1 Ma tisa atuma beren arevento ma nyaŋe, agata, nan tegomo aza tuvunu tɔbɔ, konzen da ŋa wame tekwenekwene. 2 Ma tomeŋe a ŋa ka biyǝ nlen ma tegomo tǝ Adeshǝri, konzen da ŋa wǝme ano tekwene. 3 Ma gonŋe, "tago e hete iyabo i tǝno ne - uga ubită, ashoko, imunshu, né iru, konzen tago i manti tommo te yoyyo ne. 4 Kuyya atau se i petǝnu cikǝni aregeme se uca ogome se ina meshe uruna a ŋana. 5 Aregemse a tǝ kayi ŋi ni, deke ni arame, zarwi uturu tomma tini nan atauwa hani aza ugara u hoŋe baka ŋaru." 6 Nze ŋa wǝme ŋa petǝ tugwiri, a biyǝ nlen ma wuma, nan u wamozo ano kwaba. 7 Tutiyǝ tegeme Herudus wa kuna epe gemese ira tǝno, nze ma kuna iwi, baka awe wara gusa Johne ono zoro na hira anyimi nkeze, 8 konzen a wa ko a go a na nǝri Elijah, nan awe wara gusa oyuu tuma Adǝshǝri o wano dinka na hira a suru anu wǝnǝ. 9 Herudus go, "in wa kwitika Johne ono zoro rete, avisi unu giya se ano rǝ biyǝ tegogoro tigiya a me?" Nze ma here i pu nǝrǝ o me. 10 Uca ogome se Atuma beren me wa kuru, nze ŋa biyǝ kweren emegeme se ŋa ti wuza. Nze Ma hete ŋe ma waŋ nan ŋe a rekero ru ulu ape se agosenno Bethsaida. 11 Ama se riyǝgǝ rano ti kuna epe igiya, nze ŋa me u tarse o home. Ma ti kai ŋe nze ma me o biyǝ o hoŋe epe Tegomo tă Adǝshǝri, konzen ma wame anu nara u wamo. 12 Se uca uwǝru tewe, nze Atuma beren me wamǝ me ŋa gonme, nǝrǝ omŋwe na yoo, arangiya se a witu nan titiau tăno, sarma ŋe a ŋa ka ginǝrǝ aru muru anyimi tugwiri tu lake, nan emgeme se ŋa nin wushi, baka woro ngiya ara a wete." 13 Nze Ma gonŋe, "a ŋi nyaŋe iyabo a ŋa wushu." Ŋa gonme, "woro da min i mu kira tufankau teme shibi, nan iginu erepo ne -- né i nin wame anyimi ape i kwa imunshu baka anagiya kweren." 14 (anome teze a ka deŋe tugu shibi.) Nze Ma gon Atuma me, " we ano me a ŋa cikǝ siyǝgǝ seme bituru bituru ka shibi kuyya siyǝgǝ." 15 Nze Atuma me we ano me cikǝ kandogemese Ma na buki. 16 Se ma te hete tufankau shibi teme nan iginu erepo me, nze ma vika aji adaishari, Ma we taye anu ma ware batebate ma ŋa Atuma hame a ŋa ka iya aji siyǝgǝ seme. 17 Ŋawa wushi ŋa seke kweren ŋo ŋe -- awa kanke imu ruku -- tepozo rekuri te megeme se awa ware. 18 Uca ogome se Yeso wa massa u nyaka taye, Atuma a hame voton me, nze ma saŋareŋe mago, "Riyǝgǝ rano rigiya rira gusa avizi mmi?" 19 Ŋa gare ŋago, "awe ra gusa John unu zoro, awe go Elijah, konzen awe ra gusa uyu tuma u dinka ze na hira asurǝ anu wǝnǝ." 20 Nze mako ma saŋara ŋe, mago, "nŋi na ira gusa mmi avizi?" Peter gare, "unu kassa uwa Adǝshǝri." 21 Nze Ma bǝnu a ŋe tago ŋa buki o ye ne, 22 Mago, "se vana ono na shi ma kwai aza tegogoro cebete, konzen ana ŋono, nan anu ru makiri nan tu-Priest ti sǝru ti nin nyamen me, ara wuno me, amaro timuru ti taro ma ra hira." 23 Nze magon zale o heŋe, "Ingase owe ri pu tarse a maro a han, ma nin nyamene retǝ reme, ma hete ruwǝnǝ reme kuyyuca ma tarson. 24 Onogeme se ma pai ruma reme, ma nin dira reme. Onogeme se ma dira rumǝ reme baka mmi ma nin mura rewuma. 25 Iyaze i wuma ingase ono mura malo a massano nze ma dira ruma ri wuma? 26 Onu kuna nmme mu biyǝ epe hon nan nleŋa man, manze vana ono nin kuna nmme ma mame, atiyǝ u ra wo me anyimi uyisiza tegoma teme. Nan tegomo tǝ Adǝshǝri, nan tu-malika ti sansan. 27 Dikan kon in buki ŋi gangaŋ, aye anyimi anu tore arigiya tin wǝnǝ bata ŋa mura opetǝ anyimi tegomo tǝ Adǝshǝri ni." 28 Amaro uca ogeme se Yeso wa buki nlen magiya awa mura tumuru urru, nze ma here nan Peter, John, nan James ŋa waŋa aza tewö da ŋa ka yaka Remmo. 29 Se Mme a remmo me tuva tiwa aji hame ti wa cuwalo, nan tomma teme ti cikǝ ti run suŋ. 30 Aregeme an ka repo, Moses nan Elijah, a bǝnu nan me, 31 konzen ŋa ti ra anyimi usuru isansa i suŋ. Ŋa tira bii epe u ŋanome, se ana voton u massa me a Jerusalem. 32 Uca ogemme, Peter nan udaŋara me ŋa teze peou anrö, se ŋa tika zima, nze ŋa nǝri mi nan ucuwalo isansaŋe me, nan an ka repo se ŋa te tore voton me. 33 A walmu a ŋana, Peter gonme, "Acakura, izikima se ina rawa rigiya. Dika i pi ngura ma bate bate ma taro, ovento o hoi, ovento o Moses, ovento o Elijah." (ma titǝ ru emegeme se ma tirǝ biyǝ mi ni.) 34 Se matira biyǝ igiya, nze tewero tira ti pate ŋe, ŋa ti kuna iwi se ti rǝnyimi tewero teme. 35 Remelo a suru anyimi tewero teme rego, "Unu giya ze vano hon, se ati zake me; rusa ni otoŋe a me." 36 Se remelo reme rǝ massa ubǝnu, tewero tiwa dura Yeso wa ze ten teme. Ŋa tize wete ŋa wa tǝ buku o ye uca ogeme emegeme se ŋa ti nǝrǝ ni. 37 Atiyyǝ orepo, se ŋa ti tu asurǝ owö me, riyǝgǝ rano cebete wa mura ŋe. 38 Nze owe anyima riyǝgǝ reme mey izama, a gusa, "Ono bezezze, kusu, nǝri vana o hon se onze base i mi. 39 Nǝri uvunu ɔbɔ na pete me, nze vana sakanǝ; i wuza me a kutarzu ifufu a susǝme ǝnũ, i tǝ teke mene se mana polkozo sosoi. 40 Kusu inna tisa Atuma hai a ŋa malon a zuzi mi ina gamene ŋe." 41 Yeso gara mago, "nŋi anu dira uyiya birwa, nan simiza se utakunanu ni, in ucunyu zi ŋi nin masson? Ra nan vana me arigiya." 42 Se vana me te meshe uruna ara, uvunu mi bishi mǝ anyaŋa ma me ukutarzu. Nze Yeso jarma uvunu ɔbɔ me, vana me wa wǝmo, nze ma kursu mi acowa me. 43 Nze ŋa ti ni imi iwi agata awa Adǝshǝri. Se ŋa ti da meshe ǝnu emegeme se ma ra wuza me, Yeso gon Atuma me, 44 "deke ni nlen magiya ma pete pew anyimi tetoŋe ya tini: asa nyaka vana ono a tare tǝno." 45 Ama ŋati tǝ ru emegeme se mana buku ni. Ati pate aŋe, da tago ŋa ru ni, konzen ŋa ti ra iwi iwu saŋara me. 46 Nze ŋa ti me magita mu guna; avizi onu saru anyima ŋe. 47 Se Yeso ti ru adodonza a birwa beŋe, nze ma yita kwǝnǝ ku bate ma we me alaken me, 48 nze ma gonŋe, "Ono gemese ma kai vana ugiya baka rija ron, mana kaiyon ze, onu kayo hon konzen, mana kaiy onogeme se mana tumaŋ. Baka ono geme se maze onu bateke anyimǝ haŋi manze ma nin cikǝ onu sǝru. 49 Johne gare mago, "Acakura, ina nǝri owe a zuzizi uvunu ɔbɔ anyimi rija re ina tuna me, baka ma dawa tarso do ne." 50 "Tago i tuna me ne." Ugara Yeso, "baka ono gemese ma dama igaba nan ŋi ni onu huŋi zi." 51 Se timuru titi ra voto tu yisiza me, nze ma we aji ipu ka Jerusalem. 52 Ma ti tuma Atuma hame a ŋa petǝji da ŋa ka mamara kuyiya baka me ugwiri owano Samarita. 53 Anaregeme tita kaiye mene, baka se mana wunaji ipu ka Jerusalem. 54 Se Atuma hame Johne, nan James wa nǝri igiya ŋago, "Aco, né i tisa ura u tu asura adaishari u massaza ŋe?" 55 Ama Ma ti bǝnǝŋe, 56 nze ŋa wame a uyu gwiri. 57 Uruna u wame u gwiri mi, nze owe gonme, "ira tarso hoi kwaba se ura waŋ." 58 Yeso gonme, "Iwashuja zen aru potono ŋa tete, Itidi ǝ daishari zen adu awo tete, ama vana ono da min aru luta rete ne." 59 Magon owe, "tarson," nze ono me go, "Aco, dekan bura u ka woze riwase ra Acowa han." 60 Ma gonme, "deke nkeze a ŋa ka wasa nkeze. Ama uga nŋo wame ayayau da tulu u ka biyǝ epe tegomo tǝ Adǝshǝri." 61 Nze owe konzen ma go, "i nin tarse, Aco, ama dekan ka gunan anakura haŋ ko bata." 62 Yeso gareme, "ono mey ituma uru a waŋara amaro dan binja upetǝ anyimi a tegomo tǝ Adǝshǝri."