Udaraŋa u 21

1 Nŋe ă deŋe voto nan Jerusalem, ŋa rai a Behapherge, owo u zaitun,Yeso tuma Atuma a hame a repo. 2 Ma gonŋe, "wanni a ka gwiri ka geme i ŋi ǝtǝji,nan opete u huŋi, ira mura bi kananka ǝ tǝsǝ nan vano me, buzuŋi i rai nanno. 3 Ngase owe buki ŋi iyabo ŋigo Aco ze a barsa me; Ma ra tuma nan éme sassa." 4 A wuna nane da a binja emegeme se ǝbuki ǝ suru a utuma uwa Ədǝshǝri, Zacharia. 5 "Butu u galla u Zion, nǝrǝ ogomo o hoi ogeme a rama a go ŋo shauwo aza vana u bi-kananka." 6 Nze Atuma a hame ŋa wame ŋa tarse emegem se Yeso na buku a ŋe. 7 Nze ŋ ra nan bi-kanaka nan vano me, nze ŋa lusa tommo a teŋe, Yeso nya ma cikǝ ǝnu. 8 Mǝsǝru mano ŋa lusa tommo a teŋara wa pusa tuva ŋa luka u runa. 9 Ano a gemese ŋa gǝtǝ a me ǝji nan ano a maro, ŋa iza ono ura ǝriji ra Aco! Hosana Ədǝshǝri!" 10 Se Yeso wa pete a Jerusalem, Kusuŋ a pema wa burukalu, a gusa "ǝvizi ono u giya me?" 11 Ano me gare ŋa go "Yesu ze ono uja," utuma ǝsuru a Nazaret, u Galili. 12 Yeso wa pete a kura Ədǝshǝri nze ma kore ano u rǝsǝ nan a kwejǝ koŋ. Ma burkali tura tu cuwala iru nan ta ano u rǝsǝ iwũrai. 13 Ma goŋŋe, " A darse, ǝnin tisa ǝtitau a haŋ ara awu nyaka taye, nŋi konzen ŋina waŋara awe ubare uwǝ kǝri u wuza ano." 14 Nze Aru nan ǝguŋ ŋa rawa awe, wuna ŋa wamo. 15 Se ti-priest ti-sassaru nan ano u bezezze makiri ŋa nari imu nyaka iwi egeme se mana wuza, nze a biya iza a melo é koko a kura Ədǝsheri a gusa "Hosana a vana David," nze ŋa kuna maro, 16 ŋa saŋara me, "Una kuna emegeme se Ədǝshǝri a ja, biyǝ mi?" "ä," Yeso goŋ ŋe, "ŋi dawa bara ne, a tinu ta biya nan awu anju ŋa izaiy?" 17 Nze Ma deke ŋe ma waŋa Ape a Baithani Ma ka muru a gemme. 18 Pin-pin nan u cunju Yeso a kuru ǝnyimi ape, Mă ră kuna ekomo. 19 Nan u nǝrǝ ukwafu ă ré kero rũ runa, ma wame ara ome, Ma tă mura iyabo ǝnu ni, se tura base. Ma goŋme, "u tă dă ko yo ne!"Ara a gemme ome wó wǝi. 20 Se Atuma a hame wǝ nari nane, ŋa kuna iwi ŋa go, "ǝwinni zi ukwafu mi wǝ wai sassa nanne?" 21 Yeso tăre, "gaŋgaŋ na buki ŋi, ngase ŋi ze nan u yiya birwa be derte dan nan otore birwa ne, dan emegeme se ana wuna ukwafu uja base enze ŋi nin wna ne, ŋi nin gunan owo uja, shenko, gara udanira, name ze ura wuna me. 22 Nga se ŋi gare, ira mura emegeme se ŋi na saŋara a nyimi taye zale ŋira mura me." 23 Yeso na pete a kura-Ədəshəri, mme a bezezze oŋye, ano a sassaru a ti-priest nan Ano a ŋono a wano ŋa rai a me. Nze ŋa sagare," nan iya gata ze nŋo ra wuza te-gogoro ti-ja? konzen, ǝvizi wa nyai a gata a giya?" 24 Nze Yeso tare, "mmi ra ku saŋara u ŋi iyabo evento. Ngase ŋi taron me, ra buku mi i ŋi nan iya gata ze ra wuza tegogoro ti giya. 25 Ozoro u Yuhana ǝ suru ă ba ze? ǝ suru Ədǝshǝri zi né ono?" Nze ŋa bǝnu a ŋe ǝpun, ŋa o "Ngase woro go, ǝsuru Ədǝshǝri, ma nin sagnara, baka iya ze ŋi dan gare nan me ne?" 26 Ngase e go, 'ǝsuru õno ze' Woro ra kuna iwi iwa no, baka se ano kusun ŋana ita Yuhana utuma uwǝ Ədǝshǝri zi," 27 Nze ŋa gare ŋa goŋ Yeso, "woro, ita runi," nze ma goŋe, "nane ze mmi damǝ buku mi iŋi ni, ne nan iya gata ze mmi ra wuza tegogoro ti giya ne." 28 "ŋi nǝri nnizi? oyo no wa ranu nan abiya a rome a repo. Ma waŋa ono u bura me magoŋme, vana waŋ ka wuza ituma uru;" 29 Nze mago, 'na nyamene,' a za a maro me ma gara ma waŋ. 30 Nze ma waŋ ono o repo me, ma kuri ma buki mi nane me. Ma gare, 'Dada, ra waŋ,' konzen ma tă waŋ ne. 31 ǝ nyimi a biya a repo me, ǝvizi wa wuna emegem se Aco me wara barsa me? Nze ŋa go,"ono u bura me." Nze ma tare ma goŋe, "gaŋgaŋ ze ra biyami iŋi, ono u kasa iru inyaŋa nan awai awu nara anarome ŋara ware u huŋi opete a kura Ədǝshǝri. 32 Yuhana wa rai da ma beze ŋi uru u wuma, ŋi wa ta gara nan me ne, anu kasa iru inyaŋa, nan awai a u nara anarome ŋa gare nan me, taken nane, ă maro me ŋa wata gara ŋa deke macara ŋa gare nan me ne." 33 Kunani uyu gǝmǝrǝ konzen. Awe owe ono -uru titi ti-buri Ma kate uru mi nan Udǝrni, mǝ gǝsi rewo ru- pirku manyi ma iburi i tii timi ǝnyimi, Mǝ piyǝ ugura ri-nyaŋana ǝ nyimi uru mi. Ma nya owe a vale awu uru mi, nze ma waŋa regen ă Mai-nyaŋa. 34 Se u ca tekwoke wa deŋe, nze ma tome arere a hame ă ano a vale a me da ŋa kai Ugadasa. 35 Nze ana vale me ŋa me arere a hame ŋa tari hare ono vento ŋa wö enze ŋa gisi ono vento. 36 Nze am tome aya' rere a ŋe, ageme se a kira awu bura,nze ana vale me kuri ŋa we ŋe nane. 37 Aza amaro me, ma tome vana o home a ŋe, mago né ŋanin ni ubare vano hoŋ? 38 Se ano a vale wa ni vana me, ŋa go a ŋe ǝpuŋ, "ono u wushu umuran giya. Rani a wö me a kai umura o home. 39 Nze ŋa mé me, ŋa vati mi a maro Udarni, ŋa wö me. 40 "Baka nane, ngase ono uru mi rai, iyaze manin wuna nan ana vale agemme?" 41 ŋa tare ŋ go, "Mara ră nan tiyan ti buru ă Asossono a giya," konzen, mara nya a we a vale uru mi, ano agemese ŋanin yiza me ti- gadasa uca te-kwoke. 42 Yeso goŋe, "ŋi wata nǝrǝ a makiri: Rizuwa regeme se ano u piyǝ rizuwa nyamene renze rina cikǝ re wuma a re-regro. Aco ze wawe imi giya, eze kima ă woro ǝji." ̈ 43 baka nane ze nǝ buki iŋi, anin ka tegomo tǝ Ədǝshǝri iŋi, a nya ano ǝpaŋ, anegeme se ŋanin nyaka ribiu ri- wuma. 44 Ono ogeme se ma gara a za rizuwa ri-giya, mara tukuma, ono ogemese ri gara ame, rira warome uga mbini." 45 Se Ti-priest ti-sassaru nan ti-pharisees se te kone ǝgǝmǝrǝ, kuŋa geme so mǝnǝ biyǝ, ŋa gusa mǝrǝ biyǝ mi aza a haŋe ze. 46 Nze ŋa gindri uruna ogeme se ɲanin me me, taken nane, ŋă kuna iwi i-riyǝgǝ răno, baka se ŋa yita me utuma uwǝ Ədǝshǝri zi.