Udaraŋa u 23

1 Enze Yeso goŋ riyǝgǝ rano nan Atuma me: 2 "Ano bezezze makiri ma ti-Pharisis ŋa cikǝ a ra u cikǝ Moses. 3 Ipǝpǝi nan emegemse ŋa buki i ŋi. Tago ŋi woze emegemese ŋa wozeze ne, bakase ŋa tă wuzuza emgemese ŋa yisuzu ni. 4 ŋa tasi utira o denden nze ŋa tare ati pake tă we, bata nŋe ŋa dan barsa ŋa we rebo a shenke utira me ne. 5 Emegemse ŋa wuza, ŋa wuza dă ano ŋa nari: ŋa wuza ti zabiră teŋe ti mumuru konzen iwa giya ǝ tidiyateŋe te yoyo. 6 ŋa barse tira ti karantan ă ra remeze nan tura ti wuma ă kura Adǝshǝri. 7 ŋa bare uguna ă gusan ŋe kó nan utuŋara a tira ti-jamane, dă ano tiziza ŋe 'ano u bezezze.' 8 Bakan nane tago a tisa ŋi 'ano bezezze' ne, bakase ono bezezze u ŋi ovento ze konzen zale u huŋi ayeno ze. 9 Tago ŋi tisa owe a Massano 'Aco' ne. ŋi zi nan Aco avento ze, konzen mǝrǝ Adaishǝri. 10 Ne atisiza ŋi ano bezezze, ŋi zi nan ono bezezze ovento ze, manze Onu kasa. 11 Ono u saru ǝnyimǝ haŋi mara cikǝ orere u huŋi. 12 Ano agemese ŋa yiza a te a haŋe, arǝ dutu o hoŋe, ano agemese ŋa duti ate a haŋe, arǝ yiza o hoŋe, 13 Kanja, ra aza haŋi, ano bezezze makiri nan ti-Pharisis, ŋi asossono! ŋi na pate arǝkai a te-gomo tǝ Adǝshǝri ă nmiŋyu mă ano. Nŋi, ǝtǝhaŋi ŋi dan pete ne, konzen ŋi dan deke ano ubarsa opete ŋa pete ne. 14 , 15 Kanja iŋi, ano bezezze makiri nan ti-Pharisis, ŋi asossono! ŋi wuzuza tǝno an inyaŋa nan manyi da ŋi mura ono u nara ogwene o vento, ngase ŋi mura, ŋi kursi mi, ono wamu uru, uga ŋi ka-repo. 16 Kanja iŋi, ǝru awu wunku u bita ǝru! ŋi go, 'onogemese ma rento nan akura Adǝshǝri, dan iyabo ze ne: ono ogeme se ma rento nan gold uwa kura Adǝshǝri, otono me ra meyome.' 17 Alakere, ǝru: iyu zi kira ă bare, gold né a kura Adǝshǝri agemse awe gold me sansan? 18 Bata ŋi go,'ono ogemse ma rento nan ridirǝn dan iyabo ze ne; ono ogemse ma tono nan emegemse ana nyaka ă ridirǝn ră kura Adǝshǝri otono me ră meyo me.' 19 Nŋi aru! iyu zi kira ă bare: emegemse ana nyaka né ridirǝn ra kura Adǝshǝri se rina wuna emegemese ana nyaka sansan? 20 Baka nane, ono ogemese ma rentezo na ridirǝn rǝ kura Adǝshǝri, mana rentonno, konzen emegemese ira aza me, zale. 21 Ano agemese ma rentozo nan akura Adǝshǝri, mana tono konzen nan ono ogemese mara cikǝ ǝnyimmi. 22 Ono ogemese ma rentozo nan Adaishǝri, mana tono nan ridirǝn ra Adǝshǝri renze konzen nan ono ogemse mara cikǝ ǝnu. 23 Kanja nŋi ano bezezze makiri nan ti-Pharisis, ŋi asossono! ŋi ŋiza be-vento anyimi bituru, i bicapa biŋi, ovenven, ozoo, cita nan udaŋara me ŋina kini emegemse eze iwuma i makiri - M-gaŋgaŋ, ogwene, ri-wuza ri wuma! ŋi ta wuza i giya a guran i wa maro me. 24 Nŋi ǝru anu wuŋku ǝru! Iriru i bewereren, i katu biran kome. 25 Kanja, nŋi ano bezezze makiri nan ti-Pharisis, nŋi asossono! ŋi kwiji ma ri-wuma nan u barsiruwa. 26 Nŋi Pharisis Aru! bura Kwiji ŋi anyimi eso nan okerome, dă ti-maro teme ti-cikǝ sansan. 27 Kanja, nŋi ano bezezze makiri nan ti-Pharisis, ŋi asossono! ŋi yinkǝnǝ nan nsau ma-ruŋ, magemse ma reze ǝkǝi ǝnyimi siwu sen keze senze a binja nan kuyya ri-tako. 28 Nane meze, ǝ oyonko u huŋi ǝkai uga ana wuma, bata ŋi asossono ze nan ana ra-puru anyimi. 29 Kanja, nŋi ano bezezze makiri nan ti-Pharisis! ŋi pizi nsau mă Atuma Adǝshǝri konzen ŋi mamare nsau ma anu ma-gaŋgaŋ. 30 ŋi ko i gusa, 'tagose iwaranu uca uwa anacowado, woro watin nin gura tare nan ŋe ǝ kunku mǝŋyi ma Atuma Adǝshǝri ni'. 31 ŋi na bukun ate ǝhaŋi se ŋizi abiyǝ awa nagemse ŋawa woze Atuma me. 32 Wushu ŋi aji, i masasa ŋi ituma egemese anacowa haŋi wa bura! 33 Nŋi iwa! nan ti-pǝrǝ: ŋi nin winnizi i somporo ă nlen mawu pete ura? 34 Baka nane ze ra tuma u hiŋi, Atumǝ Adǝshǝri nan ano rekese nan ano obezezze. Awe ahaŋe ara wuzo ŋe, Awe ara gărro ŋe, Anin cuta adaŋara me akurǝ Adǝshǝri ǝ hǝŋi, konzen i kore ŋe ă suru ape ă ka ape. 35 Aza haŋi zi maŋyi mawa ano ma-gaŋgaŋ se awa wuna a massano ra cikǝ. Asurǝ maŋyi ma Abel unu ma-gaŋgaŋ, akă maŋyi ma Zachariah vana Barachiah ono gemse iwa wuna augurǝ Adǝshǝri. 36 Gaŋgan nǝ buki iŋi, zale tegogoro tigiya ti ra rawa uca rimiza ri-giya. 37 To, Jerusalem, Jerusalem, nŋi se ŋi wa wuza Atuma konzen i gisi anagemse a tome i ŋi! kayanoze dan nan udakano inwa gura abiya haŋi uga nane se betokoro bi worso abiya hame ă ti-gallun, bata ŋi watǝ gara ne. 38 Nǝrǝ, tittitauwa tiŋi tina cikǝ ǝpin. 39 Mina guŋi, ŋi tadă ku niyo hon ne, ǝsura wagiya se ŋi na tisa e go, 'Ono taye ze onu ra ǝnyimi riji ră Aco.'"