1 Ti Pharisees nan ti Saducees ŋā rawa Yeso nan rikunuŋa da ma beze ŋe uyu runa ā suru ǝdashǝri. 2 Yeso tare, "ngase u wǝru wuna, ŋi go, 'ngase ara wuna jete, a nin wuna wǝŋ', 3 Nan ū cunju, ngase ŋi nǝri ara nā ŋuna jete, a gura ara, ŋi rā guna, tewero ti rā gurna kane, ŋi date ŋi ru u ziya uwā ra, bata ŋi tǝ rū uruna uwuca ne. 4 Anā ra ǝ puru nan ri jama, rimiza rū ginǝrǝ uruna, bata a damā beze u huŋi uyu runa ken nan u Jonah ne," nze Yeso deke ŋe ma dura. 5 Se ŋa pǝri u danira, atuma ā Yeso ŋā wǝpi u yita riborode. "wuza ni shauwo, 6 Yeso goŋŋe, pǝpǝi ni nan yeast u ti pharisees nan ti saducees," 7 Nze ŋa pǝnǝnu, nan ate a haŋe ŋa go," idan manti re borode ne. 8 Nan u ruwe geme se ŋa rā biyǝ mi, Yeso saŋare ŋe, "nŋi ano ū dira u yiya birwa, baka iyaze ŋi ra bǝnu nan ate ǝ hǝŋi aza u mǝntǝ ri borode? 9 Ŋi na wǝpi? ŋi dan dunza a borode shibi, aza ono ti gū shibi, konzen nan te pozo ti nyano tenze ŋi wa kanke? 10 Nē ti borode sunare aza ano ti gū ti naze, konzen nan ti pozo ti nyano tenze ŋi wa kaŋke? 11 A wunan nizi ŋi tā ru se dan aza borode ze min tirǝ biyǝ mini nan iginu? Taken nane, i pǝpǝi ni aza yeast u ti saducees. 12 Bata ze ŋa dunza se ma ti tā rā bǝnu ā ŋe da ŋa pǝpǝi aza yeast ogeme se a wuza ā borode ne, se aza obezezze u ti pharisees nan ti saducees. 13 Se Yeso wa rai an nyaŋa ma Caesarea Philipi, ma saŋare atuma a hame, "ǝvi zi ano rā gusa vana ono ze?" 14 Nze ŋa go, "awe go Yuhana ono zoro; awe go Ilijah; taken nane, awe go, Jeremiah nē owe ǝnyimā tuma awa Ədǝshǝri," 15 Ma saŋare, nŋi na, nŋi rā gusan mi avi zi"? 16 Nze Simon se a gusamme peter ma tare, mago, ŋo ze ono u kasa,Vana Ədǝshǝri, ono ruma." 17 Nze Yeso tare, mago, "taye tira aza a hai, Simon, vana Jonah, dan ripun nan mǝnyi ze nā beze ija ne, se Aco o hoŋ se mara ǝnyimi ǝdǝshǝri. 18 Nā buku ā ŋo, ŋo ze Peter, konzen aza ɔpɔɔ u giya ze rə piyə a kura ā haŋ, ageme se ti rəkəi ti Hades ti tan kira a gata a hame ne. 19 Rā nya o hoi imu pǝni ti rǝkǝi te tegomo tǝ ǝdǝshǝri, zale eme geme se ŋi tǝsi ā masano, ǝrǝ tǝsi ā masano, ǝrǝ tǝsǝ mi ǝnyimǝ ǝdǝshǝri, zale eme geme se ŋi buzi ā masano nane ze arā buzu mi ǝnyimǝ ǝdǝshǝri." 20 Nze ma wunki atuma a hame te toŋe, tago ŋa buki ōwe se manze unu kasa ne. 21 Əsuru ūca ogome ā kǝ ǝji, Yeso mē obezezze a tumā hame se marā wame ā Jeruselem konzen marā kə shə kpai ā tare ta ana ŋono, Icō i ti Priest nan ano obezezze makiri, konzen she ana wuna me, etiyə awu taro, arā iza ome nan ruma. 22 Peter wunki mi ā rekero, nze mə gatā jarama ā me. Mago, "Tago ne, Aco! Igiya tan murai ne!" 23 Nze Yezo waŋaro ma go nan Peter, "kuru a maro ā haŋ, shitan! Nŋo ri zuwa ri upikǝru renze ī mi; nŋo damen adodonzo ǝwǝ Ədəshəri ā ŋo a birwa ne, se adodonzo awano." 24 Nze Yeso goŋ atumā hame, "ono ogeme se marā barsa u cikə utuma o hoŋ, se manā nyamene rete areme mǝ zaki u titi u gapa o home ma tarson. 25 Zale ono ubarsa rumā reme, marā dira me, ono ogeme se ma dira rumā reme bakam mi, mara mura me. 26 Iya ze kira i wuma nga se ono mura masano maja zale bata ma dere ruma reme? 27 Baka vana ono mara rā nan ubare uwa Cowo me nan ti maleka, konzen ma sā ra ma nya kǝvi emegeme se eze e heme baka ri wuzā reme. 28 "Gaŋgaŋ nā buki ŋi, awe ono ageme se ŋara tore ā rigiya ŋa damā wǝnǝ bata ŋa nǝri vana ono ā rawa ǝnyimi te gomo ateme ne."