1 NZe awe ti pharasees nan ano u bezeze makiri ǝ suru a jeruselem ŋawa raye a Yeso ŋa saŋare me, ŋa go." 2 Baka iyaze ano u tarse o hoye ŋana pura ri wuza ri noŋono? Bakase ŋa ta zoro tare ateyǝ bata ŋa wushi imuwushu ni." 3 Yeso tare, baka iyaze nyi na pura makiri ma ǝdǝshǝri,baka ri wuza ri nyi. 4 Baka ǝdǝshǝri wago, 'nya Acho nan Ayiyi ri-bare re-rege, konzen, zale ono ogeme se ma tinza Acho nee ǝyimi ara wunome. 5 Baka ngase nyi go zale emegeme se ono na itame a biruwa se itaze iwu mala Acho me nee ǝyimi ni 'unyaka reye ze ǝdǝshǝri,"' Ita ze iwu nyaka ri-bare a cho nee ǝyinu nan 6 none? Baka nane ze nyi na dutu nlen ma ǝdǝshǝri baka riwuza ri-rinyï 7 Nyi asosono! Gangan ze Isaiah mǝ buki aza ǝ hǝnyi. 8 Ano aja ŋa issizan nan tinu tenze base, bata iruwa i hinyi eze geten nan mi? 9 Zale u gurwǝnǝ oohonye imi, lalawaye ze, obezezze ohonye uwanoze. Yeso wa tisa riyǝgǝ rano rame a me nze mago,"kuna ni da nyi ru" Egeme se e pete ono ǝnu dan ǝnze chare me ne, se emegeme se i suri ono ǝnu enze chare me. 10 Yeso wa tisa riyǝgǝ rano rame a me nze mago, "kuna ni da nyi ru" 11 Egeme se epete ono ǝnu dan enze care me ne, se egeme se i suri ono ǝnu enze care me. 12 Nze Atuma a hame ŋa raye ŋa saŋare me ŋa go "ŋo ru se ti pharasees ŋa kuna u charo me nan nlen majame?" 13 Nze ma gare mago,"kweren emegeme se ana gita se dan Acho o hong ogeme se mǝrǝ ǝdǝshǝri ze na gita ne, ǝrǝ rupu mi. 14 Deke nye,ǝrǝ zi ano u wunku ohonye. Ngase uru zi a wunku uru, zale ohonye ŋara rizi a rewo" 15 Nze Peter go,"bezo do u gǝmǝrǝ u ja" 16 Nze Yeso gon nye taken nane, nyi zini dan u dira uru?" 17 Nyi tǝ nǝrǝ ni, zale emegeme se ina pete ǝnu, ira pete ǝnyimǝ puru konzen ira kuru u suru ǝ ripun? 18 Bakase emegeme se i suri a ono ǝnu i suri a biruwa ze, konzen enze i charo ono. 19 Bakase ǝnyimi biruwa benze tigogoro ti charon ti susi,uga u wuza ano, nan rijama, uginǝrǝ a waye,rikǝri, ubiyǝn mpore nan u chara riji. 20 Ija ze chare ono, dan u wushu imuwushu nan tare ti madini tenze ti chare ono ne" u yiya biruwa bu waye Kananait. 21 Yeso wa deke ara ageme, ma wame aŋŋyaŋ ma taya nan Sidom. 22 Uwaye Kananait a suru aŋayaŋa mame wa raye a me, ma iza remelo izama mago," wunan ogwene Acho, vana Dauda, ugalla ohong mazen u vunu uburu konzen mara kuna kwaye ganka" 23 Yeso go wet ,mǝtǝ bukǝnu ni. Nze Atuma a hame raye ŋa gomme, "kura me, bakase mara agata u tarse ohodo nan bekoko" 24 Ma tare mago, atuma,"baka itang egeme se iwa wuri i Israila base. 25 Nze uwaye me raye ma gurwǝnǝ a me, mago,"Acho,malon" 26 Nze ma tare mago," ita ze kima a ita imuwushu iwa biya a nya iwashe ne. 27 Aa nane ze Acho,"mago,"imuwushu egeme se igari a nyaŋa iwashe i wushi" 28 Nze Yeso gong uwaye me, uwaye onze uyiya biruwa bi wuma, ana ka avaleye' ucha me ugalla me wa wamo. 29 Yeso wa deke ara ageme, nze ma tarse bi kǝnzǝn bi udandale manyi mǝ Galili, nze ma nya aza owo mǝ cikǝ. 30 Ano chebete wa raye ame, rasa nan ǝgun,aru, a lakere nan adaŋara chebete, nze ma iya nye a me ǝji nze ma wuna nye ŋa wamo. 31 Ano wa kuna iwi se ŋǝ nǝrǝ a lakere ǝbǝnu,akoto wa wamo,ǝgun ŋa ŋana tano konzen, aru ǝ nǝrǝ ara.Nze ŋa tuŋara ǝdǝshǝri a Israila. 32 Yeso tisa Atuma a hame, mago, ra kuna ijaye iwa no aja,timuru ti taro mmi nan nyie ŋa dan wushi iyabo ne. Indama barsa ŋa ŋana nan ekomo ne, tago ŋa yi uruna ne. 33 Nze Atuma a hame ŋa gomme, "Aba ze ara mura imuwushu nyimi igawo ija da nya riyǝgǝ mi? 34 Yeso saŋare nye mago,"agoro ti borode ti nyano tenze nyi zinanno? ŋa gomme ,sunare nan iginu bate." 35 Nze magon riyǝgǝ rano reme ǝŋǝ cikǝ a nyaŋa. 36 Nze ma ita ti borode sunare nan iginu mi, se magon ǝdǝshǝri kukwan , nze ma pose, ma nya Atuma a hame ŋa ware anome. 37 Ano me zale ŋa wushi ŋa seke. Amaro me, Atuma me ŋa woro udaŋara iwi imuwushu mi a binja a te-pozo sunare. 38 Ano agemese ŋǝ wushu ŋaze ana-rome ti gu ti naze, ken nan a waye nan abiya. 39 Amaro u saramano me, nze Yeso pete a kongo u manyi ma wame annyaŋa magadan.