Udaraŋa u 17

1 Amaro ti muru tase, Yeso mā yete Peter, Jamis nan Yuhana u wanome Jamis, nze ma waŋ nan ŋe aza owo, tenteŋe. 2 A regemme ze ti yinkǝnǝnǝ a teme ti waŋaro ā ŋe ǝji. Mmwinyu amame ma balamo sansan uga oŋmwe, tommo a teme ti cikǝ pǝu-pǝu. 3 Uca ogomme ze Moses nan Ilisha ŋa yonko a ŋe, ə̄ bənu nan Yeso. 4 Nze Peter goŋ Yeso, "Aco, eze kima se woro ra rigiya. Ngase ŋo gare, rā citi ti gura ti taro a rigiya-oiy o hoi, oiy u Moses, oiy konzn u Elija". 5 Se ma dā bənu, enze te tewero ti sansan ti pate ŋe, enze remelo ri suri ā tewero teme, re go, "0no uja manze Vana o hoŋ ogeme se in barse, birwa bi runtun nan me gaŋka, kuna mini." 6 Se atuma hame ŋa kuna nane, uca ogomme enze ŋa kupǝnǝ nan ti puru ā nyaŋa baka okerkene. 7 Baka nane, enze Yeso rai ma dupa ŋe, mago, "yira ni, tago ŋi kerkene ne." 8 Se ŋa iza ǝji, ŋa tǝ nərǝ owe ken nan Yeso ne. 9 Nŋe ā tunu aza owo me, nze Yeso wuŋki ŋi tetoŋe, mago, "tago ŋi buki owe eme geme se ŋi nǝ nǝrǝ ni, se ana iza vana ono u wǝnǝ. 10 Atuma ahame ŋa saŋare me, ŋa go, " baka iya ze ano obezezze makiri ŋa go, se Ilijam na bura u ra?" 11 Enze Yeso tare ma go, "dā ŋi ru kima, Elija ra rā, konzen marā mammara te gogoro zale. 12 Nā buki ŋi, Elija wa raiy, konzen ŋa wata ru mi ni, konzen ŋa wa wuza me eme geme se ŋa wa barse. Ū runa ogome ze vana ono sǝ shǝ kpai, ā tare a teŋe. 13 Ara agemme ze a tuma a hame ŋa rū se marā bǝnu nan ŋe aza Yuhana ono zoro ze. 14 Se ŋā raiy ara ri yǝgǝ reme, nze owe ka mura Yeso mǝ gurwǝnǝ ā me ǝ̄tǝji. 15 Mago, "Aco, ŋuna vana o hoŋ o gwene, mazen opepere, marā kuna ripun gaŋka, ma basa ma gara ūra nē ā mǝnyi. 16 Nā ra nan me, atuma ahaiy dan date ŋa wamo me ne." 17 Nze Yeso gare, mago, "ka kama, rimiza ri u dira u yiya birwa nan birwa bi gbau, "ā ka iyu ca ze minin cikǝ nan ŋi? Ā kā iyu ca ze minin mutana nan ŋi? Rawonni nan vana me ā rigiya. 18 Nze Yezo jarame ū vunu ɔbɔ me, nze ōme uwǝ suri ā vana me, mawa wamo. 19 Atuma a hame rawa me ā rekero nze ŋa saŋare me, ŋa go, "baka iya ze woro wa tā date i zuzi ni?" 20 Nze Yeso tare, "baka se ŋi zinan u yiya birwa be ceteke, gaŋgaŋ nā buki ŋi, tā go ŋi zinan u yiya birwa bi bate uga bewo bi mustad, ŋi ta gonan ɔwɔ uja, shonko ā rigiya ǝ kǝnnǝ, urā shonko, iyabo damā gamene nan ŋi. 21 Isani giya, se nan u pǝtǝ nu nan be remmo. 22 Uca ogomme se ŋa raiy ara vento ā Galilee, enze Yeso goŋ ŋe, "arā nyaka vanono a tare ta ano, 23 ŋa rā wuna ome konzen ǝtiyǝ awu taro ara yiza ome," konzen atuma ahame wa binja nan iruwa e bo. 24 Yeso nan atuma ahame ŋa deŋe a kaparnahum, ano u kasa iru iwa kura Ədəshəri ŋa raiy ŋa saŋare Peter ŋa go, "mme ono bezezze u huŋi ma tā ŋiza iru iwa kura Ədǝshəri mi ni? 25 Peter tare mago, " ā, ma ŋiza," Se peter wǝ kuri ǝtitǝu mi, Yeso wa bura u bǝnu, ma saŋare mago, "ā dodonzo a haiy Simon, ǝ suru əvi zi agomo ā masano ma giya ŋa kase iru in nyaŋa; ǝ suru a biya a haŋe nē awe?" 26 Nze Peter gonme, "ǝsuru āwe," nze Yeso gonme, "nze konzen abiya a haŋe ŋa tā ŋiza ne". 27 Taken nane, a care ŋǝ iruwa ne, waŋ udanira u ka vati orenge, bi ginu be geme se u bura ome me; pǝni ǝnu mi, urā mura te kobo ti naze, ita waŋ ka nyaŋe, e hoŋ nan e he".