1 Se aya atiye, Yeso mara bezezze ano anyimi ugura nan uyisu nlen ma Adǝshǝri, unu sǝsǝru ti-priest nan ano bezezze makiri ŋa ra ame ŋa nin tenoŋono. 2 Ŋa buku, a gon me, "buku a woro nan iya agata ze nŋo ra wuza tegogoro tigiya? Né avizi na nyai agata agiya? 3 Ma gara mago, "immi konzen in ra saŋǝru ŋi. Buki mi 4 aza ozorano o Johne. A sura adaishari né asura ono?" 5 Nze ŋa gura ate, eze ŋa bǝnu ŋa go, "ingase ego a sura adaishari zi, ma nin guna, iyaze ŋi dan wu na birwa ame ne? 6 Konzen ingase ego ǝsura ono ze, kusum ano ra giso hodo, baka se ŋaru imamme azu guna Johne Utuma ze." 7 Nze ŋa gare uguna ŋa tä ru aregeme se ika suru a nu ni. 8 Yeso gonŋe, "immi konzen in damǝ buku huŋi ne iya gata ze mira wuza tegogoro tigiya ne." 9 Ma buku ano ugǝmǝrǝ ugiya, "Oyono wa gita uru u iburi titi, enze ma nya ano ri-ware ri titi timi, inze ma wame a mai inyaŋa ma ka dakano. 10 Uca ogeme se ina yina ma tuma orere home a ma wan ano riware reme, a ŋa ka nya me iburi titi turu timi. Enze ano riware tari orere me ŋa kura me makuri nan tare ti wǝ. 11 Ma ko ma tuma oyorere me ŋa kuri ŋa tari mi ŋa shesheke me konzen ŋa kura m nan tare ti wǝ. 12 Nze ma ko ma tome unu taro nze ŋa tari mi har ma polkozo nze ŋa vati mi a kai. 13 Inze Aco uru uwi iburi go, 'iyaze in nin wuna? de kan tuma vano hon sen in barsa. Iranu ŋa nin kuna me.' 14 Bata uca ogeme se ano riware reme ti nǝri mi, enze ŋa bǝnu ŋa yita iruwa i ruwa agusa, 'unu jiya ze unu wushu umura o home, e wö me. Da umura me cikǝ o hodo.' 15 Ŋa zuzi mi amaro uru mi ŋa wö me. Iyaze Aco uru mi nin wuna ŋe? 16 Ma nin ra da ma wö ano riware ru uru mi, nze mara nya awe uru mi." Se ŋa kone nane ŋa go, "ca Adǝshǝri pate!" 17 Enze Yeso nǝrǝ ŋi, ma go, "iyaze imigiya se ana darsa: rizuwa regeme se anu piyara na kini renze rina cikǝ re-regoro? 18 Kuwavi se ma gara aza rizuwa rigiya mara poso tukutuku. Bata kusum ono geme se rizuwa reme re gara me ara ninika ome." 19 Nze Anu ru makiri, nan ti-priest ti-sǝsǝru ginǝri uruna o meyome anyimi uca ogeme, baka ŋa run si mana buki ugǝmǝrǝ ugiya aza haŋe ze. Bata ŋara kuna iwi iwa ano. 20 Ŋa wuza upawo me, ŋa tuma anu liŋaru a wuza uga anu wuza riwuza ri-gangaŋ, baka da ŋa mura mai macara ubǝnu o home, da ŋa nyaka me a tare tä anu biyǝ nlen nan unu sǝru u Gumina. 21 Ŋa saŋara me, ŋa go, "ono bezeze, woro ru se nŋo biyǝ uku bezezze kima, oye ta date ma waŋara ehe ne, bata nŋo bezeze ma gangaŋ uruna uwa Adǝshǝri. 22 E reze se da woro ŋiza iru inyaŋa ä Caesar ne oo?" 23 Yeso wa ru resosona reŋe, eze ma gon ŋe, 24 "bezon u sulai mi, tunyun kani tävi tenze nan riji rǝvi renze aza me?" Ŋa gon me, "Caesar." 25 Nze ma gonŋe, "nya Caesar emegeme se eze i Ceasar, konzen nya ni Adǝshǝri emegeme se eze iwa Adǝshǝri." 26 Ŋa wa tä mura udangalo emegemese ma na buki aji ano ne, emegeme wa pate ŋe anu ŋa tore wete. 27 Aye konzen anyimi ti-Saducees wa ra a me, ana geme se ŋa wa go uyisiza nkeze dawa nu ni, 28 ŋa sǝŋǝrǝ me, ŋa go, "ono bezezze, Moses ma wa darsa eré a rawa woro ma go ingase oyono wii, se madamen vana ne, uwanomome yete uwai me, da ma mura me vana. 29 Ŋa wa ze an ka sunare a purǝŋe, unu dinka wa yete uwai me, ma wii, ma dan mura vana ne, 30 ono repo uga ono dinka. 31 Onu taro me, konzen nane ze a ka ono sunare yete ma wii da vana ne. 32 Aza amaro me, uwai me ma wii. 33 Atiyǝ uyisiza nkeze uwai me ra cikǝ uwa vi zi? Tunsi an ka sunare me wa yita me aza uwaiyo ŋe." 34 Yeso gara ma gon ŋe, "abiya macara a massano, wuza anyä konzen a nyaŋe anyä. 35 Ama anageme se rewuza reŋe a simiza sigiya ri na mura ŋe uyisiza anyimi nkeze dawa wuza anyä né a nyaŋe anyä ne. 36 Ŋa tin ku ŋa wii ni, baka ŋa ze uga ti-malika nan abiya Adǝshǝri, ucikǝ abiya se awa yisiza ŋe ankeze. 37 Baka anu wiju, wa yere, ko Moses wa biza, ariya anyimi uja, aregeme se ma wa tisa Aco, Adǝshǝri Ibrahem nan Adǝshǝri Isaac nan Adǝshǝri Jacob. 38 Wagiya imme dan Adǝshǝri a nkeze ze ne, ama uwano ruma, baka kusum ruma rano manzen no." 39 Ayé anyimi anu ru makiri gare, "Ono bezezze, una gara kima." 40 Baka ŋa da men agata u sǝŋǝro me mai ne. 41 Yeso gon ŋe, "iyaze wa wu na se nŋa go unu kassa manze vana David? 42 Bata David nan retareme ma go utakarda u Psalms, Adǝshǝri wa gon Adǝshǝri a han, 'cikǝ uware bilaiya bon, 43 se ina we anu nyamene o hoi arucikǝ o hoi.' 44 David wa tisa unu kassa 'Aco', enze a nin win ni zi ma cikǝ vano me?" 45 Nan uruso otonŋe u ano kusum, ma gon Atuma hame, 46 "wuzani shanwö nan ano darsa makiri ano barsa tǝno nan tidï te-yoyö, anu barsa a gon ŋe kö a riijamane, nan u cikǝ a tikujira ti sǝsǝru a kura Adǝshǝri konzen aru cikǝ ana sǝsǝru ara remeze. 47 Ŋanze anu wajara tititau tǝ Ashi, konzen baka unǝrǝ ano ŋa wunku oremmo yoyo. Anarome sakama ana giya ni ka makwai mǝ sǝru."