1 Yeso wa gǝmǝrǝ ubǝnu, mago; 2 "tegomo tǝ Adǝshǝri teze uga oyo gomo se mă wuza vanome remeze ră nya. 3 Nze ma tuma orere ohome ă ŋa tisa ano agemse ǝ ti yisuŋi remeze reme, nze ano agemse ati yisu ŋi remeze reme ŋa nyamene ura. 4 Konzen ma delle utuma aya rere, mago, ka buku ni ano agemse ati yisu ŋi, igiya se na gura a shesho, ana tusu ivare e hoŋ i mumuru nan ti-banan se iwa manti, na gura kweren, rǝni ă remeze reme niga! 5 Nze ŋa nyamene uwuna birwa ǝnu ŋa dura eneheŋe - owe wame ă me uru, owe ara ijamane me. 6 Adaŋara konzen ŋa meshe arere a hame ŋa wunaŋe iburu, ŋa woze ŋe. 7 Ogomo wǝ tǝkǝnǝ gaŋka, nze ma tipi anu tiya ukara o home, ŋa dishi ape a haŋe kweren. 8 Nze, konzen ano agemese ati yisu ŋi ŋa ta yinkǝnǝ uguna ŋa rai ne. 9 Baka nane wǝnni atikai tu runa i yisi zale ano agemese i mura, ă ŋa rawa remeze reme. 10 Nze arere a hame tarse ti runa, ŋa woro zale ano agemse ŋana mura, ano a wuma nan ano a macara, nze ara ă remeze ri binja nan agyeŋ. 11 Se ogomo wa pete ǝnǝrǝ agyen, nze ma tare aji owe onogemse madan soke tommo te remeze ne. 12 Ogomo me gonme, "Orene, una wuna inni zi u pete ă rigiya dă udi remeze ne? Nze ma dere imu buku. 13 Nze ogomo goŋ arere a hame, 'tǝsǝ mini ataw nan tare, vati mi ǝmǝri mă-gaŋka, ara agemse manin riwa nan u runza tini.' 14 Ana tisa ano cebete, ano agemese ana zaka, bate." 15 Nze téti-Farisis tiwu cikǝ akǝi, ŋa gura anu nane se ŋanin meme. 16 Nze ŋa tuma atuma a haŋe nan ti-Hirudis ŋago, "Onobezeze, Woro ru nŋo ono ribiu ri wuma renze, konzen ono bezezze nlen mă Adǝshǝri ma gaŋgaŋ. Nŋo tă za awe ne, Nŋo tă nyamene owe ne. 17 Buku a woro, uni ohoi, eze kima a nyaka iru innyaŋa a Caesar né babo?" 18 Yeso nan uruwi iruwe heŋe i buru, magoŋe, nŋi asossono, baka iya ze ŋira nara uwuno hoŋ ogero? 19 Bizanni iru egemese a yiza iru innyaŋa me," nze ŋa rai me nan dinari, 20 Nze ma goŋe, " ti yinkǝnǝ tavi tenze ǝnu?" 21 ŋa tare ŋago, "Caesar." Enze magoŋe," nyani Caesar emegemse eze i Caesar, nyani Adǝshǝri egemse eze iwa Adǝshǝri." 22 Se ŋawa kuna nane enze ŋa kuna iwi. Enze ŋa deke me ŋa dura ene heŋe. 23 Atiyǝ agemme, te ti-Sadusis, ano agemese ŋa gusa, Uyisizan ekeze u dǝmǝnu ni, ŋa rai ŋa sanare me. 24 ŋago,"Ono bezezze, Moses wago, ngase ono wi se madamen abiya ne, Uwanome ma wuza anŋya awu shi mi a ma yose me abiya. 25 Wagiya, ayeno wǝrǝnu anarome, anka sunare anyima hado. Onu bura me wa wuza aŋya ma wi, bakase mawată zen abiya ne, ma deke uwanome nan uwaiyome. 26 Nane ze i wwa mura ono repo nan onu taro, ă wame ă ono u sunare me. 27 U masa me, uwai me wi. 28 Wagiya, atiyǝ awu yisizan keze, manin ze uwai uwa vi anyiman ka sunare me?" 29 Yeso tare mago, "ŋi na dangalo, bakase ŋi ta ru makiri nan agata awa Adǝshǝri ni." 30 Uca u yisizan keze, uwuza aŋya nan atiyya uyŋyaka aŋya dǝmǝnu ni; bakan nane ŋasa cikǝ uga ti-maleka adaishari. 31 Aza epe i wu yisizan keze, ŋi wa tă bara emegemse Adǝshǝri wa buki iŋi, 32 Mmi zi Adǝshǝri ă Ibrahe, Adǝshǝri ă Isaac nan Adǝshǝri ă Jacobʔ Mmi dan Adǝshǝri awa nkeze ze ne, amma uwano ruma ze." 33 Se riyǝgǝ reme riwa kuna nane, nze ŋa kuna iwi iwo bezezze o home. 34 Se ŋawa kuna Yeso na wuna ti sadusis nan nlen, nze tiSadusis ti ka gurna. 35 Owe ǝnyimi a haɲe, ono u kira a ru makiri, ma konenme nan kaŋ saŋara - 36 "Ono bezezze makiri, mayu manze mă kakance?" 37 Yeso tare:"Barsa aco, Adǝshǝri zale nan birwa be, nan ruma re, nan bewowabe. 38 Igiya ze makiri ma dinka nana ma kakance. 39 Ewo repo me eze uga iwu bura me, barsa ono u lake o hoi ugă retare. 40 Zale makiri nan Atuma awa Adǝshǝri awa găra aza mǝrǝkun ma-repo ma giya. 41 Se ti-Pharisis tiwa gurna are vento, Yeso wa saŋara ŋe, 42 mago,"Iyaze adodonza haŋi aza ono u-kassa? Mme, vana avi zi?" Nze ŋa tare ŋa gomme, "Vana David zi." 43 Ma gonŋe, "baka iyaze David, ǝbǝnu nan uvunu u i-sansan, ma tisiza me 'Aco'? Baka se ma gusa, 44 Aco gon acowa haŋ, 'cikǝ abilaiya bon Sen na wunai aza anu nyamene a hai'"? 45 Ngase David nin tisiza me 'Aco' anin winni zi ma cikǝ vanome?" 46 Usuru ǝtiyǝ agemme, owe tă ku tare iyabo né ma sagare me iyabo ne.Udar