1 Kusun riyǝgǝ rano ageme se riwara arame yere riwan nan Yeso aji Pilate. 2 Ŋa bursa ubiyi reden aza hame ŋa go, "ina mura unu giya mara wursu ana hado, konzen mara tuna anahado tago ŋa nyaka irun inyaŋa a Ceaser, ma ko mago Mme retǝ reme unu kassa ze, konen ogomo ze." 3 Pilate sangara me, mago, "Nŋoze ogomo ti Jew?" Yeso gare meme mago, "Kando geme se una buku." 4 Pilate gon me ana sangara Ana sǝssǝru tipriest nan riyǝgǝ rano reme, "immi in dan mura macara unu giya ne." 5 Bata ŋa tore ipu guna, "Ma na burkala ano, a bezezzo ŋe kusun anyimi Judea asura a Galilea ze mawa bursa a rawa rigiya." 6 Se Pilate wa kuna igiya, nze ma sangara ŋe ney unu Galilea zi. 7 Se Mawa ru si unu sura anyimi tegomo te Herod ze, Ma tome nan Yeso a wame a Herod, onogeme se konzen ono Jerusalem ze atitiyyǝ timi. 8 Se Herod wa ni Yeso, birwa beme biwa runtu ganka, bakase mawa barsa unǝrǝ ohome nan udakano. Se mawa kuna epe heme konzen ma na yiya biwa ma nin ni iyi imiwi ame. 9 Herod wa sangare Yeso sosoi nan nlen cebete, bata Yeso ta gara ne. 10 Beco bi tipriest nan Anu ru makiri wa tore nan ucara birwa a regeŋa reme. 11 Herod nan tisuja teme ŋawa tinziza Yeso konzen ŋa gǝllǝ mi. Ŋa soke me tommo teyyö walwali a kursu me a Pilate. 12 Atiyyǝ ageme Herod nan Pilate gura rerene nan atǝhaŋe (in tuni ŋawa nyamene apuŋa ŋe). 13 Pilate wa tisa arevento Ana sassaru awu bezezze nan Anaji awu patǝji taken riyǝgǝ rano, 14 nze magon ŋe, "nŋi na raiy nan unu giya i mi uga unu beze ano riwuza ri caron renze, konzen nǝrǝ ni, inwa sangara me ajia haŋi, inwa ta mura me nan macara aza tegogor tegeme se nŋi nan biyi aza hame ne. 15 Ko Herod, se mana kursu mi a woro, konzen nǝrǝ, Ma dan we iyabo egeme se a nin wu na me ne. 16 In ra taro me nze in sope me." 17 Uca me eze gado aŋe she ana sope onovento inyan. 18 Bata ŋa sǝkǝnǝ zaloŋe, agusa, "A wursu unu giya, da sope do Barabas!" 19 Barabas ono ze se awa we me inyan aza ukara ape me nan u wuna ano. 20 Pilate wa bukǝnu nan ŋe konen, ipu sope Yeso. 21 Bata Ŋa vika ameloa ŋe, agusa, "gara me, gara me." 22 Ma ko Ma gonŋe ubuku u taro, "Aziya, iyi imi caron ze Ma na wuna? Immin dan mura me nan macara mu gara ne. Aza nane inra taro me, in sope me." 23 Bata ŋa tore nan amelo adaishari, epe ata gara me. Amelo me wa we Pilate gara. 24 Nze Ma deke a we emegeme se ŋa repe me. 25 Ma sope ono geme se ŋa wa sangara se awa we me inyan aza tukara nan uwuna ano. Bata ma nyaka Yeso a gare me aza ubarso ŋe. 26 Se ŋawa nganan me, nze ŋa nǝri Simon Ono Cyrene, asura anyima ape, nze ŋa we me ma zaki Cross me, ma tarse Yeso. 27 Riyǝgǝ rano cebete nan Awai agemese awa damo Nan izama aza me, wa ra tarso me. 28 Ama uwangaro me a ŋe, Yeso go, "Agalla Jerusalem, tago I riyiwa aza han ne, ama riyiwa aza atǝhaŋi nan abiya haŋi. 29 Baka nǝri, titinyǝ tira ra se ŋa nin go, 'ano taye tenze anageme se anu diroyo, nan ana geme se ŋa dan yoso ne, nan mane mageme se a Dan shi ni.' 30 Nze ŋa nin mey uguna tewö, 'garsa aza hado,' konzen a ugura ikiki, 'pate do.' 31 Baka ingase ŋa wuzigiya utiti u naŋ, iyaze ŋa nen we ogeme se u na wǝ?" 32 Aya anarome, akari arepo, se awa guraŋe a ka gara. 33 Uca ogeme se ŋawa deŋearegeme se agusanno "Skull," arame ze awa gare ŋe, taken akari mi - owe uware bilai owe uware biguli. 34 Yeso go, "Aco, kunku ŋe me, baka se ŋa dawa ru emegeme se ŋara wuza me ne." Nze ŋa wuza ijaji, a warsa tomma teme. 35 Anome te tore ǝ nǝro mi set an sassaru ra gǝllǝ ome, agusa, "Ma wa kassa aye. A Ma kassa retǝ reme, ingase manze ukassa uwa Ədǝshǝri, unu zakka." 36 Tisuja konzen tira kunuza ohome, a rasa voton me, a yizo me manyi ma wangayan, 37 konzen agusa, "ingase nŋo ze ogomo u to Jew, kassa retǝ re niga." 38 Awa darsa ere a kayaza a hame, "unugiya se ogomo to Jew." 39 Ono vento anyimǝ akari see awa gare me tinza me agusa, "dan nŋo ze ukassa ne? Kassa retǝ re nan woro niga." 40 Ama onovento me sǝkǝnǝ me, agusa, "u damen iwi iwa Ədǝshǝri ni, tunsi nŋo ma ana gare? 41 Woro ana garre do aza macara maro manze. Bata onugiya dan we macara ne." 42 Nze Ma go, "Yeso, dunza Nan mi uca ogeme se u nin ra asura tegoma te." 43 Yeso gonme, "gangaŋ ina buka nŋo, Kane u nin zin mi akura a suŋ." 44 Iwaze wajiya uca tase, konzen ara na me uwuna biti a ka deŋe uca toroi 45 se onŋwe na mu bishu. Nze udi uwa aru patǝji daro azate. 46 Nan remeloa daishari, Yeso go, "Aco, uwaro hoi ina nyaka bewowa bon." Se ma masa buki igiya, mawa wi. 47 Uca ogeme se unu saru tisuja wa ni nane, ma mu yisiza Ədǝshǝri, agusa, "gangaŋ unugiya unu magangaŋ manze." 48 Uca me an cebete was raiy arame a ŋa ni emegeme se tegogoro tegeme se tiwa we, ŋa ti kuru a tari egesen eheŋe aza emegeme se ŋa na nǝrǝ. 49 Ama zale ana geme se ŋa ru mi nan anu sura Galilea, wa tore pew, ǝ nǝri tegogoro teme. 50 Inze owe see agusan me Joseph, see ma ze onovento anyimi tenoŋono ti ape me. Ma wa ze on wuma konzen onu yiya birwa. 51 Manze base onogeme se ma wa nyamene nan reden re tenoŋono teme nan emegeme se ŋawa hete iruwa. On sura Judea ape a Arimathea; konzen mawa repe opeta tegomo ta Ədǝshǝri. 52 Onu giya, ma waŋ a Pilate, ma sangara me ekeze Yeso. 53 Ma wa dutu a nyanga, Ma pate me nan tomorrow te reze, nze ma ka wassa me anyimi rizuwa se awa mamara, aregeme se a dawa wasa owe anu ni. 54 Atiyǝ ogoro wa ze, konzen atiyyǝ awu ka imammate wa ra voto. 55 Awai, ageme se ŋa wa raiy nan Yeso asura Galiea, Ma wa tarse me da ma ni aregeme se a nin wassa me. 56 Ŋawa kuru da ŋa ran maneŋe ma wuma. Nze atiyyu kai imanmmate wa deŋe ze ŋa vonke sakama ogeme se mǝruku mawa go.