me ma nyame tu-talente shibi, ono repo konzen tu-talente te-repo, una maro me, utalente ovento, kwavi garere nan agatǝ hame. Nze ma woze tǝno teme. 16 Ono gemse mawa kai ti-talente shibi, mawa waŋ ma ka waŋara eme enze ma mura titalente shibi konzen. 17 Nane konzen ono terepo mawa mura terepo uwaŋara me. 18 Nze ono ogemese mawa kai talente ovento ma waŋ, ma gasi rewo ă nyaŋa, nze ma gurkuza imanmate iwa acakura hame. 19 Nan udakano bate, nze acakura uwa rere me kuri da ma nari umura o home a ŋe. 20 Ono ogemese ma kai titalente shibi mawa rai nan tu-talente shibi. Nze mago,'Acakura' 'uwa nyaŋ tu-talente shibi nǝri, na mura mǝri ma tu-talente shibi.' 21 Acakura me goŋme, 'kukwan orere u wuma! nŋo na mǝntǝ tommo bate,' 'nin wunai ǝ nǝrǝ tommo cebete. Ra u gǝri izalla nan Acokura a hai.' 22 Ono ogemese mawa kai tu-talente te-repo me rai mag,'Acakura,' 'uwa nyan tu-talenete te-repo, nǝrǝ in wa mura mari te-repo.' 23 Acakura me goŋme, 'kukwan orere u wuma! nŋo na mǝntǝ tommo bate, nin wunai ǝ nǝrǝ tommo te cebete, ra gari izalla nan acakura hai.' 24 Nze ono ogemese mawa kai talente ovento mago,'Acakura, min ru nŋo ono riyau ze, nŋo repe tikoke aragemse nŋo wǝtǝ bira ne, konzen nŋo worse aragemse nŋo wǝtǝ sara i sǝnǝ ne. 25 In wa kuna iwi nze in wa waŋ in ka gurkuza talente o hoi a nyaŋa. Nǝrǝ, emehe i giya.' 26 Acakura a hame gonme, 'nŋo orere ona rǝ-puru, ono madoro! Nŋo ru se min koke aragemse min watǝ bira ne, konzen in woro ara gemse in watǝ sara i sǝnǝ ne? 27 Eze kima, uwa nin kayya iru ehoŋ ara uyisa iru, anu guna, uca ogome se inta kuri uwa nin ka nan mǝri. 28 Ka ni talente me a nya onogomese mazen tu-talente bituru. 29 Kwavi se mazenno ara vato home me ǝnu, a ma mura cebete. Ono gemese ma damenno ne, emegeme se maze nanno ara ka me. 30 Ka vati ni orere u lalawai ogeme akai, anyimi mări, aragemese ma nin riwa nan urunza tini.' 31 Uca ogomese vana ono sa ra anyimi uyisizo ome, nan ti-maleka teme zale uca ogeme ze ma nin cikǝ a ridirǝŋa reme. 32 Ara gura massano zale ame abigesen, konzen manin wara ŋe keken-keken, uga nane se onu gura warse Itan nan Ibiya. 33 Manin wuna Itaŋme uware bilay, Ibiya konzen a biguli. 34 Nze ogomo me manin guna nan anagemse ŋara bilaiy, 'Rani, nŋi anagemse Acowo hoŋ wa nyaŋi taye ti wuma; kani umura u huŋi, tegomo tegemese awa yiya ŋi suŋ u ruza massano. 35 Bakase, in wara kunekomo, iwa nyan imunshu inwushu, i nyan maŋi in-shi, inwa rai a regeŋ, nŋi wa kawoŋ, 36 inwara barsa tommo, ŋi sekoŋ tommo, inwa taze gayan ne, ŋi wuzan ribǝnzi, inwari inyaŋ, i raiy i gosen mi kó.' 37 Nze ano ribiu riwuma ŋanin gunan Aco, nan ciyu zi i wa niyi nan ekomo, inyaiy imunwushu, né a kuna re-wo ri-maŋi in yaiy maŋi? 38 Nan ciyu zi nŋo wa ra a regeŋ nze woro kaye né uwara barsa tommo esoke me? 39 Nan ciyu zi nŋo wata ze gayaŋ ne, né uwa ra iyaŋ ze iwa ka nǝri? 40 Ogomo me tare magoŋe, 'gaŋgaŋ me ingase ŋi wuna ana bate anyima anowanoma haŋ a rigiya, mizi ŋi na wunan me.' 41 Nze manin gunan anu ware biguli, 'yirǝni arigiya, ano a balawai, pete ni anyimi ura ogemese awa mamare baka shidan nan ti-malika teme. 42 Bakase in wara kuna ekomo nŋi wată nyan imu-wushu ni, mma kuna rewu ri maŋi i ta nyan maŋi mushiyǝ ni, 43 inwa raiye a regeŋ ŋi ta kawoŋ ne, inwata zen emo soke ne, ŋi ta tǝsun ni, in wata ze gayaŋ ne,nan a regoro ŋi wata raiy ŋi narun ni.' 44 Nŋe konzen ŋara tara me, ŋago, "Aco, nan uciyu zi woro ti nari a kuna ekomo, né a rewu ri maŋi, né a regen, né a barsa tommo, né udira igayaŋ, né a rigoro, nze woro ta male ne?' 45 Mara tara me, magonŋe,'gaŋgaŋ na buku iŋi, zale emegeme se nŋidan wuna ono u bate anyima ana giya ne, ŋi dan wunan me ne. 46 Nŋi ŋanani i ka pete ura u suŋ, Ano ribiu ri wuma, ŋanin mura ruma ri suŋ."