1 Uca ogeme, atuma ā Yeso wa raiy ŋa saŋare me, ŋa go, "əvi zi kira a bare a te gomo tə Ədǝshǝri?" 2 Nze Yeso ma tisa koi kwana ma tura me ā zate a haŋe. 3 Nze mago, "gaŋgaŋ nǝ̄ buki iŋi, ngase ŋi ta waŋaro i cikə uga abiya ā bate-bate ne, ŋi dama a pete a tegomo tǝ Ədǝshǝri ni. 4 Baka nane, zale ano ageme se mǝ duti rete a reme uga vana uja, manze ono u sǝru a te-gomo tǝ-Ədǝshǝri." 5 Konzen, ono ogeme se ma kaiy kwana ku bate, ǝriji ǝroŋ, mana kawon ze. 6 Zale ono ogeme se ma wuna ono vento ǝnyima abiya a ja se ŋana yiya birwa imi, mǝ pikǝru, inin kira me a gapa me ri zuwa ru wari dā i riru ǝ vǝti ǝnyimi udandale." 7 "Imi jaiy ze masano baka ti gogoro te geme se te woze ano ā pikəruzu! Te gogoro te geme tira rā, imi jaiy ze, ono ogeme se te gogoro ti giya tira ra bakan me! 8 Ngase u ware nē u buna o hoi ura wuza o hoi ǝ pikǝkǝru, gware ōme u vati. I kira se ŋo pete nan u ware o vento nē ripuŋ se da a vǝti ura nan tare te repo nē nan atau repo. 9 Ngase riji a re, rira ŋuna o hoi ā pikǝru, zuzi rē me u vati. I kira o pete ā te gomo tǝ Ədǝshǝri se da a vǝtī ǝnyimi ura nan ǝji a hai. 10 ǝrǝ ni, tago owe ma yizu owe ǝnyimi abiya a bate-bate a giya ne. Rā biyǝ mi iŋi, ti maleka teŋe ǝdǝshǝri, ti rǝ nǝrǝ nmwinyu ma Acowo hoŋ ǝnyimǝ ǝdǝshǝri kuyǝ tiyə. 11 Baka vana ono wa rai dā ma kase ano ageme se ŋana wuru. 12 Iyaze ŋi rā gose me? ngase ono ze nan itan rinu, nze be vento bi wuri, ma tan deke akuru toroi nan toroi ōwō, ma waŋa ginǝrǝ begeme se bina wuri ni? 13 Nga se ma mura be me, gaŋgaŋ, nǝ buki iŋi, maze nan u runtu birwa gaŋka aza a kuru toroiy nan toroiy egeme se idan wuri ni. 14 Nane me ze Aco u huŋi ogomese mǝrǝ nyimi ǝdǝsheri ma dama barsa owe ǝnyima abiya ja, abate-bate ma wuri ni. 15 Ngase oyeno ye dangalo a ŋo, waŋ ka buku ame macara mame nŋi e repo. Ngase ma kunai, u nā kursu u wanoye u runa. 16 Ngase ma ta kunai ne, wame nan ono vento nē an ka repo, nlen man ka repo nē man ka taro mana tore. 17 Ngase ma nyamene u kuna o hoŋe, u wannan me a kura Ədǝshǝri. Ngase ma nyame u kuna ano a kura Ədǝshǝri, ita mini ono u pəŋ nē ono u kasa iru in nyaŋa." 18 "Gaŋgaŋ nā buki ŋi, eme geme se ŋi tǝsi ā masano, nane ze ǝrǝ tǝsǝ mi ǝnyimǝ ǝdǝshǝri, eme geme se ŋi buzi ā masano, nane ze ǝrǝ buzu mi ǝnyimi ǝdǝshǝri. 19 Konzen, an buki iŋi, ngase an ka repo ŋa gare aza iyi yabo se ŋara ginǝrǝ mi ā masano, Acowo hoŋ ogome se mǝrǝ nyimǝ ǝdǝshǝri mara wuna o hoŋe me. 20 Ara ageme se an ka repo nē an ka taro ŋana gurna ǝnyimi riji aroŋ, min ra azate a haŋǝ." 21 Nze Peter ma rawa Yeso ma saŋare, "Aco, ka nyano ze u wanoŋ nin worko imi ze in wuna me ogwene? ka sunare? 22 Yeso tare ma gomme, " dan ia sunare base ne, se a kuru sunare ka sunare. 23 Baka nan nane, te gomo tǝ ǝdǝshǝri te ze uga becō be geme se birā barsa u rū umurome ā tare ta arere. 24 Se mā me abaro me, nze ara me nan ono geme se marā tarse o home u duru uwi iru, ti gū bi turu. 25 Se ma tā date ma nuzi u duru mi ni, nze Aca-kura me go, ǝ̄ rǝsi mi a gura uwaiyo me nan abiya ahame, nan zale eme geme se maze nan no da anuzi uduru mi. 26 Orere me mǝ gurwǝnǝ ame ǝtǝji, ma gomme, rusu birwā be nan mi, rā nuzi ohoi uduru ohoŋ zale. 27 Aca-kura a orere me ma kuna ijaiye me, ma sope me, ma deke me iru mi. 28 Se orere me suri ā ŋana nze ma gurwənǝ nan ono ogome se ma tarse me uduru iru rinu, nze ma gara me, ma shesheke me iriru, ma gomme kursun iru ehoŋ. 29 Orene o re-rera reme mǝ gurwǝnǝ ame ǝtǝji, ma vale, mago; rusu birwa be nan mi, rā nuzi uduru ohoi. 30 Nze ma nyamene ma ka ŋuna me i nyaŋ, ma gomme se nŋo nā nuzi uduru ohoŋ. 31 Se arene o rere me nǝri eme geme se mana wuza, Nze iruwa eheŋe caro. Enze ŋa raiy ŋa buki ā be Co a beŋe zale eme geme se ana wuza. 32 Enze be Cō be orere ogomme tisa me, Nze ma gomme, 'nŋo orere u buru, nā nuzī zale uduru ogeme se min tarse baka se nŋo nā riwa izama. 33 Nŋo tinin wuna orene o hoi ogwene, uga name se in wa wunai ogwene ne?' 34 BeCo a beme, bā kuna u caro me enze ma nyaka ǝtǝri mi se mana nyaka zale eme geme se a tarse me. 35 Nane ze Aco ohon ogome se marǝ ǝdǝshǝri mara ŋuna me nan ŋi, ngase ŋi tǝ kuŋku macara ma ano wanome ǝhǝŋi iŋi iruwa ne."