Udaraŋa u 21

1 Yeso yiza aji ma nǝri anumura se ŋa ra nyaka umura o hoŋe a ubata. 2 Ma nǝri ushi, ono tiyaŋ a nyaka ti mites terepo. 3 Ma go, "gangaŋ na buku i ŋi, ushi u giya mana nyaka emegeme se i kira zale adaŋara me. 4 Zale anagiya ti nyaka a suru u mura o hoŋe ze. Bata ushi u wai ujiya a tiyaŋa teme, ma ti nyaka kusum u mura o home." 5 Kando geme se awe wa biyǝ epe akuru pate rete, sakama ogeme se awa gore nan azuwa a reze nan imu yiza, mago, 6 "aza tegogoro tigiya se ŋi nǝri, ayatiyǝ sǝ rǝ se rizuwa revento ri dǝwǝ ruku aza re ne se adama yirtu mi ni." 7 Nze ŋa sangara me, ŋa go, "ono bezezze, nan cinyu ze ara wuza tegogoro tigiya! Iya ze a nen beze do uca udeŋe tegogoro tigiya?" 8 Yeso tare, "cikǝ ni nan aji nan upǝnu tago a wu na ŋi remo ne. Ano cebete sǝ rǝ anyimi rija ron agusa, 'nganze immi,' konzen 'uca ze voto,' tago i tarse ŋe ne. 9 Ingase ŋi kuna ara yǝki nan tukara, tago i kuna iwi ni, baka tegogoro tigiya ti nin bursa u ra, bata u massa me ten deŋe sassa ne." 10 Inze Ma gonŋe, "Inyaŋa ma nin hira aza Inyaŋa, konzen tegomo aza tegomo. 11 Ara wuza ozokomo u sassaru, a nin ni a turara keken keken ekomo nan tegogoro ti caron. A nin ni imu nyaki iwi sosoi, konzen a nin nǝri turuna tu saru a surǝ adaishari. 12 Bata a kaze odeŋe uca tegogoro tigiya, ŋa nin wu na uware i ŋi ŋa nya ŋi makpai, ŋa nyaka ŋi a tare ti ano a sassaru awa ru pate aji nan ari inyaŋ, ara nyaku wu ŋi ara tegomo nan ti Gumina aza rija ron. 13 Igiya nin ŋa ŋi uwari u biyǝ nlen mageme se in wǝ buki ŋi. 14 Sakaman nane gara iruwi hiŋi tago ŋi mamara ubiyǝ mi bata uca me ne. 15 Baka se inra nyaŋi rekese ri uru imu buku, regeme se kusum anu nyamenu huŋi dama mura agata o meshe magita aza me ne. 16 Baka Anacowa haŋi, Anuwanoma haŋi, Ayeno nan renoa riŋi, sǝ nyaka ŋi konzen ŋa ra wu na ayeya haŋi ǝ wǝnǝ. 17 Kwavi sǝ nyamene ŋi baka rija ron. 18 Bata revento anyimi setǝ siŋi si dawa caro ne. 19 Anyimi umutǝnǝ u huŋi i nin mura ruma. 20 Uca ogeme se u nǝri Jerusalem ana lingara nan ti suja, i ru se upusa o home na ra voto. 21 Anageme se ŋageme se ŋa ranyimi Judea a ŋa suma a wame ɔwɔɔ, konzen anageme se ŋa ra zatǝ ape me ŋa suru, konen anageme se ŋara a ti gwiri tu lake tago ŋa pete anyimi ni. 22 Bata ti muru tigiya se aranu to odope tenze, baka da a binja emegeme se awa darsa. 23 Ca i ŋi anageme se ŋa zen tipuru nan ano mantǝ abiya a timuru tegeme ara kuna kpai a massano nan ucaro birwa konzen ihuu anagiya me. 24 Nŋa nin garsa anu ti vira ti, ara waŋ nan ŋe a nŋa ka cikǝ arere a kusum anu dira u ruwa Adǝshǝri, ŋa ra kayya ano Jerusalem da uca uwa anu dira u ruwa Adǝshǝri binja. 25 Karuna ka nin yonko oŋwe, ubǝrmǝ, nan ewenwero, konzen ara nǝrẹ iyabo aza massano. Inyaŋa ma nin kuna kpai, a nin damo baka u kuna ozokomo manyi nan agata me. 26 Ano nin wiju iruwa eŋe baka iwi adodonzo imu sǝra a massano. Baka agata awa adaishari sǝ zokomo. 27 Nze ŋa sǝ ni vana ono ara anyimi tewero, nan tegomo nan uyisiza o home u sǝsǝru. 28 Bata uca ogeme se tegogoro tigiya ti bursa oyonko, yira ni tore, i yiza ate haŋi, baka tukassa ti ŋi ti na ra voto." 29 Yeso wa buki ŋi uyu gǝmǝrǝ, "nǝrǝ ni utiti u ruŋ, nan zale titi. 30 Uca ogeme se ti bura ucuwala tuva, nŋi nǝri igusa ogwere ingiya na ra voto. 31 Sakaman nane ingase i nǝri tegogoro tigiya i ru si uca tegomo tǝ Adǝshǝri tina rǝ voto. 32 Gangaŋ, dikan buki ŋi, simiza sigiya si tin masso ne se tegogoro tigiya ti na ra. 33 Adaishari nan massano ma nin waka ama nleŋa maŋ ma tin waka ne. 34 To mǝntǝ ni ante a haŋi kima, tago iruwa i hiŋi binja nan epe iwu shiyǝ nan ubugu, nan udamo aza ruma riŋi, konzen atiyyǝ ageme nin mura ŋi garandan uga ukari. 35 Baka atiyyǝ mi nin ra a kusum ano ruma anu cikǝ anyimi massano. 36 Ama mamara ni ucikǝ a kuyyu ca, a rinyaŋana riŋi, remmo ni da i mura agata awu waka tegogoro tigiya se tin ra, konzen di mura otore aji vana ono." 37 To timuru tegeme se ma wara bezezze ano aru pate rete, nan atitinyǝ ma wanze aza ɔwö u Olives. 38 Zale ano rasa nan ucunju da ŋa kuna me aru pate rete.