1 Se Yeso wa mase u banu nan Atuma ahame, aŋ ka ri kuri, nze ma wushi ǝji nan u bezezze nan u yisun nlen ŋa mame ā te pē-pē ti Galilee. 2 Se Yuhana, ono ogome se mā ri i nyan ma kone emegeme se unu-kasa marā wuza me, mā tome atuma a hame. 3 Ā ŋa saŋare me, "ŋo ze unu ra mē né a we ǝji õ we?" 4 Nze Yeso tare, "kuru ni i ka buku ā Yuhana emegeme se ŋina kuna nan emegeme se ŋina nī; 5 Arū ā nǝrǝ ara, ǝguŋ ā tano, ano rekoto ā wamozo, āturi ā kuna ara, arā yisizan keze, konze arā yisu nlen mā lō āno tiyan. 6 Taye tirā aza ono ogeme se mā tā pikǝru bakan mi ni." 7 Se atuma ā Yuhana wa rā ŋana, nze Yeso mē u bǝnu ā riyǝgǝ ra ano aza Yuhana; "Iyaze ŋina wame ā nǝrǝ mi ǝnyimi uja? Uvunu ā tungala resō? Nga dan nane ne, 8 iyaze ŋinā suru ǝ nǝrǝ mi? Ono ogeme se manā soke tommo te reze? O'o, ono ū soke tommo te reze ŋarā kura ǝ sǝru. 9 Nze iyaze ŋinā suru ǝ nǝrǝ mi? Utuma Ədǝshǝri? A'a, nā buki ŋi, konzen nkira utuma uwǝ Ədǝshǝri, peu. 10 Ono u giya ze awa darse ago: "Rā tuma u tuma o hoŋ ā ŋa ǝji, ono ogeme se mara mammara o hoi u runa. 11 Ganŋgaŋ nā buki iŋi, ǝnyimi oyo uwa wai, a dawa mura ono ogeme se ma kira Yuhana ono zoro ā bare ne; taken nane, ono u bate ǝnyimi te-gomo tǝ Ədǝshǝri kira me a bare. 12 Ā suru ā timuru ti Yuhana ono zoro, ā rawā kane, ti gomo tǝ Ədǝshǝri tǝ shǝ kpai, ano a cenene wa kai nan agata. 13 Baka zale atuma nan makiri ŋa bī ā rawa aza Yuhana. 14 Ngase ŋi nin ka, manze Iliya se māra rā. 15 Ono ogeme se mazen te toŋe tī u kuna, ā ma kone. 16 Iya ze nin gura nan rimiza ri giya? Ŋa ze uga abiya ā cikǝ ā tira ti jamane, konzen ā tisiza a daŋara ā vusa: 17 Ina gusa u nyampe, ŋi dangari ni, ina gusa amiza, ŋi dan riwa ne. 18 Baka Yuhana wa rai ma nyamene a wushu-wushu, nan u shiyǝ te- gogoro, nze ŋa go, maze nan uvunu ɔbɔ. 19 Vana ōno wa rai ā wushu nan u shiyǝ, nze ŋa go, 'nǝrə ni ono uwǝ wushu-wushu nan ushiyǝ obere, orene uwa ano u kasa iru in nyaŋa nan ano macara', 20 Nze Yeso mē u jarama ā ti pē-pē, aza emegeme se mā wuza se a dawa nari ni, baka se ŋa nyamene ogwene. 21 Nŋi imi jai ze, Bethsaida! Tāgo ano Taya nan Sidon ŋa wa nǝri emegeme se awa wuza ǝ nyimǝ hǝŋi se ǝdǝwǝ nǝri, ŋa tā rā soke tiyan nan u kanka nto nan u ginǝrǝ o gwene nan u dakano. 22 Taken nane, nā buki iŋi, anin kira ā kuna ijai iwano Taya nan Sidon ǝtiyǝ ǝwu biyǝn nlen aza ǝhǝŋi. 23 Nŋi ano kaernahum anin iza ŋi ǝdǝshǝri? O'o, ŋi rā tunu ā nyaŋa a kā hades. Tago emegeme se a wuza ā geme se a dawa nari ni ǝnyimi ǝhǝŋi, nze awa woze ā sodom, i tǝ cikǝ ā rawa kane. 24 Taken nane, nǝ buki ŋi, anin kira ā kuna i jai iwano Sodom ǝtiyǝ awu biyǝn nlen ǝzǝ ǝhǝŋi," 25 Uca ogome ze Yeso go, nā izai, Dada, Aco uwǝ ǝdǝshǝri nan a nyaŋa, baka se uwa gurkuza ti-gogoro ti giya ā ano remo nan ano urū, konzen u bursi ā biya ā ceke-ceke. 26 Ā Dada, ija ze wa loye ā birwa. 27 Zale te-gogoro ti giya Dada o hoŋ wa we imi ā tāre. Owe tā rū vana me ne se Aco me, owe tā rū Aco me ne se Vana me nan ono ogeme se Vana me nā zaka dā ma bursi ā ŋe. 28 Ra imi, zale ano bi ganno nan u tira, rā nya u huŋi ovonke. 29 Zǝkǝ ni re-gora ron, ī masa īmi, min ze shauwo nan u dutu rete ā birwa, i nin mura o vonke ā bewɔ ǝ biŋi. 30 Bakase re gora roŋ reze fauwo konze u tira o hoŋ u dame denden ne."