1 Aya tinyǝ a Sabath se Yeso wara waka uru, nze Atuma hame me u tinka ate iburi titi, ŋa pirkin tara teŋe a wushu mi. 2 Nze te-ti-Pharisis te me agangaŋ, ŋagon atuma me,"iyaze nŋi ra wuza eme macara a tinyǝ Sabath?" 3 Nze Yeso gara ŋe mago,"i wa tă darsa emegemse David wa we né se ekomo wa me me né, mme nan Anaroma gemse ŋa wa zen me né? 4 Ma wa petǝ akura Adǝshǝri ma yete borode u dira yeast ma wushi udaŋara me ma ŋya anagemse ŋa wa zen me ǝ ŋa wushi, bata, iwazen makiri se yakamǝ Priest nin wushi borode me." 5 Nze Yeso gonŋe, "Vana ono manze Adǝshǝri u Sabath." 6 Iwa ko i faro aya tinya Sabath se Yeso warǝ akurǝ Adǝshǝri Mma bezezzano. Oyono wara rame se uware bilaiya beme wa wǝ. 7 Anu ru makiri, nan ti-Pharisis wǝrǝ nǝrome voto kima, né ma nin we oye wamo atiyǝ Sabath me, da ŋa mura imu redeŋa me. 8 Yeso wa ru emegemse iwara birwa beŋe, enze ma gon ono gemse uwaro me wa wǝ, hira tore azată kwavi." Nze ono here ma tore azatăno me. 9 Yeso gonŋe,"dikan sanǝraŋi, imi makiri zi atinyǝ Sabath a woze imi wuma né i caron, da nara ruma né a dunkali reme?" 10 Nze Yeso nǝriŋi zale, magon ono me,"witi uwaroŋe." Ma wa witi, nze uware me wamo. 11 Anome wa cara birwa ŋa me ubiyǝ adodonzo turuna to meyo me Yeso. 12 Aya tinyǝ Ma wa waŋa manya aza tewö a ka remmo. Ma wa muru agato remma Adǝshǝri. 13 Se ara wa sǝnǝ, nze ma tisa Atuma hame a ŋa rǝ voton me, nze ma zake Atuma rekuri ma nyaŋe riji anituma Adǝshǝri. 14 Siji siwatumǝ Adǝshǝri mi senze, Siman (se a kwa gusanme Peter), nan unadimo me, Andrawu, Jamese, Johne, Phili, Batholomew, 15 Matha, Thomoso, Jamese vana Alpheows, Siman o repo se agosen me Zealot, 16 Judas vana Jamese, nan Judas Iscariote, se manze onu buburu. 17 Uca ogemese Yeso wa tu a surǝ aza owö me, ma cikǝ a dizi nan riyǝgǝ ra Atumǝ Adǝshǝri, nan ecebete, re-riyǝgǝ ranu surǝ Judea, Jerusalem, nan tegwiri tu laka maŋi ti-Tire, nan Sidon. 18 Ŋa wa ra da ŋa kuna nleŋa mame, da ŋa ko ŋa wamo n te-kwene-kwena teŋe. Ano teje nan uvunu ɔbɔ ŋa wa ko ŋa mura malo. 19 Zale anagemse ŋa wa ra regeme ŋa wa rase voto ŋa tupa udiyo me, baka agatu wamozo wa ra surǝ me ripuŋ, nze ŋa wa wamozo zaloŋe. 20 Nze Yeso nǝri Atuma me,mago,"taye iŋi, anu dira, baka ehiŋi zi u cikǝ tegomo tă Adǝshǝri. 21 Taye iŋi, anekomo kane, baka inŋi sa seke. Taye iŋi ani zama kane, baka inŋi sa kerkezo. 22 Taye iŋi, anagemese ano na nyamene ŋi, ŋa zuzi ŋi, ŋa tinziza ŋi na siji cebete, baka vana ono. 23 Cankozo ni nan birwa bi run, gangaŋ i sa mura imi wuma i sǝsǝru adaishari, baka ecoweŋe wa wuza Atuma Adǝshǝri nane uca o hoŋe. 24 To, kanja, iŋi anu mura, bakase ina riga i mura malowa maŋi. 25 Kanja, iŋi aneseke, bakase i sa kuna ekomo amaro me. Kanja iŋi, ano tekerko kane, baka i sa damo i rewe kake amaro me. 26 Kanja iŋi, se zale ano biyǝ nlen ma wuma aza haŋi, baka nane ze ecowe heŋe, wa biyǝ Atuma ampore. 27 Ama dikan buki ŋi anu kunohoŋ, barsa anu wuzu huŋi magunta, wuza imi wuma anu nyameno huŋi. 28 We taye anu tinzu huŋi, konzen remmo anu-wuzu huŋi imi caron. 29 A ono gemese ma vape ŋi upuwa ovento, nyame upuwa me orepo. Ingase owe kai udiyaza, tago u nyamene u nyome uwa yimmi ni. 30 Nya zale onogemse ma sǝnǝre. Ingase owe hete emegemse eze e he, tago u wuna me a ma ranno ne. 31 Kando gemese u barsa ano tă woze, wuza nane ano me. 32 Ingase tu-barsa te anu barsoŋe ze base, iyaze u nin mura? Baka ko anu macara mǝ ŋa barsa anu barsoŋe. 33 Ingase i wuza imi wuma anagemse ŋa wuzaŋi imi wuma ze, iyaze u nin mura? Baka ko anu macara ma ŋa wuza nane. 34 Ingase u nin nyaka uduru a onogemse nŋo ni manin dǝte ma kursimi zi, iyaze u nin mura? Baka ko anu macara mǝ ŋa nya anu macara ogo nŋe, da ŋa mura kando gemse ŋana nyaka. 35 Ama barsa anu wuzu huŋi magunta, wuza ŋe imi wuma. Nya uduru tago owe birwa a kursi mi ni, nze i nin mura u mura u sǝsǝru, konzen i nin cikǝ abiyǝ a Ogoma Adǝshǝri, baka Mme ma yiza zale nan anu dira kukwan, nan ano macara. 36 Cikǝ ni anijai, kandogemse Acowa haŋi zin ijai. 37 Tago i we reden ne, da tago a we ŋi reden ne. Tago i dunkali ni, da tago a dunkali ŋi ni. Kunki ni zale emegemese ano na we ŋimi a birwa, da iŋi ma a kunki megemse ni na wuna. 38 Nyaka, da nŋo ma a nyai. Unyaka u huma -utu a nyaŋa, ushokomo zale, nan u binja har ukunki - a kunki a tawahai. Baka nan u kwayenge ogemese una guda ze asa gudai me." 39 Nze Yeso ko ma buki ŋi uyu gǝmǝrǝ me."Ina taba u nǝrǝ ɔrũ na wunku ɔrũ? ingase i ma we, ŋa nin ka garrǝnyimi rewo zalo ŋe. Ne dan nane n? 40 Utuma tin kira ono bezezzo me ne, ama ingase a bezezze me kima ma nin ze uga ono bezezzo me. 41 Iyaze wuna se ŋi iya u nǝri kurenko ku bateke aji awa onuwanomo u huŋi, nŋi tǝ iya u nǝri berenko be geme rija riŋi ni? 42 In ni zi i nin gunan uwanomo huŋi, 'dikan zuzi berenko be geme a nŋo a riji,' a bata nŋi tǝ iya unǝri bikutu be geme i nŋa riji ni? Ŋi asossono! bura u zuzi bikutu be geme a ŋwa riji, du nǝri ara gangaŋ u mura u zuzi berenko be geme uwanomoye a riji. 43 Bakase utiti u wuma ten yoso iburi i yishu ne, né uyu titi u yishu nen yoso iburi i wuma. 44 Baka kuyyu titi zin iri iburi egemese u nin yoso. Baka ano tin ka tinka iburi icau u titi-ikana ne, né icunkulu maje a ti gwangwalaje ne. 45 Ono u wuma, asurǝ adodonza wuma a birwa beme ze ma woze imi wuma, konzen unu macara, asurǝ adodonza a macara birwa beme ze ma woza imi macara. Bakase asuru mura u birwa bo ŋo benze imu bukome. 46 Iyaze i tisizan 'Ac, Aco,' a bata i tan wuna tegogoro te gemse ina buki ŋi ni? 47 Zale ono gemese marai mi, ma kunaza imi bukohon, ma wuza kando gemse ina buki, ira buku huŋi kando gemse ma nen ze. 48 Ma nen ze uga, onu piyǝ akura se ma gǝssǝ anyaŋa peu ma pi ridiran ra atau mi a rizuwa ri gwau. Ingase maŋi ma riyi wǝkǝ ulu mi, ma mura anyaŋa a gwau, ma tin shokomo ugura mene, bakase awa piyǝ ome kima." 49 Ama onu kuna nleŋa man ma tǝ wua nane sen ina buki ni, ma nin zi uga onogemese ma wa piyǝ atuwa me a nyaŋa a fauwu. Nze ingase maŋi ma riyi ma wǝkǝ ulu mi, atau mi nin wǝ buzaru, nze a tin kun mura iyabo arame ne."