1 Wajiya remeze ri goro reborode u dira Yeast wara voto, sa agosen ome saagose usuru. 2 Tu Priest tisaru nan anu darsa ere ŋa biyi kando geme se inin zi se ŋa nin wuna da ŋa wo Yeso, ŋa geme a kuna iwi iwano. 3 Inze Shetan peta Judas Iscariot, se maze ono rikuri nan an ka repo. 4 Judas ma waŋ a unu saru u tipriest nan ano a sassaru a tisoje konzen ŋa bǝnu nan ŋe sakama ogeme se ma nin nyaka Yeso a ŋe. 5 Ŋa woze izalla, inze ŋa gara se ŋa nin nyame iru. 6 Mme mana gara, konzen ma giŋari uruna a ma nyaka me a ŋe uca asura riyǝgǝ. 7 Se atiyǝ regoro ri borode u dira yeast wa rai, aza agemese usuru bitan se a nin nyaka. 8 Yeso wa tome Peter nab John ma go, "wanni da i ka mamara do imuwushu iwu suru, se woro nin wushu eme." 9 Ŋa saŋara me, "aba ze ŋuna barsa da woro mamare?" 10 Ma tare ŋe me, "kuna ni, ingase ŋi pete anyimi ape me, ira gurna nan ono se manǝ zǝkǝ idaka maŋi tarse me ni atau ageme se mara pete. 11 I gon acakura atitau mi, ono bezeze mana go, "abaze ugura agyen," di wushu imunshu iwu suru nan Atuma hame?"" 12 Ma nin beze ŋi ugura usaru se ana mamara a za, mamara ni aregemme. 13 Nze ŋa wan ŋa mura tegogoro kando geme se Ma na buka ŋe. Inze ŋa mamare imunshu iwu suru mi. 14 Se uca me uwa we, Ma cikǝ nan atuma me. 15 Nze Ma gonŋe, "ina wuna birwa ganka inra barsa ina ita wushi u suru nan ŋi dan shi kwai. 16 Baka ina buki ŋi, in dama ku wushi iyabo konze ne, she ana binja anyimi tegomo ta Ədǝshǝri." 17 Yeso ita koso, nze Ma go kukwan, konzen Ma pose mago, "kǝni igiya warse iŋa apun. 18 Ra buku mi ŋi, immi dama shiyǝ mǝŋi ma iburi titi tello konzen ne, she tegomo ta anyima ǝdǝshǝri na rai." 19 Ma ita borode konzen Ma go kukwan, Ma pose, konzen Ma nyaŋe, Ma go, "ripuŋa ron renze rigiya se ana nyaka baka nŋi zi. Wuza ni ija da i donze nan mi." 20 Ma yita koso uruna ogemme azamaro emete, Ma go, "koso ku giya kon ze ugara u sauwu anyimi maŋi maman, se a nin kunku baka ŋi. 21 Ama kunani kima, onogeme se mana nyakan mazimmi arigiya a wushi imunshu. 22 Baka vana ono ra ngana ganka sakama ogeme e awa yiya. Bata cä ono geme se manze mana nyaka me!" 23 Ŋa mu saŋara apuŋa ŋe avizi anyima haŋe se ma nin wuna emegeme. 24 Nze unai wa yira azate a haŋe konzen aza avizi anyima haŋe unu saru. 25 Ma gon ŋe,"Agomo a Anapaŋ, ŋanze Ana cakura haŋe, konzen anageme se ŋazen agata a za haŋe ara yita uga anageme se ŋa woze wuna ana haŋe. 26 Bata i tin wuna uga igiya i ŋi ni, azanane, onogeme se ma nin cikǝ unu saru anyima haŋi ma nin cikǝ una dimu, konzen deke onogeme se maze unu wuma sosoi cikǝ orere anyima haŋe. 27 Baka avizi unu saru, onu cinzanǝ tebur ney orere? Dan onogeme se ma cinzanǝ a tebur ne? Bata mingiya aniyma haŋi uga orere. 28 Ama nŋi ze anageme se ŋa wuza tǝno nan mi uca ugǝllǝ of hon. 29 Ina nya tegomo, kando geme se Acowa han na nyan tegomo, 30 da I wushu i ko i shiyǝ a tebur of hon anyimi tegoma ton, konzen nŋi nin cikǝ a ridiran di bi nlen ma tikura rikuri Nan terepo ti Isreal. 31 Simon, Simon, ru se, Shetan na sangara epe he, da ma kanli ugi ira. 32 Bata ina we taye, da uyiya birwa be bi tin vati ni. Amaro se inga mura uwaŋaro a our uruna, beze anuwanoma hai." 33 Peter gon me, "Ədǝshǝri, mi na goro in nin wan nanŋo inyan ko AKA wi." 34 Yeso tare, "Mi na buku aŋo, Peter, begoro bi tin tuŋara kane ne she una go uta ruwun ni ka taro. 35 Nze Yeso gon ŋe, "Uca ogeme se inwa tuma ŋi dan nan kashoko ne, ashoko tommo, ney tiŋaforo, iwa dira iyabo?" Ŋa gara, "babo." 36 Nze Ma gon ŋe, "baka wagiya onogeme se mazen kashoko, a ma yita, nan ashoko a tommo. Onogeme se ma dawen uvira mǝwö ne a ma rǝsi udira usǝru o home a ma kwa ovento. 37 Inra biyǝ mi iŋi, emegeme see awa darsa aza han she ina binja, 'awa barme aza on macara.' Baka emegeme se awa buki aza han i nin binja." 38 Nze ŋa go, "Aco, nǝri, nǝri! tuvira terepo tigiya." Ma gon ŋe, "tuna bare." 39 Azamaro uwushi ujibi, Yeso Suri uga see ma wozeze, a wame ɔwö u Olive, konzen Atuma me tarse me. 40 Se ŋa deŋe, Ma gon ŋe, "nyaka ni taye tago i pete anyimi rekunuŋa ne." 41 Nze Ma witu Ma deke ŋe, ugu uviŋi rizuwa, nze Ma gurwǝnǝ anyaŋa Ma bǝnu nan Ədəshǝri, 42 agusa, "Aco, ingase u barsa, zuzun koso kugiya. Ama dan aza ubraso hon ne ama I'm barso hoi we." 43 Nze umalika a suru ǝdǝshǝri rawa me, Ma kisi mi birwa. 44 Iwa cikǝ se mawa damo sosoi, nze ma nyaka taye konen sosoi, se matejeja make mawa cikǝ uga utenko mǝŋyi a garsa anyaŋa. 45 Uca ogeme se awa yira aru patǝji, mawa rai ma mura atuma hame anro, bakase iwi wa me ŋe, 46 nze ma saŋara ŋe, "iyaze na wuna se nŋi ranro? Yira ni di we taye, da tago i petǝ anyimi ugǝllǝ ni." 47 Se mawa da bǝnu, nze udeŋe riyǝgǝ rano re yonko, Judas anyimǝ ŋe, onovento anyimi atuma rikuri nan nka repo, manze aji a haŋe. Udeŋe ohome voton Yeso da ma tilala me, 48 Bata Yeso gonme, "Judas, nŋo ze a nyaka vana ono Nan utilala?" 49 Nan uca ogeme se anageme se ŋazen Yeso no emegeme se ŋa ra wuna me, ŋa go, " Aco, a woro wuza ukara Nan uvira?" 50 Nze owe ohoŋe wa gware oyonŋe onovento atuma a Priest usǝru. 51 Yeso go, "egeme na bare!" Ma tupa otonŋe ogeme se ana gware, nze uwa wǝmo. 52 Yeso gon Priest usǝru, unu mǝnti aru patǝji, nan tenoŋo no tu nyameno me, "nŋi na rai uga ina mura ukari ucaron, nan tuvira nan tommo to ukara? 53 Uca ogeme se in wazen ŋi kuyyatiyǝ arupatǝji, nŋi dan meyonne. Ama uca u huŋi zi ugiya, konzen izen Agata a mǝri." 54 Ŋawa mey me nze ŋa ngana nan me, nze ŋa wan nanme atitauwa Priest u sǝru. Bata Peter tarse ŋe amaro pew. 55 Se ŋawa massa upǝnura arame nze kusun ŋa cikǝ a ngana, Peter anyimǝ haŋe. 56 Oyu wai utuma ni mi se mawa cikǝ isansan ura me, konzen ma turame aji nze ma go, "unugiya wa zenme." 57 Nze Peter met magita, agusa, "Ugalla, immi in ta row mi ni." 58 Nan udakano bate owe konzen ma ni mi, ma go, "nŋo onovento hoŋe ze." Bata Peter go, ,"onorome, dan imizi ni." 59 Azamari uca ovento oyono me kon go, "gangaŋ unugiya konzen mawa zen me, baka unu Galilea zi." 60 Ama Peter kon go, "Onorome, I'm mi in ta ru emegeme se nŋo ra bi mi ni." Dab uca ogeme, se mawa da bǝnu, begoro biwa tuŋara. 61 Nan uwangaro, Aco du nǝri Peter, konzen Peter donze nlen ma Aco, see mawa gonme, "begoro biwa kazo tungara una go u ta ruwun ni ka taro." 62 Peter du sura akai nze ma rewe cep. 63 Nze anarome a rinyangana to Yeso mey ugǝllǝ ohome ŋa ko ŋa tari mi. 64 Ŋa pate me aji a sangara ohome, agusa, "buku! avin na vafe?" 65 Ŋa bi mi nlen mu gǝllǝ cebete, nan nlen ma macara a Yeso. 66 Ara ti sana, tenoŋono tano gurna, taken Priest usǝru nan anu darsa makiri. Ŋa waŋ nanme aru bǝnu 67 nze ŋa go, "ingase nŋo ze ukassa, buka woro." Ama ma gonŋe, "ko inga in buki ŋi, I dawa gara ne, 68 konzen ingase in sangara ŋi, I dawa tara me ne. 69 Bata asura wajiya awaŋ, vana ono nin cikǝ uware bilai ba agata a Ədǝshǝri." 70 Ŋa guru guna, " Ashe nŋo vana Ədǝshǝri zi?" Yeso gonŋe, "Kando geme se ina buku." 71 Ŋa go, "iyaze I da ginǝrǝ mi aza hame? Baka woro nan retǝ redo Ina kuna iwu sura ame a nu."