1 Uca ogomme Yeso wa tiya ǝnyimi uru uwi dā ǝtiyǝ awo vonke. Atumā hame warā kuna ekomo, ŋa gatā tasa atē terkon ǝ wushu mi. 2 Se ti pharisees ti nī nane, enze ŋa gomme, "nǝrǝ! Atuma ā hai ra wuza eme geme se i dame kima ne ǝtiyǝ awo vonke. 3 Nze ma tare,"ŋi wa tā kuna emegeme se Dauda mā wuza nan arene ā tano a teme se ŋa warā kuna ekomo? 4 Mā pete ā kura Ədǝshǝri, emme nan arene ā tāno ateme, ŋa wushi borode ogeme se ā gurkuza egeme se iwata ze kima da ŋa wuza ne, se ti priest. 5 Nē ŋi wata bara ā makiri se ti priest ǝtiyǝ awo vonke ā kurǝ Ədǝshəri ŋa care ǝtiyǝ awo vonke konzen ā tā ni macara maŋe ne? 6 Nā buki iŋi, ono ogeme se ma kira akura awa Ədǝshǝrin giya. 7 Tā go ŋi rū nlen magiya, 'in barse ijai dan rebere ne,' ŋi ti tan nin nǝrǝ ono u dira macara nan macara ne. 8 Bakase vana owono manze Aco ǝwǝ tiyǝ awo vonke." 9 Nan u deke ara gemme, nze Yeso pete ā kura awǝ Ədǝshǝri a haŋe, 10 Nze ono kaware ka shammo mā rawa me, ǝginǝrǝ u runa u ta Yeso reden, nze ŋa saŋare me, "eze kima a wamo nan ono ǝtiyǝ awo vonke?" 11 Yeso goŋŋe, "Ngase owe u huŋi ze nan bitan nze bi gare ɔwɔɔ ǝtiyǝ awo vonke, ŋi tan zuzi beme ne? 12 Ono kira bitan! Baka nane eze kima awe iyabo i wuma ǝtiyǝ awo vonke," 13 Nze ma gon ano me, "witi u ware o hoi," Nze ma witi ome, uwa wamo uga uwo repo me. 14 Take nan nane, ti pharisees ŋa suri ŋa gura anu dā ŋa wɔɔ Yeso. 15 Nan uru nane, Yeso wa deke ara me. Nze ri yǝgə rāno ri tarse me, nze ma wamo zale ano ageme se ŋa ze nan makwene. 16 Yeso wunki ŋi tetoŋe tago ŋa buki owe iyabo aza a hame ne. 17 Igiya enze da a binja emegeme se ā buki ǝnu awu tuma, Ishaya: 18 Orere o hoŋ u giya se nā zaka, ono ogeme se in barse, ono ogeme se in kone malowa mame gaŋka; rā binja o home nan uvunu o hoŋ, manin yisu nlen ma gaŋgan ā masano. 19 Matan meshe magita nē ma buki iyabo, owe tan kuna remelo a reme ā ti runa ne. 20 Ri feffete ri gullan ma dama pura me ne, konzen ura rebono regeme se rinā ra voto ǝwǝnǝ matan bishu ni, se mana ra nan magaŋgaŋ ma wushi mǝji. 21 Əriji a reme ano masano rā iya birwa". 22 Nze ŋa rawa me nan ono uvunu ɔbɔ, se mā ze uru, konzen ulakere; nze Yeso ŋuna me ma wamo, ma mē u nǝrǝ ara nan ubǝnu. 23 Imamme wa nya ano me iwi, nze ŋa go, "dan vana Dauda ze uja ne? 24 Se ti pharisees ta kuna nane, ŋa go, " ono ugiya marā zuzuzzu uvunu ɔbɔ nan agata ā baalzabul, ogomo ū vunu ɔbɔ". 25 Yeso wa rū adodonzo ā haŋe nze ma goŋe, "kuyya tegomo, nē ǝtitǝu, nē u gwiri nan ape se a daro, atā tore ne. 26 Ngase shitan zuzi shitan, manā dara retā reme. Anin wunanni zi te gomo ateme te tore? 27 Ngase min zuzi uvunu ɔbɔ nan agata ā baalzabul, nan agata ǝwǝvi zi ano ǝhǝŋi zuzi. Baka nane, ŋanin cikǝ ano u biyǝn nleŋa mǝŋi. 28 Ngase nan uvunu uwǝ Ədǝshǝri zi in zuzuzzi uvunu ɔbɔ tegomo tǝ Ədǝshǝri tina ra i ŋi ngeme. 29 Nē konzen anin wuna nnizi a pete ǝtitǝ ā ona gata a kanke tommo a teme, se manā bura ma tasi ona gata me? Bata ma date ma kanke tommo a teme. 30 Ono ogeme se madame nan mi ni, ono u nyamene o hoŋ ze, ono ogeme se matā aoro nan mi ni, ono u sarma me ze. 31 Nane ze nā buki ŋi, kuyya macara nan u cara riji, anin ita, nane ze, u bukǝnu ɔworo aza makiri mā uvunu uwǝ Ədəshəri, a tā isa ne. 32 Ono ogeme se ma buki nlen ma caron aza vana ono anin katara, konzen ono ogeme se ma buki nlen mā caron aza uvunu u sansan a tan ita ne, 33 Wuna u titi u cikǝ u wuma, iburi mi rə cikǝ i wuma, nē ū wuna u titi u cikǝ u caron, iburi mi irə cikǝ i caron, baka se arū u titi i buri mi. 34 Nŋi, a biya ti pǝrǝ, nnizi ŋi ano ara ǝpuru ŋinin buki iyabo i wuma? Bakase, emegeme se ira nyimi birwa enze suri ǝnu. 35 Ono ribiu ri wuma ma rase nan iyabo i wuma, konzen ono ara əpuru ma rase nan i buru. 36 Taken nane nā buki ŋi, kuwǝ vi ra koke nlen ma woro mageme se mā bī, ǝtiyǝ awu biyǝn nlen mǝ Ədǝshǝri. 37 Ubǝnu o hoi onze ǝ̄ zuzu o hoi nē u tǝsi." 38 Nze te ti pharisees nan ano obezezze makiri ŋa rawa gomme, "ono obezezze, woro ra nara u nī ri-runa ā suru ā ŋo." 39 Nze ma tare, "nŋi rimiza ri buru nan ajǝmǝ ŋi rā nara u ni ri-runa! Owe u huŋi damā nī mini se ri runa ri utuma Jonah. 40 Uga nane se Jonah wa wuna titiyǝ ti taro nan ti muru ti taro ǝpuru bi ginu bi sǝru. Nane ze vana ono ra ŋuna ti tiyǝ ti taro nan ti muru ti taro ǝnyimin nyaŋa. 41 Ano Nenevah ŋanin yira ŋa tore ǝtiyǝ u biyǝn nlen nan rimiza ri giya konzen magoŋ ŋe ŋa dame derte ne; ŋa nare ogbene u yisun nlen ma Jonah, konzen owe se ma kira Jonah, ma giya. 42 Uwai ogome se maze ogomo ǝsuru ǝdizi marā yira ǝtiyǝ awu biyǝn nlen nan rimiza rigiya mara goŋ ŋe ŋi dame derte ne; mā ka suru an nyaŋa mā geten dā ma kone rekese ri Solomon, owe se ma kira Solomon ma giya. 43 Ngase uvunu u buru suri ōno, ōme pese ā turara, ā ginǝrǝ ara awo vonke, konzen ma ta mura ne. 44 Nze mago; rǝ̄ kuru ǝtitǝu a geme se in wa deke'. Ngase ma deŋe, nze ma tā mura owe ǝnyimi ǝtitǝu mi ni, se ana sarka sansan, ana mamara kima. 45 Konzen, nze maka ita te ti vunu te bɔ teme sunare te geme se ti kira me i buru, nze ŋa pete ŋa cikǝ,nze bi maso a beme bi kira bu bura beme ā caro. Nane ze inin ze nan rimiza ri buru ri giya". 46 Se Yeso dā bǝnu nan ri yǝgǝ rā no, ǝyimi nan ano wanome wa ra tore ǝkǝi, ā nara u bukǝnu nan me. 47 Owe gomme, "nǝrǝ, ǝyiyi nan ano wanoye ŋa giya ā tore ǝkǝi, ā nara u bukǝnu nan ŋo". 48 Nze ma tare me, "ǝvizi ǝyinu ohoŋ, an nya ze ano wanon". 49 Ā dunka rebo ā tumā hame, nze mago, " ano a giya ŋanze ǝyinu o hoŋ, nan ano wanome a haŋ. 50 Ono ogeme se ma wuza emegeme se Acowo hoŋ barse, manze ǝyinu o hoŋ nan ano wanome ā haŋ,"