1 Yeso wa tisa ano u tarso me rikuri, mā nyaŋǝ agata, ma goŋe wame ni, ka zuzu ni uvunu ɔbɔ nan kuyya makwene nan matun. 2 Siji sā nu tarso me an ka rikuri sija; dinka, Simon (se a gusan me Peter) nan u wanome Anduru; Jamoso vana Zebedee nan u wanome Jon; 3 Filibusu nan Batolomi; Tomas nan Mathew ono u kasa iruwun nyaŋa; Jamoso vana Alfansu, nan Tadawus, 4 Siman u Zelos nan Juda Iskariyoti ono u rǝsǝ o home. 5 An ka rikuri rimi ze Yeso wa tuma ŋe nan rituma nan u guna; Tago ŋawame āno ǝpǝn nē ŋa pete ape ā Samariya ne. 6 Wǝnni ītan iwu wuru iwano Isreal. 7 Ngase ŋi wan i goŋ ŋe te gomo tǝ Ədǝshǝri tina rā voto. 8 Ano makwene ŋa wamo, i yisiza nkeze, akoto zale i visiki ŋi, i zuzi zale uvunu ɔbɔ. Ŋi na mura ā telo, i ki nyaka ā telo. 9 Tago ŋi yita zinariya, nē azurfa nē u lalinta ne. 10 Tago ŋi mǝnti ashoko ā tano ne, nē uyu dī, nē tiŋaforo ti simin, nē ubita, baka se uni tuma maze uguna a nyame emegeme se eze e heme. 11 Kuyyā pē nē ugwiri se ŋi pete ǝnu, i ginǝri ono ogeme se maze ono u wuma i cikǝ āme ǝtitǝu ā waŋ ūca u suru u huŋi. 12 Ngase e pete ǝtitǝu mi e go kɔni. 13 Ngase ǝtitǝu mi ŋa kai ŋi, i cikǝ shammo, ngase ŋa nyamene ŋi, i kuri shammo. 14 Ngase ŋa tā ka ŋini, deke ni ǝtitǝu a gemme nē ape, e tere u turu uwǝ tǝwǝ hǝŋi i ŋana. 15 Gaŋgan ze nā buki i ŋi, inin kira a kuna ijai i Sodom nan Gomora, nan ape a gemme, ǝtiyǝ awu biyǝn nlen. 16 Min ra tuma u huŋi uga itan ǝnyimi iwashe iwa nyimi uja. Baka nane cikǝ ni ano remo uga iwa, nan u rusu birwa uga iwurai. 17 Ŋi pǝpǝi baka ano ŋarā wannan ŋi āno u biyǝn nlen, ŋa tari ŋi ā tikura tā Dǝshǝri te teŋe. 18 Bakan mi, ara wannan ŋi ā ti gumina nan agomo, dā ŋi cikǝ ano u yisun nlen mā lō ā ŋe nan ano ā pǝŋ 19 Ngase ŋa me ŋi, tago ŋi kerkene ne, aza emegeme se ŋi nin buku, nē nane se ŋinin buku ni. Uca o gome anin nyaŋi emegeme se ŋinin buku. 20 Inin cikǝ dan ŋizi ǝbǝnu ni, uvunu u sansan uwaco u huŋi onze ǝ bǝnu. 21 Oyeno nin nyamene oyeno ā kā u wǝnǝ konzen Aco nan Vano me; abiya nin nyaza aza anā cowa ŋe ŋa wuza ŋe. 22 Ano zale ŋanin nyamene ŋi bakan mi, ono ogeme se ma tore gbau ā ka deŋe u maso me, manin sopo. 23 Ngase ŋa nyamene ŋi a rigiya, i suma i ka riya; nā buki ŋi magaŋgaŋ, idamā masa u tarse ti pē pē ti Isreal ne, Vana ono rā ra. 24 Ono u masa tā kira ono bezezzo me ne; orere tā kira acakurā me ne. 25 Inin kira ngase ono u masa mǝ cikǝ uga onō bezezze o home, konzen orere uga acakura a hame. Ngase aca kura me, ā tisa me ba'alzabul. Inni zi anin tisa ano ǝtitǝu mi? 26 Baka nan nane, tago i kuna iwi e heŋe ne. Bakase iyabo dǝmǝnu iwu pate se atan pate se a tin pǝni ni, nē irā gurkuza se ǝtin bursu ni. 27 Emegeme se nā buki ŋi ǝmǝri, biyǝ ni nan atetenmwe, bīra begeme se nā buku i ŋi ōtoŋe, yisu ni aza ti gura. 28 Tago ŋi kuna iwi iwano ū wuna ripun ni, ŋa taŋ wuna bewo ne. Baka nane, kuna ni iwi ewo no ogeme se manin wuna bewo nan ripun ǝnyimu ra. 29 Dan si takura se repo senze ǝ rǝsi o kobo ne? Taken nane be vento bi dama gǝti ā nyaŋa ne, se nan ugara uwa cowo u huŋi. 30 Konzen zale sete segeme se sirā no a rete se ze nan u bara. 31 Na go tago nŋi i kuna iwi ni u ziya u huŋi u kira u si-tākura. 32 Ono ogome se ma gare ma ruwun ǝnyimano, mmi konze rā gara uru o home ǝji ā cowo hoŋ ǝnyimǝ ǝdǝshǝri. 33 Zale ono ogome se ma nyamenon anyimano, mmi konzen rā nyamene u rū o home ǝji ā cowo hoŋ ǝnyimǝ ǝdǝshǝri. 34 Tago ŋi go nā rā nan u cikǝ u shammo ā masano ne se u vira, 35 Nā ra dan gura bi nyarna, vana nan aco. Ugalla nan ǝyimi, ugiri nan u wame. 36 Ano u nyamene ono, ŋara suru āme ǝtitǝu zi. 37 Ono ogeme se ma kira ā barsa acowo home nē ǝyimi nan mi, matā ziya nan mi ni, ono ogeme se ma kira ā barsa vano me nē ugallo me ken nan mi, matā ziya nan mi ni. 38 Ono ogeme se matā zaka u titi u gara o home ma tarson ne, matā ziya u tarse o hoŋ ne. 39 Zale ono u barsa rumā reme manin dira rēme, zale ono ogeme se ma dira rumā reme bakan mi, manin mura reme. 40 Ono egeme se ma kai ŋi, manā kawon ze,ono ogeme se manā kawoŋ,mana ka ono geme se mana tuman ze. 41 Ono ogeme se ma kai utuma uwa Adasheri baka utuma,manin kate-lō ti rituma,ono ogeme se ma kai ono aza u wuza ri-wuza ri wuma, bakase ono u wuza ri-wuza ri wuma,manin kai ti-lō ti ono u wuza ri-wuza ri wuma. 42 Konze ono ogeme se ma nyaka nē koso ku-manyi ma shammo āno a bate-bate baka mme ono u tarse o hoŋ ze, na buku iŋi gaŋgaŋ,ma damā dira te-loo te teme ne".