Udaraŋa u 13

1 Atiyǝ agemme Yeso wa suri atitau ma wame ma ka cikǝ a bikǝnzǝn bi udandale manyi . 2 Riyǝgǝ rano ŋa gurna ame, nze ma pete ǝnyimi okongo u mǝnyi ma cikǝ. Riyǝgǝ rano me a tore a bikǝnzǝn bi udandale. 3 Nze mabinyi tigogoro chebete nan ǝgǝmǝrǝkun, mago, una vara ma wame a gware isana. 4 se mara sara isana me, ee wa kunku u runa, eze itdi raye e tenke. 5 Ee wa kunku ara awa zuwa, aregem se nnyaŋa mata kerne anu ni. Iwa tozo sasa, baka udiran nyaŋa mame. 6 Se oŋnwe wa suri otere eme,nze eme maŋalana , baka se iwa damen siji ni. 7 Ee, isana me iwa kunku ǝnyimi ikana, e yere eshene nye. 8 Taken nane ee wa kunku anyaŋa ma wuma. Iwa togo I barse nzee wǝ ,ewo iwa wuna ate, ee ewo akuru taro, ee ewo ǝkuru tase, ee ewo rinu. 9 Ono ogeme se mazen tetonye a ma kone" 10 Nze atuma a hame wara ŋa saŋara me,"baka iyaze ŋo ra banunan ano me nan ǝgǝmǝrǝkun?" 11 Nze ma tare, bakase awanyi uru bira bi tegomo tǝ ǝdǝshǝri, nze awa ta nye ni. 12 Ono ogeme se maze nan no, ara vati ohome me ǝnu, iwuna chebete.Ono ogeme se madamen no ne, kumegeme se mazenno ara kame a me. 13 Emegeme se ewe serǝ bǝnun nye nan ugǝmǝrǝ enze,"ŋanin nii, ŋatin nǝrǝ ni, ŋanin kunuza, konzen ŋatin ruu ni. 14 Aza a hanye ze a binja emegeme se awa buki ǝnu utuma, Ishaya,"ŋanin kunuza ŋatan ru ni, ŋanin nii,ŋatin ruuni." 15 Bakase iruwa e henye na ŋuna kankafo, ŋana pate ǝji a hanye. Nga dan nane ne ŋata nii nan ǝji ahanye ŋa kuna nan tetonye te tenye zǝ ruu nan iruwa ehenye ŋa waŋaro, enze I wuna nye ŋa wamo. 16 Taye tira ǝji ǝhǝnyi baka se ti ji ǝ tinyi tira nǝrǝ mi,konzen nan tetonye ǝtinyi tira kunuza me. 17 Ganganze ze a bukinyi, Atuma nan ano u wuza tegogoro ti wuma ŋa barse ŋa nǝri emegeme se nyina ni, konzen ŋata nii ni, da ŋa kone emegeme se nyi na kuna, ŋata kuna ne. ̈ 18 Kuna ni, ǝgǝmǝrǝkun awono u gware isana ze. 19 Ngase ono kone nlen aza tegomo tǝ ǝdǝshǝri nze mǝtǝ ruu ni,ono uburu rara ma kwakale emegeme se a bira a me abirwa. Ija enze isana egeme se iwa kunku aza uruna. 20 Egeme se iwa kunku ara zuwa enze garere nan ono ogeme se ŋa ma kone nlen ma ǝdǝshǝri, ma kaye nan biruwa bi run. 21 Bakase madamen ritunu ni, ma ta dakano ne. Ngase iyabo yere ikwaye aza nlen mame mǝgǝlǝku. 22 Isana egeme se iwa kunku a nyimi ikana eze garere nan ono ogemese ma kone nlen mame,konzen u barsa tigogoro nan u mura u masano ti raye ti shene nlen mame, mǝtǝ cikǝ ma wuma ne. 23 Isana egeme se a gware an nyaŋa ma wuma, eze garere nan onogeme se ma kone nlen mame konzen ma ruu mame. Ono u giya manze ma yoo ewo, ee, ewo rinu, ee ewo akuru tase, ee ewo akuru taro aza egeme se a bira ugǝmǝrǝ nlen aza semo. 24 Ayǝ ' gǝmǝrǝkun se Yeso wa buki a nye: tigomo tǝ ǝdǝshǝri teze uga ono ogeme se ma gware isana i wuma ame uru. 25 Se ko ǝvi waran ro, ono u nyamene ohome ma raye ma bere omo ǝnyimi alkama,nze ma dura. 26 Se alkama me wa tozo, konzen ewe ate, enze omo mee suri. 27 Arere awa chakura me ŋa rawa me,ŋa gon me,achakura, dan isana i wuma ze a gware a ŋo u ru ni? Abaze omo uja ka suru? 28 Nze ma tare,"ono unyamene ara ze na wuna nane" Arere saŋare me, ura barsa i ka ruu?̈ 29 Mago, oo ngase i ruyi omo me, ŋi nin gura nan alkama me. 30 Deke a ŋa bare ara vento a kaa tekoke.Ucha ogeme, ra buku mi a no tekoke teme; Bura woro omo me, ǝtǝsi apa-apa me ǝ pusi: Woro alkama me, a ranno a iya a ribiŋa: ǝgǝmǝrǝkun aza isana mustard nan yeast. 31 Ayǝ gǝmǝrǝkun se Yeso wa buku a nye mago,"Tegomo tǝ ǝdǝshǝri teze uga isana i mustard, se oyono wa wan ma ka gita u ru. 32 Isana igiya masanman i batebate ze, nze nane ngase a bira, i bare ira kira kuyu utiti ǝnyimi uru, ma pǝni a biya, itidi pi tidu anu. 33 Ma kuri ma buki aya ǝgǝmǝrǝkun a nye mago,"tegomo tǝ ǝdǝshǝri teze uga yeast nan nbini ma alkama, edenden,enso ma taro [LB] nze ma sakale yeast mi pete zale. 34 Eso wa buki i giya zale ǝ riyǝgǝ nan ǝgǝmǝrǝkun, mǝtǝ buki iyabo a nye ne, dan nan ugǝmǝrǝ mi ni. 35 Igiya da a binja emegeme se utuma uwǝ ǝdǝshǝri wa buki,"Ra bǝnu nan ǝgǝmǝrǝkun. Ra buku emegeme se ira pate ǝ suru u ruza masano. 36 Yeso wa deke riyǝgǝ reme, ma pete ǝnyimǝ ǝtitau. Atuma a hame wa raye a me ŋago," buku a woro ǝgǝmǝrǝkun a omo u ni" 37 Enze Yeso tare ,"ono ogeme se ma gware isana iwuma manze vana ono. 38 Uru mi onze masano, isana ii wuma me enze abiya awa ǝdǝshǝri. Ono me onze abiya awono u chara-ra. 39 Konzen ono u nyamene ara, ono ogeme se magita omo me,manze shitan. Tekoke teme tenze u maso masano, ano tekoke teme ŋanze atuma ǝdǝshǝri. 40 Nane se ana rupu omo me ǝ dishi ura, nane ze ira cikǝ u maso masano. 41 Vano ono ra tuma atuma a hame,ŋara zuzu zale emegeme se e woze, nan zale ana geme se ŋa woze machara a tegomo a teme. 42 Ara vati ohonye ǝnyimi ura, ara a se riwa nan u runza tiini. 43 Enze ano sibiu si wuma ŋara cikǝ san san uga oŋnwe a tegomo ta chowo ohonye.Ono ogeme se mazen tetonye tu ukuna, ma kone. 44 Tegomo tǝ ǝdǝshǝri teze uga ubata ogeme se ura gurkuza ǝnyimi uru.Ngase ono mura,ma gurkuza konzen,ǝnyimi u runtu biruwa beme nze mǝ rǝsi zale emegeme se ma zenno ma ka kwa uru mi. 45 Konzen tegomo tǝ ǝdǝshǝri teze uga ono uwa kwejekon ǝ ginǝrǝ atantane a wuma. 46 Se ma mura reme riwuma, nze ma wame ma rasi zale umura ohome, ma kwenno. 47 Konzen tegomo tǝ ǝdǝshǝri teze uga orenge ogeme se ǝwǝ vati udanira, nze uwa meshe iginu keken keken, 48 se uwa binja nze ono meshe iginu mi wunki a ra a bikǝnzen bimi.Nze ŋa cikǝ ŋa zaye iwuma me ŋa wuna ǝnyimi te pozo ŋa kunki i charon me.̃ 49 Nane ze ira cikǝ u maso masano.Ti maleka tira ra ti ware ano a charon ǝnyimi ano a wuma. 50 Ara vati ohonye ǝnyimi ura u gǝrmǝ,a ra ageme se ŋara riwa nan u runza tiini. 51 Nyina ru zale tigogoro tija? Yeso saŋare, nze ŋa gomme aa. 52 Nze magon nye,"baka nane zale ono obezeze magon nye makiri, ono ogeme se mǝnǝ cikǝ utuma a tegomo tǝ ǝdǝshǝri,manze uga achakura ogeme se ma zuzi umura ohome,ti saw nan te kozo a me a ribiŋa " 53 Se Yeso wa mase ǝgǝmǝrǝkun mi, nze ma yere ara a gemme. 54 Emme a rawa ǝme ape nze mame obezeze ohonye ǝnyimi ugura ǝdǝshǝri a hanye , nze ŋa kuna iwi ŋago,"abaze ono uja na mura rikese a reme nan tegogoro tegeme se ǝdǝwǝniini? Nze ŋa saŋara. 55 Dan vana u kapinta uja zene? Dan riji rǝ yimi Mary zi ni? Ano wanome ŋanze an Jamis, Isifu, Siman nan Judah ne? 56 Ano wanome agalla zen woro ne? Abaze ono ugiya na mura tommo tija zale? 57 Nze iruwa e henye charo nan me. Nze Yeso gon nye ,"ata iza utuma ǝdǝshǝri ame ape nan ǝtitǝu a hame ne. 58 Mata wuza tegogoro tegeme se ǝdǝwǝ nǝrǝ chebete ne baka uyiya biruwa benye.