1 Se Yeso wa mase u biyǝn nlen Mageme, Ma deke Galili nʒe ma wame a nyaŋa mă Judia ulu u Jodan. 2 Riyǝgǝ ra ano ră tarso me, konzen ma wũna ano mkwe-kwene ŋa wamo, agemme. 3 Ada ŋara ti-Pharasees ŋa rawa ame da ŋa kunuza me. ŋă saŋara, "ezi kima ono sope uwai o home a za iyi yabo?" 4 Nze Ma tare, "ŋi wata bara ne, u bura me, ono u ruza massano Mă ruza onorome nan uwai?" 5 Mako-mago, "baka nane, ono deke Aco nan Ayinu ŋa gurna ŋa cikǝ evento?" 6 Baka nane ŋa tă da an karpo ne, ŋana cikə ripuŋ re vento, a za nane emegeme se Ədǝshəri na gura tago owe ware ne." 7 ŋa saŋara ŋa go, "Baka iyaze, musa wa nyaka Makiri, Mago, ngase ono ră wara anya ma darse me ere iwu wara anya, ma sope me?" 8 Yeso gonŋe, "Baka udira u kuna anu u huŋi, u bura me dan nane waze ne. 9 Mmi, na gunan ŋi, ono ogemese ma kura u waiyo home, ngase dan macara ma rijama ne, Nze ma ita uyu wai mara rijama nan ono ogemese mana ita me." 10 Nze Atuma me goŋme "ngase nane ze imamme ze a zate Acakura nan uwai o home, u dira wuza anya kira ă reze," 11 Yeso tare, Magoŋe, "dan kwavi zi nin gara nan nlen magiya ne, se anageme se Ədǝshǝri na gare ŋe me. 12 Awe ranu, ae ă yoŋe Əsǝri, Awe ă wuna ŋe nane, Awe konzen ŋa ranu ŋa zake ŋa cikǝ uga ǝsǝri baka te-gomo ta Ədǝshǝri. Ono ogeme se ma nin ka nlen magiya ma kai." 13 Nze ano wa raiy nan abiya a bate-bate ă Yeso dă ma tare-ŋǝ tăre, ma nya- ŋe taye. Nze Atuma me jar-me ă ŋe. 14 Yeso goŋe, "deke ni abiya me ă ŋa rawe mi, tago i tuna i tuna ŋe ne, baka tigomo tǝ Ədǝhǝri ti i-sana e heŋe ze." 15 Se ma mäse u tara tare ă ŋe nze ma dura emeheme. 16 Oyono wa rawa Yeso, ma saŋare me, "ono bezezze, iyaze nin wuna dan mura ruma ri-suŋ?" 17 Nze Yeso tare, mago "baka iyaze ŋo saŋaron iya ze i wuma," "ono vento ze ono u wuma. Ngase ŋo ra barsa ruma ri-suŋ, tarse makiri mammi." 18 Nze ma saŋara, 'mayu?' Nze Yeso tare, mago "tago owó owe ne, tago u wuza rijama ne, tago u wuza rikǝri ni, tago u tarse amaro npore ne, 19 nya Acoye nan ǝyiyi u bare o hoŋe, konzen barsa ono u lakoye uga re-tăre." 20 Nze ono maŋina me go, "zale imi giya na wuna, iyaze nǝ ruku?" 21 Yeso tare, magomme, "Ngase ŋo rä nara u cikǝ kima, waŋ, ka rǝsə u mura o hoy, u ware ano tiyaŋ me, nze u nin mura u mura Ədǝshǝri bata u raiy u tarsoŋ." 22 Se ono maŋina me kuna nane, nze ma ŋana nan u cara apuru, bakase maze ana u mura cebete. 23 Nze Yeso go nan Atuma a hamme, "gaŋgaŋ ze na buki ŋi, degete ze ono u mura nin pete a tegomo ta Ədǝshǝri. 24 Na buki ŋi, i nin ze sauwu bi-rankóme bi- pete a rewo ri-alibira, dă ono u mura o pete ă tegomo ta Ədeshǝri." 25 Se Atuma a hame ŋa kuna nane, nze ŋa kuna iwi gaŋka, ŋa sagnare me "avi zi nin mura rekese?" 26 Yeso nari ŋi nze mago, "Ono imi-giya tan wuna ne, o goma Ədǝshǝri, kuyya i wu wuna ze." 27 Peter tare, "woro na deke kuyiya i tarse, Iya ze woro nin mura?" 28 Yeso goŋe "Na buki iŋi gaŋgaŋ, ngase u ca u mamara kuyiya deŋe, u ca ogeme se vana ono ma cikǝ ǝ ridiran re to-gomo, nŋi ano a geme se ŋi na tarson ŋi nin cikǝ ǝdiran rikuri, a biyǝn nlen a za eboze rikuri ri Israila." 29 Konzen ono ogeme se mana deke a itau, né ano wanome, né Aco me, né ǝyimi, né tiru bakan mi, mara mura ti puru rinu(rikiri bituru) konzen ma nin mura ruma ri suŋ. 30 Konzen, ano u bura, cebete ŋara kuru a tă maro, ana maro cebete ŋanén kuru Ətǝji.