Udaraŋa u 9

1 Nze Yezo pete o koŋgo məni, nze mā pəri mā rawa me ape. 2 Nze aya no rawa me, nan uguŋ ā luta o peŋe. Se Yeso ma nī u yiya birwa beŋee, nze ma goŋ uguŋ mi,"mutana ana sarka macarā mai." 3 ̈Ucu ja, āwe ano bezezze makiri ŋa goŋ ate a haŋe, "unu ja, manā worko Ədǝshǝri." 4 Yezo nā ru adodnzo a haŋe, nze mago, "baka iyaze ŋi nā deke a dodonzo ə buru ī ŋi i ruwa? Iyu zi kira i fauwo: 5 Ā go, 'ana kuŋku macarā məŋi' nē a go, 'yira ŋana tano?' 6 Konzen rā barsa ə ŋi rū vana ōno ze nan agata awu sarka macara ā masano." Nze, ma goŋ u guŋ mi, "yira, ita opeŋe o hoi wǝŋə titǝu. 7 Nze onome ma yere ma ŋana ǝtitǝu. 8 Se riyǝgǝ rāno nə ni nane, nze ŋa una iwi; nze ŋa yisiza Ədəshəri, se manze mā nya ano agata. 9 Se Yeso ma wushi ǝji nan tano, nze ma nī owe se a gusan me Mathew, mme ə cikə āra awu kasa iru in nyaŋa. Yeso gomme, "tarson." nze ma yere ma tarse me. 10 Yeso ā wushe mete ā titǝu Mathew, ano awu kasa iru in nyaŋa nan ano macara cebete wa rai ŋa wushu nan me nan atumā hame. 11 Se ti pharisees tā ni nane, nze ŋa saŋare atuma a hame, "baka iya ze Aca-kura ǝ hǝŋi rā wushu imu wushu imu wushu nan ano u kasa iru in nyaŋa nan ano macara?" 12 Se kuna nane, Yeso go, "ono ogeme se maze gayan, matā wame ōno tuka ne, se ono makwene. 13 Wənni ka masa ni emegeme se igiya ze; ijai ze mmi rā barsa me ī ŋi dan uyǝburu ni: Baka mmi da rai dan tisa ano ribiu ri wumw ne, se ano macara." 14 Ā geme ze atuma ā Yuhana rai ŋa saŋare me, baka iya ze woro nan ti pharisees i pateze anu konzen atumā hai tā pateze ǝnu ni?" 15 Nze Yeso tare mā goŋə, "arene ū nanya nin cikə nan ū cara-buru nan acakura ə̄nu? Timuru tirā ra te geme se ara yita acakura ŋe, enze ŋanin pate tinu, 16 Owe tā duza udidī ū sau āza udī okozo ne, ū sau me rā suru ken nan o kozo me, ū darso ōme rā kira ū bura me ā caro. 17 Owe tā yita mǝnyi mā sau ma ŋuna a ti- caro te kozo ne, ngase ā ŋuna ā ti-caro te kozo teme, ti caro teme tirā poso, mǝnyi mā iburi tīti timi, ma kuŋku ti caro teme te poso. Manyi mā iburi tīti mā sau se nan ti caro ti sau. Nane ze zale te repo teme tinin cikə." 18 Ma dā biyǝ nane, nze ono ū məntə akura Ədəshəri ma raiy ma gurwənə mi, nze mago, "U galla o hoŋ susuwənə. Rā tara uware āme marā yiran ruma." 19 Yeso yere, ŋa wame nan me, ā gura atumā hame. 20 Uyu waiy wuza ma raiy ā tā maro a teme se marā pankalo nan u kuŋku mǝnyi si waiy ri kuri, nze ma dupa bi kǝnzǝn bū dī o home, 21 mago ā birwa beme, "ngase in dupa udī o home base, rā wamo." 22 Yeso waŋaro ma nī mi. Nze mago, "u galla, ŋo nā wamo. U yiya birwa be, binā malai. " Uca o gomme uwai me uwa wamo. 23 Se Yeso wa pete ətitǝu awu ono ū mǝntǝ akura Ədəshǝri nze ma mura ano hōō, ā wursu u nyampe, 24 Nze mago, "suru ni, u galla me dan wi ni, maran rɔ ze." Nze ŋa kerkeze me. 25 Se ana masa u zuzo ŋe ǝ kai, nze ma pete ə nyimmi ma vika me nan u ware, nze u galla me yere nan ruma. 26 Nlen ma me mā pete ā kuwā ba. 27 Se Yeso wushi ǝji, nze ərū ame a repo a tarse me, ā tisiza, "kuna ijai ye hedo, Vana David!" 28 Se ma pete ā əyə titǝu, arū mi rawa me, nze ma saŋare ŋe, "ŋina gara se mmi in date in ŋuna nane me?" Nze ŋa gare ŋa go, "ā, Acowo 'hodo". 29 Nze ma dupa ǝji ā haŋe, mago, "baka u yiya birwa bi ŋi i cikǝ nane". 30 Nze ǝji a haŋe ǝpǝnu, nze Yeso wunki ŋi te toŋe, mago, " tago owe kone ne". 31 Nan u suru o hoŋe, ŋa wa me u yisu mi ā nyimi ā pe me. 32 Se ŋa wa yere ā suru, nze a rā me na ulakere se uvunu ɔbɔ wa tere me, konzen mǝtǝ bǝnu ni. 33 Se awa zuzi mi uvunu ɔbɔ me, nze ma bukǝnu. Nze ano me kuna iwi ŋa go, "owe dawa ni imi giya an nyaŋa mā Isreal ne." 34 Nze ti Pharisees te go, "Nan agata awo gomo uvunu ɔbɔ anze ma zuzuzzi uvunu." 35 Yeso ǝnyimi tana teme mā peseze ā ti pēpē nan ti gwiri. Ma wushaji abuyǝn nlen ara u pate ǝji, ā yisun nlen ma loo, mā ti gomo tǝ Ədǝshǝri, ā zuzuzi ma kwene-kwene nan u dira i gayaŋ. 36 Se ma nī riyǝgǝ rāno, nze ma kuna ijaiye ŋe, ŋa warā gallozo, ogwene dā ono u malo ŋe. 37 Ze ma goŋ atumā hame, "te koke teme ti bare bata ano i tuma me yī. 38 Baka nane, saŋara ni Aco te koke teme, dā ma tipi ano te koke, dā ŋa wuza me te koke teme."