Udaraŋa u 26

1 Se Yeso wa mase u biyǝ igiya zale, magon Atuma hame, 2 Nane se ŋi ru remese ri upǝri rina ruku ti tinyǝ te-repo se anin nyaka Vana ono dä garre me. 3 Nze ano ǝsǝssǝru a ti-priest nan tenoŋono tǝ ano teme ŋa gurna u gura u saru u priest se agosenme Caiaphas, 4 Nze ŋa bi ŋa gara a ŋa mé Yeso a rekero ŋa wö me. 5 ŋa go, "dan se uca remeze remene, se ano nin yiran maburbǝnu har ma ran ukara." 6 Se Yeso wa dä a Baitani ǝtitau Simon, okoto. 7 Mme a nikana ukujirome uca u wushi imunshu, nze uyu wai rai voto nan Yeso nan ka kutǝru ka maneŋe ma Alabaster ma iru suŋ, nze ma shokome me arete. 8 Se atuma hame wa ni nane, iruwa eheŋe i wa caro, nŋe agusan apuŋaŋe, 'iyicarakoŋ ze ija? 9 Maneŋe maja ǝtǝ rasi nan iru cebete a nya ano tiyaŋ." 10 Nan uru nane, Yeso goŋe, "baka iyaze ŋi ra dangalo aza uwai uja me nane? mana wuna iyabo e reze ze. 11 Ano tiyaŋ ze nan ŋi kuyya tinyǝ, ama mmi konzen in damen ŋi kuyya tinyǝ ni. 12 U waŋara hon maneŋe maja, se mana wuna, mana mamaran ă ki isau. 13 Gaŋgaŋ na buki iŋi, kuyya ba se ara biyǝ nleŋa man a massano, anin biyǝ a dunza nan me. 14 Ono vento anyimi Atuma a hame an ka rikuri se a gusan me Yahuda Iskariyoti - ma wa wame a ono usaru u ti-Priest, 15 Nze ma saŋara, "Iyaze ŋi nin nyan ngase in nyaŋa ŋi mme?" nze ŋa bare iru ti-silva akuru taro ŋa nyame. 16 Əsura nane ma pete ǝ ginǝrǝ uruna ogemese ma nin nyaka Yeso. 17 Atiyǝ a dinka a remeze ri uwushu borode u dira yeast, nze Atuma a Yeso rawa me ŋa saŋare me, "Abaze anin mamara da ŋo wushi imunshu iwu pari?" 18 Ma tare mago,"wan ni o we anyimi ape i gonme, 'Ono bezezze na guna; uca ohoŋ na ra voto. Inra ru wushi imunshu iwu pari nan Atuma haŋ ayitauwa hai." 19 Nze Atuma a hame ŋa wuna nane se Yeso na wunaŋe a ŋa we. 20 Se uwǝru wa wuna, nze Yeso cikǝ ǝ wushu imunshu nan an ka rikuri rimi. 21 Nze anyimi uwushu imunshu mi Yeso gonŋe,"gaŋgaŋ na buki ŋi, owe anyima haŋi mara nyaka o hoŋ." 22 Nŋe ŋawa kuna iwi ŋa me u saŋaro me, kwavi gomme Aco mme zi? 23 Yeso tare, mago,"Onogemese mana biza uware eso vnto nan mi, manze a nyako hoŋ. 24 Vana ono ra waŋ nane se a darsa aza hame. Ica ra aza ono gemese mana nyaka vana ono! I nin kira se atitin nin yo me ne." 25 Yahuda ono gemese ma nin nyaka Yeso, mago, "ono bezezze go ne mizi?" Yeso tare,"nŋo na buku." 26 Se ŋa warepo wushu imunshu mi, nze mawa yete imunshu mi magoŋ Adǝshǝri kukwaŋ, nze ma pore ma nya Atuma hame, kǝni, wushuni, igiya ripuŋa ron renze." 27 Nze ma yite kosso, magoŋ Adǝshǝri kukwaŋ, ma nyaŋe, a gusa shani kusuŋŋu huŋi." 28 Mǝŋya man manze ma giya se a gare se anin kunku, baka ano macara cebete. 29 Na buki ŋi, indamǝ kuru sha maŋi ma iburi titi tu tankalzo ne, wagiya se ǝtiyǝ agemse ra sha Masau nan ŋi a tegomo tǝ cowo hoŋ. 30 Se ŋa mase u gusa irina, ŋa suri ŋa waŋ owo a pare. 31 Yeso goŋe, "nan ǝtitiyǝ agiya zalu huŋi ra saramo baka mi. Baka awa darsa uguna se ara gara vanono unu tarsen itaŋ me, nze riyǝgǝ ritaŋ reme ri ra sarmo. 32 Aza maro u yiro hoŋ, ra gǝti u huŋi aji a waŋa Galili." 33 Nze Peter tare mago,"ngase zale ŋa sarmo baka ŋo, min dama suma ne," 34 Yeso gare mago," gaŋgaŋ na buku a ŋo, nan ǝtiinyǝ agiya, bigoro bi nin kazu tuŋara, u nin me magita ma uruwo hoŋ ka taro." 35 Nze Peter ma tore, mago,"ngase in nin wǝnǝ nan ŋo, indamǝ nyamene o hoi ne, nane ze Atuma hame wa buki zale. 36 Nze Yeso waŋ nan Atuma hame aragemese a gosenno Gethsemane, nze ma goŋŋe, "cikǝ ni a rigiya aŋ ka remmo." 37 Ma yite Peter nan abiya Zabadi, a repo, nze ma me ucǝrǝ buru nan udunkǝlu birwa. 38 Nze ma goŋŋe, "birwa bon biize denden uga da wi. Cikǝ ni a rigiya da ŋi pǝpǝi nan mi." 39 Se mawa shenko bate, mawa don gare nan nmiŋyu a nyaŋa, ma remmo, mago,"Acowo hoŋ ngase inin wuna, katarǝ eso igiya imi a bida. Taken nane, dan u barsa o hon ne, se u barsa o hoi." 40 Nze ma kuri a Atuma a hame ma mura ŋe anro. Ma saŋare Peter, "ŋi dan date epǝpǝi nan mi uca biru bi vento ne?" 41 Pǝpǝi ni nan oremmo tago irizi ni. Uvuni-sansan ra barsa me ripuŋ rina nyamene." 42 Se mawa kuri owo repo nze ma remmo, mago,"Dada ohoŋ, ngase itan wuna a yete eso makwai ma ja ne, sen na shiyǝ i cikǝ ubarso hoi." 43 Se mawa kuri konzen, ma mura ŋe anró, bakase aji a haŋe na wuna denden nan inro. 44 Mawa kuri ma dekeŋe ma ka remmo u taro, mme ǝbiyǝ evento egemme. 45 Nze mawa kuri magon Atuma hame,"ŋi zini idan inro a vonke? Nǝrǝ ni, uca na deŋe voto, ana nyaka vana ono konzen ana nyaka vana ono a tare ta ano macara. 46 Yira ni, nduni a waŋ! onu nyaka o hoŋ me mana deŋe." 47 Se mawa da banu, Yahuda, ono rikuri, anyimi Atuma a hame ŋa deŋe. Nme nan ano cebete nan tommo tu kără - ti-vira nan ti-bita, a suru ano ǝsǝssǝru a ti-priest nan anoaŋono. 48 Nze onu nyaka o home beze ŋe nane se manin nyaka me - ono ogemse in zunti mi, manze mé." 49 Nan odeŋe o home, nze ma dura ulu Yeso, ma go, 'kö ono bezezze!,' ma do ma zunti mi. 50 Yeso tare, mago,"Orere, wuza emegemese ina ra nan ŋo." Nze ano me ŋa durku, ŋa me Yeso. 51 Nan nane, owe se maze nan Yeso, ma zuzi uvira, ma gware otoŋe u orere u -priest u sǝru. 52 Yeso gonme,"kursu uvira u pannon me, Kusum ono gemese ma zuzi uvira, uvira ze a wunǝ ohome. 53 ŋira nimi mindamen uruna u ginǝrǝ ti-male a Dado hoŋ wagiya ma tomma nan ridǝsun ri ti-maleka ateme rikuri ni? 54 Inni zi anin wuza da binja emegemese awa darsa a nlen ma Adǝshǝri, se mago, "nane meze anin wuna amura urunugiya?" 55 Uca ogeme, Yeso wa buki anome, "Mina cikǝ ni ono kangursa se ŋina suru nan ti-vira nan ti-bita da ŋi miyoŋ uga ono u wuzano? kuyya oŋwe woro nan ŋi akura Ədǝshǝri, ŋi dan meyon ne." 56 Taken nane, zale a wuza da binja emegemese Atuma Ədǝshǝri wa darsa anyimi nlen ma Ədǝshǝri." Nze anu tarso hame ŋa sarmo ŋa deke me. 57 Ano agemese ŋawa me Yeso, waŋ nan me a Kayafas, ono u sǝru u ti-Priest, aragemse ano bezezze makiri nan Anaŋono wa gurna. 58 Bitrus wa tarse me cate atămaro a waŋa u gura usǝru u biyǝnlen u ti-priest, mawa pete ma cikǝ nan ano rinyaŋana da ŋa nǝri egemese anin wuza. 59 Ano ǝ sǝssǝru ǝ ti-Priest nan ano ubiyǝn nlen ŋawa ra ginǝrǝ npore magemese ŋanin buki a aza Yeso, da mura a meme a wöme. 60 Nze ŋa wata mura ne, zale nlen magemese a wa go mawa go, nze aza maro anka-repo suri, 61 ŋago,"ono uja wago, 'innin buzari ugura Adǝshǝri ugiya in piyǝ ome a timuru ti-taro.'" 62 iNze Priest u sǝssǝru here o tore, mago, "To nŋo na kuna emegemse ana buka aza hai, iyaze nŋo nengo?" 63 Yeso go wette, Priest u kon gonme,"Na sǝnǝre anyimi riji ra Adǝshǝri Buka woro, ngase nŋo unu kassa ze, né vana Adǝshǝri zi." 64 Yeso wa gare magonme,"Nane se una buki. Dikan buki ŋi, asuru a waja, i sa ni vana ono a cikǝ uware belaiy u tegomo a tu aza te-wenwero tă adaishǝri." 65 Nze Priest u sǝssǝru jankale tomma teme, mago,"igiya u cara riji renze! iyaze woro da pame? ina kuna ucara riji. 66 Nŋi gunni?" Enze ŋa gare zale,"igiya deŋe uwǝnǝ." 67 Nze zale o hoŋe, toime tǝye aji, ŋa tari mi nan tara teŋe, 68 agatu gusa,"buki do nŋo unu kassa. Avin na vape?" 69 Ucame Peter warǝ cikǝ akai a nari mi, nze uyu orere ugalla rai votonme ma gonme,"ŋo tezen unu Galilea mi." 70 Peter nyamene ajiaŋe zale mago,"min tǝ ru emegemse ura biyǝ mini." 71 Se ma suru aka ulu arakai, oyorere me gon awe,"Unu giya wEnzea ze taren Yeso u Nazeret." 72 Ma ko ma nyamene nan retono,"min tǝru mini!" 73 Dan nan udakano ne, awe anu tore a re rekero ko ŋara wa Peter ŋagonme,"Tabas nŋo ono ventoŋe ze, Bata u bukanoye na bezedo." 74 Enze ma peta gatu tonozo,"min tǝru unu giya ne," dan nan udakano ne be-goro biwa tuŋara. 75 Peter wa do ma donze nlen ma Yeso, se mawa gonme,"be-goro bira kazu tunara nŋo na nyamene uruwo hoŋ ka-taro." Enze ma waŋa akai ma rewe suŋ.