Udaraŋa u 14

1 Ucha ogomo Hirudus beco, ma kone Iyabo aza Yeso. 2 Nze mago ano ituma eheme, "ono uja ze Yuhana ono zoro se ma yere ǝnyimi ano nyana enze na wuna se agata awu tegogoro tegemese ǝdǝwǝ nǝrǝ ni tira nyimi ahame 3 Hirudus wa meme mǝ tǝsi ma wuname inyan baka Hirudus uwaye u wanome Filibus. 4 Baka Yuhanna gusamme "makiri manze da ŋo cikǝ nan me" 5 Hirudus wara nara wuna Yuhanna , nze ma ra kuna iwi no, bakase ŋa yita Yuhanna utuma uwa ǝdǝshǝri zi 6 Atiyǝ awu dunza oyo Hirudus uwa donye nze ugalla Himdia ma gari irina kima ǝnyimi riyǝgǝ ra gen, nze irunti Hirudus biruwa ganka. 7 Nze ma ita a biruwa, nze matono mago, ra nya ohome zale emegemese ma saŋara 8 Nze ǝyimi go, gomme "a nyan rete ri Yuhanna ono zoro ǝ nyimi okero, wagiya wagiya" 9 Nze biruwa be ogomo bi burkalu,baka otono ohome ǝji awa gen, ma mawe a wuna emegeme se ugalla me wa saŋara 10 Nze ma we aka gware rete ri Yuhanna i nyan. 11 A ra nan rete reme okero a nya ugalla me, bata maka nya ǝyimi. 12 Atuma a Yuhanna raye ŋa zaki ripuŋa reme ŋa ka wasa. Nze ŋa wan ŋa ka buki a yeso 13 Se Yeso wa kuna emegeme se ana wuza, nze Yeso yere ma ka pete o kongo mǝ kǝ cikǝ tenteme. Nan u kuna nane, riyǝgǝ rano ri tarse me nan atau a suru a tipepe. 14 Se Yeso wa denye nze ma nǝri riyǝgǝ rano chebete,ma kone ijaye ehenye nze ma wuna ano ageme se ŋadame gayan ne ǝnyimi a hanye ŋa wamo 15 Nan u wǝru, Atuma a hame wa rawa a me nze ŋa go arigiya rekero renze konzen u waru ugiya a wuna. Baka nane gon ano me a ŋa ŋana a tigwiri ŋa ka kwa ate a hanye imuwushu. 16 Yeso tere ,"dan se ŋana ŋana ne. Nnyi, nyani imuwushu" 17 Nze ŋa tare ŋa go, se agoro teborode shibi nan iginu e repo enze i ze nanno a rigiya. 18 Nze magon nye rani nano a rigiya. 19 Nze ma wuna nye ŋa cikǝ aza omo nze ma ita agoro a borode shibi nan iginu e repo, ma iza rete ǝdǝshǝri, nze ma gon ǝdǝshǝri,kukwan, bata ma pose agoro borode me. Nze ma nye Atuma a hame, Atuma a hame ŋa warse ano me. 20 Kweren o honye ŋa wushu ŋa seke, nze ŋa kanke udaŋara me, a binja a tepozo rikuri se iwa ruku. 21 Ano ageme se ŋawa wushu ŋaze uga tigu shibi ken nan awaye nan abiya. 22 Yeso wa we Atuma a hame ŋa pete okongo manyi sasa da ŋa ware me ŋa pǝri u'lu da maka sarme riyǝgǝ rimi. 23 Amaro awu sarma ano me nze ma nya aza owo,mme tenteme, da mǝbǝnu nan ǝdǝshǝri, uwǝru zene owe, mme tenteme. 24 Ucha ogome, okongo wana yoo aza udandale, ekon manyi wara gumarozo o honye. 25 Ara kazu sana, Yeso wa waŋa nye, mme a tano aza udandale manyi. 26 Se Atuma a hame nari mi a tano aza manyi nze ŋa kerkene, ŋa go uwǝwǝru zi nye ŋa gati ekoko, baka iwi. 27 Nze Yeso ma chonno mǝbuki a nye mago, mutana ni, tago i kuna iwi ni mmi zi 28 Peter tare, Acho ngase nŋo ze,gunan mi an raye a ŋo aza manyi mami. 29 Ma gomme, "ra" nze Peter matu o kongo manyi mami,mame tano aza manyi a waŋa Yeso. 30 Se mǝ nǝri uvunu,nze ma wuri bekoko"Acho malon" 31 Nze Yeso wǝ witi u ware o home sasa,nze ma meme,"Ngo, ono u yi ugiya-biruwa" baka iya ze ŋo na yi uyiya biruwa? 32 Nan opete o honye okongo manyi,uvunu mi wa tore. 33 Ano ageme se ŋara okongo manyi mami nye ŋago,"gangang nŋo ze vana uwǝ ǝdǝshǝri." 34 Se ŋa pǝri nze ŋa tu a nyaŋa ma janisarata. 35 Ano agemese ŋa waru Yeso Ape me, nze ŋa tome a te-pee-pee tin nyaŋa tenye, Ano konzen ŋawa raye nan ano makwenekwene a me. 36 Nze ŋa rewe izama, ŋago, deke ano makwenekwene a ŋa dupa bi kǝnzǝn bi tummo a teme, zale ano ageme se ŋa dupa ŋa wamo.